କନକ ବ୍ୟୁରୋ : ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨ ଦିନିଆ ବାଂଲାଦେଶ ଗସ୍ତ କରିଛନ୍ତି । ତାଙ୍କର ଏହି ଗସ୍ତକୁ ବାଂଲାଦେଶର ଗୋଟିଏ ଗୋଷ୍ଠୀ ବିରୋଧ କରିଛି । ଶୁକ୍ରବାର ଦିନ ଏହି ବିରୋଧ ପ୍ରଦର୍ଶନ ବେଳେ ହିଂସା ଦେଖିବାକୁ ମିଳିଥିଲା । ଏହି ହିଂସାରେ ୪ ଜଣଙ୍କ ମୃତ୍ୟୁ ହୋଇଥିବା କୁହାଯାଇଛି । ଏହାସହ ଅନେକ ଲୋକ ଆହତ ହୋଇଛନ୍ତି । ମୋଦି ବାଂଲାଦେଶର ୫୦ ତମ ସ୍ୱାଧିନତା ଦିବସ ପାଳନ ଅବସରରେ ସେଠାରେ ଉପସ୍ଥିତ ହୋଇଛନ୍ତି । ମୋଦି ବାଂଲାଦେଶରେ ପହଂଚିବା ପରେ ଚଟଗାଓଁ ଜିଲ୍ଲାରେ ଥିବା ଏକ ମାଦ୍ରାସାର ଛାତ୍ର ଓ ଇସଲାମିକ ସମୁହ ତାଙ୍କ ଗସ୍ତକୁ ବିରୋଧ କରି ରାସ୍ତାରେ ହୋହାଲ୍ଲା କରିଥିଲେ । ଏନେଇ ପୋଲିସ ସହିତ ତାଙ୍କର ଧସ୍ତା ଧସ୍ତି ହୋଇଥିଲା । ଏହି ହିଂସାରେ ୪ ଜଣ ଲୋକଙ୍କର ମୃତ୍ୟୁ ହୋଇଥିବା ବେଳେ ଅନେକ ଲୋକ ଆହତ ହୋଇଥିବା କଥା କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚଟଗାଓଁ ମେଡିକାଲ କଲେଜ ହସ୍ପିଟାଲରେ ନିୟୋଜିତ ଥିବା ପୋଲିସ ଅଧିକାରୀ ଆଲ୍ଲାଓଦ୍ଦିନ ତାଲୁକଦାର କହିଛନ୍ତି କି ଏହି ହିଂସା ପରେ ୫ ଜଣ ଲୋକ ଗୁରୁତର ହୋଇ ମେଡିକାଲରେ ଆଡମିଶନ ହୋଇଥିଲେ । ସେମାନଙ୍କ ମଧ୍ୟରୁ ୪ ଜଣଙ୍କର ମୃତ୍ୟୁ ହୋଇଛି । ବାଂଲାଦେଶ ଗଣମାଧ୍ୟମର ସୂଚନା ମୁତାବକ ଇସଲାମ ସମୁହ ହିଫାଜତ୍-ଏ ଇସଲାମ୍ ର ସଦସ୍ୟ ମାନେ ଚଟଗାଓଁ ହଥାଜାରୀ ଅଞ୍ଚଳରେ ଥିବା ଥାନା ସମେତ ସରକାରୀ ଭବନ ଉପରେ ଆକ୍ରମଣ କରିଥିଲେ । ଏହାପରେ ପୋଲିସ ଏହାର ଜବାବ୍ ଦେବାକୁ ଯାଇ ସେମାନଙ୍କ ଉପରେ ଲାଠି ଚଳାଇଥିଲା ।
କହିରଖୁ କି ଶୁକ୍ରବାର ଦିନ ବାଂଲାଦେଶର ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ନିମନ୍ତ୍ରଣରେ ମୋଦି ବାଂଲାଦେଶରେ ପହଂଚିଥିଲେ । ହେଲେ ପ୍ରଧାନମନ୍ତ୍ରୀ ସେଠାରେ ପହଂଚିବାର କିଛିଦିନ ଆଗରୁ କିଛି ମୁସଲିମ୍ ନେତା ଓ ବାମପନ୍ଥୀ ଦଳ ମାନେ ମୋଦିଙ୍କ ଗସ୍ତକୁ ବିରୋଧ କରି ସେଠାରେ ରାଲି ଓ ସଭାମାନ କରୁଥିଲେ । ସେମାନେ କହିଥିଲେ କି ଶେଖ୍ ମୁଜିବିର ରହମାନ ବାଂଲାଦେଶକୁ ଏକ ଧର୍ମନିରପେକ୍ଷ ରାଷ୍ଟ୍ର କରିବାକୁ ଅନେକ ସଂଘର୍ଷ କରୁଥିବା ବେଳେ ମୋଦି ଜଣେ ସାଂପ୍ରଦାୟିକ ନେତା ।