ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ସାମ୍ନାରେ ପିଲାମାନେ ଦେଲେ ପ୍ରଧାନମନ୍ତ୍ରୀଙ୍କୁ ଗାଳି ! ଟ୍ୱିଟରରେ ଭିଡିଓ ପୋଷ୍ଟ୍ କରି ପ୍ରିୟଙ୍କାଙ୍କ ଉପରେ ବର୍ଷିଲେ ସ୍ମୃତି ଇରାନୀ ।
ଲୋକସଭା ନିର୍ବାଚନର ଚତୁର୍ଥ ପର୍ଯ୍ୟାୟ ପୁରଣ ହୋଇସାରିଛି ଏବେ ଲଢେଇ ପଞ୍ଚମ ଚରଣର । ୬ ମେ କୁ ହେବାକୁ ଥିବା ମତଦାନରେ ଅନେକ ଭିଆଇପି ସିଟ୍ ରେ ଭୋଟ୍ ପକାଯିବ । ଯେଉଁଥିରେ ୟୁପିର ଅମେଠି ମଧ୍ୟ ରହିଛି । ଏଠାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କ ପାଇଁ ଭଉଣୀ ପ୍ରିୟଙ୍କା ରାଲି କରୁଛନ୍ତି । ତେବେ ଏବେ ସୋସିଆଲ୍ ମିଡିଆରେ ଏଭଳି ଏକ ଭିଡିଓ ଭାଇରାଲ୍ ହେଉଛି ଯେଉଁଠି ପ୍ରିୟଙ୍କାଙ୍କ ଆଗରେ ଛୋଟ ଛୋଟ ପିଲାମାନେ ପ୍ରଧାନମନ୍ତ୍ରୀ ମୋଦିଙ୍କୁ ଗାଳି କରୁଛନ୍ତି । ଏହି ଭିଡିଓ ଉପରେ ଅନେକ ବିବାଦ ଏବେ ସୃଷ୍ଟି ହୋଇସାରିଛି । କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ଏହା ଉପରେ ଏବେ ଆପତ୍ତି ଉଠାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସ୍ମୃତି ଇରାନୀ ବୁଧବାର ଏହି ଭିଡିଓ ପୋଷ୍ଟ୍ କରି ଟ୍ୱିଟ୍ କରି ଲେଖିଛନ୍ତି ଯେ ପ୍ରଧାନମନ୍ତ୍ରୀଙ୍କୁ କେତେ କ’ଣ ସହିବାକୁ ପଡୁଛି । କ’ଣ ଏହି ଭିଡିଓରେ ଦେଖି ଆପଣଙ୍କୁ ଭଲ ଲାଗୁଛି? ଏହି ଭିଡିଓରେ ପ୍ରିୟଙ୍କାଙ୍କ ସାମ୍ନାରେ କିଛି ଛୋଟ ପିଲା ପ୍ରଧାନମନ୍ତ୍ରୀଙ୍କୁ ଚୌକିଦାର ଚୋର୍ ହେ କହିବା ସହ ଗାଳି କରୁଥିବାର ନଜର ଆସୁଛନ୍ତି । ତେବେ ପ୍ରିୟଙ୍କା ଏହି ଭିଡିଓର କିଛି ସମୟ ପରେ ପିଲାମାନଙ୍କୁ ଏଭଳି ଭାଷା ପ୍ରୟୋଗ କରିବା ପାଇଁ ମନା ମଧ୍ୟ କରିଛନ୍ତି । ପିଲାଙ୍କୁ ପ୍ରିୟଙ୍କା କହୁଛନ୍ତିି ଯେ ଏଭଳି ଭାଷା କୁହନାହିଁ ଏହା ଠିକ୍ ନୁହେଁ । ଏହାପରେ ପିଲାମାନେ ରାହୁଲ ଗାନ୍ଧୀ ଜିନ୍ଦାବାଦ୍ ର ନାରା ଲଗାଉଛନ୍ତି ।