ପଶ୍ଚିମବଙ୍ଗ ନଦିଆରେ ବ୍ୟାପକ ହିଂସା। ଲୋକାଲ ଟ୍ରେନରେ ନିଆଁ ଲଗାଇଲେ ପ୍ରଦର୍ଶନକାରୀ।
କନକ ବ୍ୟୁରୋ : ପେଗମ୍ବର ମହମ୍ମଦଙ୍କ ଉପରେ ଆପତ୍ତିଜନକ ଟିପ୍ପଣିକୁ ନେଇ ପଶ୍ଚିମବଙ୍ଗରେ ବିରୋଧ ବଢିଚାଲିଛି । ଶୁକ୍ରବାର ନମାଜ ପରେ ଆରମ୍ଭ ହୋଇଥିବା ହିଂସା ବର୍ତ୍ତମାନ ବିଭିନ୍ନ ଜିଲ୍ଲାକୁ ବ୍ୟାପିବାରେ ଲାଗିଛି । ଗତ ୪ ଦିନ ଧରି ପ୍ରଦେଶର ବିଭିନ୍ନ ସ୍ଥାନରେ ପ୍ରଦର୍ଶନ ବଢିବାରେ ଲାଗିଛି । ନଦିଆ ଜିଲ୍ଲାରେ ରବିବାର ରେଳ ଷ୍ଟେସନରେ ପ୍ରଦର୍ଶନ ବେଳେ ହିଂସା ହୋଇଛି । ପ୍ରଦର୍ଶନକାରୀ ଲୋକାଲ ଟ୍ରେନରେ ନିଆଁ ଲଗାଇଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୋଲିସର ସୂଚନା ଅନୁସାରେ ପ୍ରଦର୍ଶନକାରୀ ନଦିଆ ଜିଲ୍ଲାର ବେଥୁଆଡହରି ରେଳ ଷ୍ଟେସନରେ ଗୋଟିଏ ଲୋକାଲ ଟ୍ରେନରେ ନିଆଁ ଲଗାଇ ଦେଇଛନ୍ତି । ଟ୍ରେନ ଉପରେ ଆକ୍ରମଣ ପରେ ବ୍ୟାପକ କ୍ଷତି ମଧ୍ୟ ଘଟାଇଛନ୍ତି । ଅନେକ ସଂଖ୍ୟାରେ ପ୍ରଦର୍ଶନକାରୀ ନଦିଆ ଜିଲ୍ଲାର ବିଭିନ୍ନ ସ୍ଥାନରେ ରାସ୍ତାରୋକ କରିଥିଲେ । ଯେତେବେଳେ ସେମାନଙ୍କ ପିଛା କରାଯାଇଥିଲା ସେତେବେଳେ ରେଳ ଷ୍ଟେସନକୁ ପସିଥିଲେ । ଏହି ସମୟରେ ଯାଉଥିବା ଲୋକଲ ଟ୍ରେନ ଉପରେ ପଥର ମାଡ କରିବା ସହ ପରେ ନିଆଁ ଲଗାଇଥିଲେ ।