କରୋନା କାଳରେ ଚାଲିଛି ୱାର୍କ ଫ୍ରମ ହୋମ ଓ ପାଠପଢା : ହେଲେ ସମସ୍ୟା ହେଉଛି ଇଂଟରନେଟ ସ୍ପିଡ; ମୋବାଇଲ ଡାଟା ସ୍ପିଡରେ ପାକିସ୍ତାନଠୁ ପଛରେ ଭାରତ
କନକ ବ୍ୟୁରୋ : କରୋନା ମହାମାରୀ ଯୋଗୁଁ ସାରା ବିଶ୍ୱରେ ୱାର୍କ ଫ୍ରମ ହୋମ, ଅନଲାଇନ ପାଠ ପଢା ହେଉଛି । କିନ୍ତୁ ମୋବାଇଲ ଇଂଟରନେଟ ସ୍ପିଡ ସମସ୍ୟା ଦେଶର ଅନେକ ସ୍ଥାନରେ ଦେଖିବାକୁ ମିଳୁଛି । ଗ୍ରାମାଂଚଳ ଓ ଦୁର୍ଗମ ଅଂଚଳରେ ମୋବାଇଲ ଇଂଟରନେଟର ସ୍ଥିତି ଆହୁରି ଅସମ୍ଭାଳ ।
Kanak News is now on WhatsApp
Join and get latest news updates delivered to you via WhatsApp
ଇଂଟରନେଟ ସ୍ପିଡ ସମସ୍ୟା ଯୋଗୁଁ ପିଲାଙ୍କ ପାଠ ପଢା ପ୍ରଭାବିତ ହେଉଛି ତା ନୁହେଁ, ଅନଲାଇନ ଉପରେ ନିର୍ଭରଶୀଳ ସମସ୍ତ କାମ ମଧ୍ୟ ପ୍ରଭାବିତ ହେଉଛି । ଖାଲି ଏତିକି ନୁହେଁ, ଡାଟା ସ୍ପିଡରେ ପଡୋଶୀ ପାକିସ୍ତାନ ଠାରୁ ମଧ୍ୟ ପଛୁଆ ରହିଛି ଭାରତ । ଭାରତରେ ମାତ୍ର ୧୨.୪୦ ଏମବିପିଏସ ଡାଉନଲୋଡିଂ ସ୍ପିଡର ମୋବାଇଲ ଡାଟା ମିଳୁଛି । ସେପଟେ ପାକିସ୍ତାନରେ ଡାଉନଲୋଡ ସ୍ପିଡ ରହିଛି ୧୭.୭୩ ଏମବିପିଏସ । ବିଶ୍ୱର ୨୯ଟି ଦେଶରେ ଭାରତ ଠାରୁ ଅଧିକ ସ୍ପିଡର ଇଂଟରନେଟ ମିଳୁଛି ।
କିଛି ଦିନ ତଳେ କରୋନା ସଂକ୍ରମଣ କମିବା ପରେ ସ୍କୁଲ କଲେଜ ଖୋଲିବା ଆରମ୍ଭ କରିଥିଲା, ହେଲେ କରୋନାର ଦ୍ୱିତୀୟ ଲହର ଯୋଗୁଁ ପୁଣି ଶିକ୍ଷାନୁଷ୍ଠାନ ଗୁଡିକ ବନ୍ଦ ହେବାରେ ଲାଗିଛି । ଆଉ ଅନଲାଇନ ପାଠପଢା ଆରମ୍ଭ ହୋଇଛି । ହେଲେ ଅନଲାଇନ ପାଠ ପଢା ଓ ଘରେ ରହି ଅଫିସ କାମ କରିବା ପାଇଁ ସମସ୍ତେ ଏକ ନିର୍ଦ୍ଧିଷ୍ଟ ଇଂଟରନେଟ ସ୍ପିଡ ଆବଶ୍ୟକତା ରହିଛି । ଏପରି ସ୍ଥିତିରେ ଇଂଟନରେଟ ସ୍ପିଡ ଧିମା ରହିବା ଭାରତୀୟଙ୍କୁ ଅସୁବିଧାରେ ପକାଇଛି ।