ପଶୁ ଚିକିତ୍ସକ ପ୍ରିୟଙ୍କା ରେଡ୍ଡୀଙ୍କୁ ନ୍ୟାୟ ଦେବା ପାଇଁ ସ୍ୱର ଉଠାଇଲା ସୋସିଆଲ୍ ମିଡିଆ ! ଟ୍ୱିଟରରେ ଟ୍ରେଣ୍ଡ୍ ହେଲା #JusticeForPriyankaReddy
ପଶୁ ଚିକିତ୍ସକ ପ୍ରିୟଙ୍କା ରେଡ୍ଡୀଙ୍କ ମୃତ୍ୟୁ ଏବେ ସୋସିଆଲ୍ ମିଡିଆରେ ଟ୍ରେଣ୍ଡରେ ରହିଛି । ପ୍ରିୟଙ୍କାଙ୍କୁ ନ୍ୟାୟ ଦେବା ପାଇଁ ସ୍ୱର ଉତ୍ତୋଳନ କରିଛି ସୋସିଆଲ୍ ମିଡିଆ । #JusticeForPriyankaReddy ମାଧ୍ୟମରେ ପ୍ରିୟଙ୍କାକୁ ନ୍ୟାୟ ଦେବା ପାଇଁ ଏକଜୁଟ୍ ହୋଇଛନ୍ତି ୟୁଜର୍ସ । ତେବେ ଘଟଣାଟି କିଛି ଏଭଳି , ବୁଧବାର ପଶୁଡାକ୍ତର ପ୍ରିୟଙ୍କା ରେଡ୍ଡୀ ହାଇଦ୍ରାବାଦର କୋଲ୍ଲୁର ସ୍ଥିତ ପଶୁଡାକ୍ତରକୁ ଯାଇଥିଲେ । ସେ ନିଜ ସ୍କୁଟିକୁ ଡାକ୍ତରଖାନା ବାହାରେ ପାର୍କ କରିଥିଲେ କିନ୍ତୁ ଫେରିବା ସମୟରେ ତାଙ୍କ ସ୍କୁଟି ପମ୍ପଚର ହେବା ଦେଖି ସେ ବ୍ୟତିବ୍ୟସ୍ତ ହୋଇପଡିଥିଲେ । ବ୍ୟସ୍ତ ହୋଇପଡିଥିବା ପ୍ରିୟଙ୍କା ଭଉଣୀକୁ ଫୋନ୍ କରି ସମସ୍ୟା ବିଷୟରେ ଅବଗତ କରାଇଥିଲେ । ପ୍ରିୟଙ୍କାଙ୍କ ଭଉଣୀ ତାଙ୍କୁ ସେଠାରୁ ବାହାରି କ୍ୟାବରେ ଆସିବା ପାଇଁ ପରାମର୍ଶ ଦେଇଥିଲେ । ଯାହାପରେ ପ୍ରିୟଙ୍କା ଭଉଣୀଙ୍କୁ କିଛି ଲୋକ ସାହାର୍ଯ୍ୟ ମାଗିଥିବା କଥା କହି ପରେ ଫୋନ୍ କରିବାକୁ କହିଥିଲେ ଏବଂ ପରେ ତାଙ୍କ ଫୋନ୍ ସ୍ୱିଚ୍ ଅଫ୍ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ଅନେକ ସମୟ ଧରି ପ୍ରିୟଙ୍କାଙ୍କ କୌଣସି ଖବର ନଥିବାରୁ ପରିଜନ ତାଙ୍କୁ ଖୋଜିବା ପାଇଁ ବାହାରିଥିଲେ ମଧ୍ୟ ନିରାଶ ହୋଇ ଘରକୁ ଫେରିଥିଲେ । ଶୁକ୍ରବାର ଅର୍ଥାତ୍ ଆଜି ସକାଳୁ ଶାଦନଗର ନିକଟରୁ ପ୍ରିୟଙ୍କାଙ୍କ ଅର୍ଦ୍ଧଦଗ୍ଧ ମୃତ ଶରୀରକୁ ଜବତ କରିଛି ପୋଲିସ୍ । ପ୍ରିୟଙ୍କାଙ୍କ ହତ୍ୟା ପରେ ସେଠାରେ ଭୟର ବାତାବରଣ ସୃଷ୍ଟି ହୋଇଛି । ପୁଲିସ ଘଟଣାର ତଦନ୍ତ ଚଳାଇଛି । ଏବେ ସିସିଟିଭି ଫୁଟେଜ ପୁଲିସ ତଦନ୍ତର ସାହାରା ପାଲଟିଛି । ମିଳିଥିବା ସୂଚନାନୁସାରେ,ପ୍ରଥମେ ହତ୍ୟା ପରେ ମୃତ ଶରୀରରେ ନିଆଁ ଲଗାଇ ଦିଆଯାଇଥିବା କଥା ଅନୁମାନ କରାଯାଉଛି ।