୨୦୨୩ରେ ପାକିସ୍ତାନ ଖଣ୍ଡ ଖଣ୍ଡ! ପ୍ରଫେସର ମୁକ୍ତଦର ଖାନ କାହିଁକି କହିଲେ ଏମିତି ପଢନ୍ତୁ …
କନକ ବ୍ୟୁରୋ: ପ୍ରତ୍ୟେକ କ୍ଷେତ୍ରରେ ପଛୁଆ ହେଉଥିବା ପାକିସ୍ତାନର ସ୍ଥିତି ବିଗିଡିବାରେ ଲାଗିଛି । ବିଦେଶୀ ସହଯୋଗ ପରେ ମଧ୍ୟ ଲାଗୁନାହିଁ ଯେ ପାକିସ୍ତାନର ଆର୍ଥିକ ସ୍ଥିତି ସୁଧୁରିବାର ଆଶା ଦେଖାଯାଉନାହିଁ । ଦରଦାମ ବୃଦ୍ଧି, ବେରୋଜଗାରୀ, ଦୁର୍ନୀତିରେ ପ୍ରପିଡୀତ ଲୋକେ ସରକାର ବିରୋଧରେ ବିରୋଧ ଆରମ୍ଭ କରିଦେଇଛନ୍ତି । ପାକିସ୍ତାନ ଅଧିକୃତ କାଶ୍ମୀରରେ କିଛି ଜଣ ଭାରତର ଲଦ୍ଦାଖରେ ସାମିଲ ହେବା ପାଇଁ ଅନେକ ଦିନରୁ ପ୍ରଦର୍ଶନ ଆରମ୍ଭ କରିଦେଇଛନ୍ତି । ଏହି ସବୁ ଘଟଣାକ୍ରମକୁ ଦେଖିବା ପରେ ଅନେକ ବିଶେଷଜ୍ଞ ଏହା ମାନୁଛନ୍ତି ଯେ ପାକିସ୍ତାନର ସ୍ଥିତିରେ କୌଣସି ପରିବର୍ତ୍ତନ ଆସିବାର ନାହିଁ । ଯଦି ଏଭଳି ସ୍ଥିତି ସୃଷ୍ଟି ହୁଏ ତେବେ ଖଣ୍ଡ ଖଣ୍ଡ ହୋଇଯିବ ପାକିସ୍ତାନ ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ଡେଲାବେୟର ବିଶ୍ୱବିଦ୍ୟାଳୟର ଇସଲାମିକ ଷ୍ଟଡିଜ୍ ପ୍ରୋଗାମର ନିର୍ଦ୍ଦେଶକ ପ୍ରଫେସର ମୁକ୍ତଦର କହିଛନ୍ତି, ପାକିସ୍ତାନ ଉପରେ ୬ଟି ସଙ୍କଟ ଘେରା ମାରୁଛନ୍ତି । ଆଉ ଏହି ୬ଟି ସଙ୍କଟ ଦେଶକୁ ଖଣ୍ଡ ଖଣ୍ଡ କରିଦେବେ । ପାକିସ୍ତାନ ବର୍ତ୍ତମାନ ସଙ୍କଟ ଦେଇ ଗତିକରୁଛନ୍ତି । ଭାରତ ଯଦି ଚାହେଁ ତେବେ ଯୁଦ୍ଧ କରି ପିଓକେ ଏବଂ ଅନ୍ୟ ଅଞ୍ଚଳକୁ ନିଜ ସହ ମିଶାଇ ଦେଇପାରିବ ।
ପ୍ରଫେସର ସେୟାର କରିଥିବା ଗୋଟିଏ ଭିଡିଓରେ କହିଛନ୍ତି ଯେ, ୬ଟି ସଙ୍କଟ ପାକିସ୍ତାନକୁ ଖଣ୍ଡ ଖଣ୍ଡ କରିଦେବ । ଆଉ ଏହି ସଙ୍କଟ ଗୁଡିକ ହେଉଛି, ରାଜନୈତିକ ସଙ୍କଟ, ଆର୍ଥିକ ସଙ୍କଟ, ସୁରକ୍ଷା ସଙ୍କଟ, ସିଷ୍ଟମରେ ସଙ୍କଟ, ପରିଚୟର ସଙ୍କଟ, ପରିବେଶର ସଙ୍କଟ । ୨୦୨୩ରେ ଏହି ସବୁ ସଙ୍କଟ ପାକିସ୍ତାନକୁ ଖଣ୍ଡ ଖଣ୍ଡ କରିଦେବ । କେବଳ ଏତିକି ନୁହେଁ ବିଭିନ୍ନ ସରକାରୀ ସଂସ୍ଥାନର ମଧ୍ୟ କାମ କରିପାରିବେ ନାହିଁ । ଆଉ ଏଭଳି ସ୍ଥିତିରେ ହଜାର ହଜାର ସଂଖ୍ୟାରେ ଶରଣାର୍ଥୀ ସାରା ବିଶ୍ୱକୁ ବ୍ୟାପିଯିବେ । ବିଶେଷ କରି ଭାରତ ପ୍ରତି ଏହି ସମସ୍ୟା ବଡ ଚିନ୍ତା ସୃଷ୍ଟି କରିବ ।
