ପ୍ରଫେସର ରଞ୍ଜନ କୁମାର ବଳ ହେଲେ ଏଏସବିଏମ୍ ବିଶ୍ୱବିଦ୍ୟାଳୟର କୁଳପତି
କନକ ବ୍ୟୁରୋ: ଉତ୍କଳ ବିଶ୍ୱବିଦ୍ୟାଳୟର ବାଣିଜ୍ୟ ଓ ବ୍ୟବସାୟ ପରିଚାଳନା ଫ୍ୟାକଲଟିର ପୂର୍ବତନ ଡିନ୍ ତଥା ଇଣ୍ଡିଆନ୍ ଆକାଉଣ୍ଟିଂ ଆସୋସିଏସନର ପୂର୍ବତନ ଜାତୀୟ ସଭାପତି ପ୍ରଫେସର ରଞ୍ଜନ କୁମାର ବଳ ଏଏସବିଏମ୍ ବିଶ୍ୱବିଦ୍ୟାଳୟର କୁଳପତି ଭାବେ ଦାୟିତ୍ୱ ଗ୍ରହଣ କରିଛନ୍ତି । ପ୍ରଫେସର ବଳ ଦୀର୍ଘ ତିନି ଦଶନ୍ଧୀରୁ ଅଧିକ ସମୟ ଉତ୍କଳ ବିଶ୍ୱବିଦ୍ୟାଳୟରେ ପ୍ରଫେସର, ଡିନ୍, ପିଜି କାଉନସିଲ୍ ଅଧ୍ୟକ୍ଷ, ବିଭାଗୀୟ ମୁଖ୍ୟ ଓ ସିଣ୍ଡିକେଟ୍ ସଦସ୍ୟ ଭାବେ ବିଭିନ୍ନ ପଦପଦବୀରେ କାର୍ଯ୍ୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏଏସବିଏମ୍ ବିଶ୍ୱବିଦ୍ୟାଳୟର ଅଧ୍ୟାପକ ଏବଂ କର୍ମଚାରୀମାନଙ୍କରଏକ ସମାବେଶରେ ବିଶ୍ୱବିଦ୍ୟାଳୟର ପ୍ରତିଷ୍ଠାତା ତଥା କୁଳାଧ୍ୟକ୍ଷ ପ୍ରଫେସର ବିଶ୍ୱଜିତ ପଟ୍ଟନାୟକ ନୂତନ କୁଳପତି ପ୍ରଫେସର ବଳଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇ ଅଭିନନ୍ଦନ କରିଥିଲେ ।
ପ୍ରଫେସର ବଳ ବିଜନେସ୍ ଆଡମିନିଷ୍ଟ୍ରେସନରେ ପିଏଚଡି ହାସଲ କରିବା ସହ ଆଇଆଇଏମ୍ ଅହମ୍ମଦାବାଦରୁ ଅଧ୍ୟାପନା ବିକାଶ ବିଷୟରେ ଯୋଗ୍ୟତା ହାସଲ କରିଛନ୍ତି । ସେ ଉତ୍କଳ ବିଶ୍ୱବିଦ୍ୟାଳୟର ଆଭ୍ୟନ୍ତରୀଣ ଗୁଣବତ୍ତା ସେଲର ନିର୍ଦ୍ଦେଶକ ଭାବେ କାର୍ଯ୍ୟ କରିଛନ୍ତି । ପ୍ରଫେସର ବଳଙ୍କ ଅଧୀନରେ ୩୨ ଜଣ ଛାତ୍ରଛାତ୍ରୀ ଗବେଷଣା କରି ପିଏଚଡି ଡିଗ୍ରୀ ହାସଲ କରିଛନ୍ତି । ସେ ସାତଟି ପୁସ୍ତକ ଓ ୮୪ଟି ଗବେଷଣାତ୍ମକ ସନ୍ଦର୍ଭ ପ୍ରକାଶ କରିଛନ୍ତି ।
ପ୍ରକାଶ ଥାଉକି ଏଏସବିଏମ୍ ବିଶ୍ୱବିଦ୍ୟାଳୟର କୁଳପତି ଚୟନ କମିଟି ଏବଂ ପରିଚାଳନା ବୋର୍ଡ ୩ ଜଣ ଶିକ୍ଷାବିତଙ୍କ ନାମ କୁଳପତି ପଦବୀ ପାଇଁ ସୁପାରିସ୍ କରିଥିଲେ । ସେଥିମଧ୍ୟରୁ ଏଏସବିଏମ୍ ବିଶ୍ୱବିଦ୍ୟାଳୟର ପ୍ରତିଷ୍ଠାତା ଓ କୁଳାଧ୍ୟକ୍ଷ ପ୍ରଫେସର ବିଶ୍ୱଜିତ୍ ପଟ୍ଟନାୟକ କୁଳପତି ପଦବୀରେ ପ୍ରଫେସର ବଳଙ୍କୁ ନିଯୁକ୍ତ ଦେଇଛନ୍ତି ।