କନକ ବ୍ୟୁରୋ : ପ୍ରବଳ ବର୍ଷା ଯୋଗୁ ରାଜ୍ୟର ବିଭିନ୍ନ ନଦୀର ଜଳସ୍ତର ବଢିବାରେ ଲାଗିଛି । ବିପଦ ସଙ୍କେତ ଟପିଛି ଜଳକା । ମଥାନୀଠାରେ ଜଳସ୍ତର ବିପଦ ସଙ୍କେତ ପାର କରିଛି । ଏଠାରେ ବିପଦ ସଙ୍କେତ ୫.୫୦ ଥିବା ବେଳେ ଏବେ ଜଳସ୍ତର ରହିଛି ୫.୫୫ ମିଟର । ୭ଟି ନଦୀର ୧୨ଟି ସ୍ଥାନରେ ଜଳସ୍ତର ବଢିବାରେ ଲାଗିଛି । ସେହିଭଳି ଲଗାଣ ବର୍ଷାରେ ବିଭିନ୍ନ ନଦୀ ଫୁଲିଛି, କିନ୍ତୁ କୌଣସି ନଦୀରେ ବିପଦ ସଂକେତ ଉପରେ ଜଳସ୍ତର ପ୍ରଭାହିତ ହୋଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ନରାଜ, ବ୍ରାହ୍ମଣୀ, ବୈତରଣୀ, ସୁବର୍ଣ୍ଣରେଖାରେ ବିପଦସଂକେତ ତଳେ ଜଳସ୍ତର ରହିଥିବା ବେଳେ ଜଳକାରେ ବିପଦସଂକେତ ପାଖାପାଖି ଜଳସ୍ତର ରହିଛି । ବୁଢାବଳଙ୍ଗ, ବଂଶଧାରା ଓ ଋଷିକୁଲ୍ୟାରେ ବିପଦସଂକେତ ତଳେ ଅଛି ଜଳସ୍ତର । ଲଗାଣ ବର୍ଷାକୁ ଦୃଷ୍ଟିରେ ରଖି କେନାଲକୁ ଜଳଯୋଗାଣ କମାଯାଇଛି । ସମସ୍ତ ପ୍ରକାର ପରିସ୍ଥିତିର ମୁକାବିଲା ପାଇଁ ଅଫିସର ସଜାଗ ରହିଛନ୍ତି । ଜଳସମ୍ପଦ ବିଭାଗ ଅଧିକାରୀଙ୍କ ଛୁଟି ବାତିଲ କରାଯାଇଥିବା ବେଳେ ସମସ୍ତଙ୍କୁ ସଜାଗ ରହିବାକୁ ନିର୍ଦ୍ଦେଶ ଦିଆଯାଇଛି । ରାଜ୍ୟରେ ଏବେ ୮ଟି ବୃହତ୍ତ ଜଳଭଣ୍ଡାର ରହିଛି । ଯେଉଁଥିରୁ ମାତ୍ର ୨ଟି ଜଳଭଣ୍ଡାରରେ ଜଳସ୍ତର ୫୦ ପ୍ରତିଶତରୁ ଉପରେ ରହିଛି । ରେଙ୍ଗାଲିରେ ୮୩% ଓ ହୀରାକୁଦରେ ୭୮% ପ୍ରତିଶତ ଜଳ ରହିଛି ।
ଅନ୍ୟ ଜଳ ଭଣ୍ଡାରରେ ୫୦%ରୁ କମ ଜଳସ୍ତର ଅଛି । ସେହିଭଳି ରାଜ୍ୟରେ ଥିବା ୪୪ଟି ମଧ୍ୟମ ଧରଣର ଜଳଭଣ୍ଡାରରୁ ୧୨ଟି ଜଳଭଣ୍ଡାରରେ ଗେଟ୍ ନାହିଁ । ତେଣୁ ଏହିସବୁ ଜଳଭଣ୍ଡାରରେ ଅଧିକ ପାଣି ହେଲେ ଏହା ଆପଣାଛାଏଁ ବହିଯାଏ । ସେହିଭଳି ୧୪ଟି ଜଳଭଣ୍ଡାରରେ ୫୦ ପ୍ରତିଶତରୁ ଅଧିକ ଜଳ ରହିଥିବା ବେଳେ ଏଥିରୁ ୬ରୁ ଅଧିକ ଜଳଭଣ୍ଡାରରୁ ୭୫ ପ୍ରତିଶତରୁ ଅଧିକ ଜଳସ୍ତର ରହିଛି । ଅନ୍ୟ ୩୦ଟି ଜଳଭଣ୍ଡାରରେ ୫୦ ପ୍ରତିଶତରୁ କମ ଜଳସ୍ତର ରହିଛି । କିନ୍ତୁ ଏଯାଏଁ କୌଣସି ବନ୍ୟା ଭଳି ସ୍ଥିତି ସୃଷ୍ଟି ହୋଇନାହିଁ ବୋଲି କହିଛନ୍ତି ଧୀରେନ କୁମାର ସାମଲ ।