ରାଜନୈତିକ ସଙ୍କଟ
ରାଜନୈତିକ ସଙ୍କଟକୁ ନେଇ ପ୍ରଫେସର କହିଛନ୍ତି, ଇମରାନ ଖାନଙ୍କୁ ସତ୍ତାରୁ ହଟାଇବା ପରେ ପାକିସ୍ତାନରେ ରାଜନୈତିକ ସଙ୍କଟ ଦେଖାଦେଇଥିଲା । ଇମରାନ କେତେବେଳେ ପ୍ରଦର୍ଶନ କରୁଛନ୍ତି ତ କେତେବେଳେ ସରକାର ବିରୋଧରେ ଭାଷଣ ଦେଉଛନ୍ତି । ଏଭଳି ସ୍ଥିତିରେ ରାଜନୈତିକ ସଙ୍କଟ କାରଣରୁ ସରକାରକୁ ଠିକରେ ଚଳାଯାଇପାରୁନାହିଁ । ସରକାର କାମ କରିବା ସମ୍ଭବ ପର ହେଉନାହିଁ । ସ୍ଥାନୀୟ ସରକାର ଅଧାରୁ ଅଧିକ ସମୟ ଇମାରନଙ୍କ ସହ ରାଜନୈତିକ ଖେଳ ଖେଳିବାରେ ବ୍ୟସ୍ତ ରହୁଛନ୍ତି ।
ଆର୍ଥିକ ସଙ୍କଟ
ଆର୍ଥିକ ସଙ୍କଟ କଥା ଯଦି ଦେଖିବା ତେବେ ବର୍ତ୍ତମାନ ପାକିସ୍ତାନରେ ଚିନ୍ତା ବଢାଇଛି ଦରଦାମ ବୃଦ୍ଧି । ଏଠାରେ ବିକାଶ ଦର ବହୁତ କମ ରହିଛି । ଆମଦାନୀ କମିଥିବା କାରଣରୁ ଆର୍ଥିକ ସଙ୍କଟ ଦେଖାଦେଇଛି । ସବୁଠାରୁ ବଡ ଚିନ୍ତାର ବିଷୟ ଏହା ଯେ ଯଦି କୌଣସି ଜିନିଷର ଆବଶ୍ୟକତା ପଡେ ତେବେ ବିଦେଶରୁ ଏହାକୁ କିଣିବା ପାଇଁ ପାଖରେ ସେହି ପରିମାଣର ବିଦେଶୀ ମୁଦ୍ରା ନାହିଁ । ଯଦି ପାକିସ୍ତାନ ଡିଫଲ୍ଟ ହୋଇଯାଏ ତେବେ ଦେଶର କ୍ରେଡିଟ ରାଙ୍କିଂ ନଷ୍ଟ ହୋଇଯିବ । ଆଉ କୌଣସିଠାରୁ ତାଙ୍କୁ ଋଣ ମିଳିପାରିବ ନାହିଁ । ଏହି ସ୍ଥିତିରୁ ମୁକୁଳିବାକୁ ୧୦ରୁ ୨୦ ବର୍ଷର ସମୟ ଲାଗିବାର ସଙ୍କଟ ମଧ୍ୟ ଦେଖାଦେଇଛି ।
ସୁରକ୍ଷାର ସଙ୍କଟ
ପ୍ର୍ରଫେସର ମୁକ୍ତଦର ଖାନଙ୍କ ଅନୁସାରେ ପାକିସ୍ତାନର ସୁରକ୍ଷା ପ୍ରସଙ୍ଗ ବେସ ଗମ୍ଭୀର ରହିଛି । ଦେଶ ଦୁଇଟି ଯୁଦ୍ଧ ଏକା ସହ ଲଢୁଛି । ପ୍ରଥମ ଯୁଦ୍ଧ ଆଫଗାନିସ୍ତାନର ତାଲିବାନ ବିରୋଧରେ ଏବଂ ଅନ୍ୟଟି ତହରିକ-ଏ-ତାଲିବାନ ବିରୋଧରେ ନିଜ ଦେଶରେ । ଟିଟିପି ଦେଶରେ ଏକ ସମାନ୍ତରାଳ ସରକାର ମଧ୍ୟ ଘୋଷଣା କରିସାରିଛି । ଗୋଟିଏ ଦେଶରେ ବର୍ତ୍ତମାନ ଦୁଇଟି ସରକାର ଶାସନ କରୁଛନ୍ତି । ଯଦି ପାକିସ୍ତାନ ଟିଟିପି ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଏ ତେବେ ସେମାନେ ଆଫଗାନିସ୍ତାନ ଚାଲିଯିବେ । ସେଠାରେ ଯାଏ ତାଙ୍କୁ ଆକ୍ରମଣ କରେ ତେବେ ଦୁଇ ଦେଶ ମଧ୍ୟରେ ଯୁଦ୍ଧ ଆରମ୍ଭ ହୋଇଯିବ । ଆଫଗାନିସ୍ତାନ ପାକିସ୍ତାନକୁ କୌଣସି ପରିସ୍ଥିତିରେ ଭୟ କରୁନାହିଁ । କାରଣ ସେମାନଙ୍କୁ ଲାଗୁଛି ଯେ ଆମେରିକା ହରାଇ ଦେଇଛନ୍ତି, ଆଉ ପାକିସ୍ତାନ ତାଙ୍କ ସାମ୍ନାରେ କିଛି ନୁହେଁ ।
ସିଷ୍ଟମରେ ସଙ୍କଟ
ପାକିସ୍ତାନରେ ସରକାରର ଯେଉଁ ପ୍ରଣାଳୀ ରହିଛି ସେଥିରେ ସ୍ଥିତି ସଙ୍ଗୀନ ରହିଛି । ସେଠାକାର ସେନା ଏହିଭଳି କାମ କରୁଛି ଯେଉଁଠି ଆଉ ସରକାର ସେମାନେ ଚଳାଉଛନ୍ତି । ପାକିସ୍ତାନ ଏ ଯେଉଁ ସ୍ଥିତି ରହିଛି ସେଠାରେ ଜଣେ ବ୍ୟକ୍ତି ସରକାର ଚଳାଉଛି, ଗୋଟିଏ ସେନା ସରକାର ଚଳାଉଛି, ଟିଟିପି ସେଠାରେ ସରକାର ଚଳାଉଛି ଆଉ ଏହି ସ୍ଥିତି ସମସ୍ତଙ୍କୁ ଚକିତ କରିଛି । ଏଭଳି ସ୍ଥିତିକୁ ସୁଧାରିବାର ଆବଶ୍ୟକତା ରହିଛି ।
ପରିଚୟ ସଙ୍କଟ
ପାକିସ୍ତାନର ଗୋଟିଏ ଗୋଷ୍ଠୀ ଏହିଭଳି ରହିଛନ୍ତି ଯେଉଁମାନେ ଚାହୁଁଛନ୍ତି ପାକିସ୍ତାନ ଏକ ଧର୍ମନିରପେକ୍ଷ, ଉଦାର ଲୋକତନ୍ତ୍ରର ଦେଶ ହେଉ । ଏଥିରେ ଭିନ୍ନ ଢଙ୍ଗରେ ଭାବିବାର ସ୍ୱାଧୀନତା ରହିଛି । କୌଣସି ବି ଧର୍ମ ବା ସଂସ୍କୃତିକୁ ମାନିବାର ସ୍ୱାଧୀନତା ରହୁ । ଆଉ ଗୋଟିଏ ଗୋଷ୍ଠୀ ରହିଛି ଯିଏ କଠୋର ଶରିଆ ଆଇନ ଲାଗୁ କରିବାକୁ ଚାହୁଁଛନ୍ତି । ଆଫଗାନିସ୍ତାନରେ ଯେଉଁଭଳି ସ୍ଥିତି ରହିଛି ତାହା ପାକିସ୍ତାନରେ ହେଉ ବୋଲି ସେମାନେ ଚାହୁଁଛନ୍ତି । ଯଦି ପାକିସ୍ତାନରେ ଟିଟିପିର ସରକାର ଆସେ ତେବେ ଏହା ପ୍ରଥମେ ଲାଗୁ କରାଯିବ ।
ପରିବେଶର ସଙ୍କଟ
ପ୍ରଫେସରଙ୍କ କହିବା କଥା ଯେ ଏହି ସବୁ ମାନବ ନିର୍ମିତ ସଙ୍କଟ ଠାରୁ ପରିବେଶର ସଙ୍କଟ ଅନେକ ଗୁଣରେ ବଢିବାରେ ଲାଗିଛି । ବାରମ୍ବାର ଆସୁଥିବା ବାତ୍ୟା, ବନ୍ୟା, ଭୂମିକମ୍ପ ଦେଶକୁ ତଳକୁ ତଳ ନେବାରେ ଲାଗିଛି । ଏହା ସରକାର ପାଇଁ ଚ୍ୟାଲେଞ୍ଜ ସୃଷ୍ଟି କରିଛି । ଅର୍ଥବ୍ୟବସ୍ଥା ଉପରେ ଏହାର ବଡ ପ୍ରଭାବ ପଡିଛି । ଚଳିତ ବର୍ଷ ଏହି ସବୁ କାରଣ ପାଇଁ ସଙ୍କଟର ସମୟ ରହିଛି ।