ବିଜେପି ଗଡରେ ମୋଦିଙ୍କୁ ପ୍ରିୟଙ୍କା ଗାନ୍ଧୀଙ୍କ ଆକ୍ରମଣ : କହିଲେ, ନେହେରୁ-ଇନ୍ଦିରାଙ୍କ କାମର ହିସାବ ମାଗୁଥିବା ନେତା ୫ ବର୍ଷରେ କରିଛନ୍ତି କ’ଣ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀଙ୍କ ପ୍ରଶ୍ନବାଣ । ୟୁପିର ଗାଜିଆବାଦରେ ଏହି ପ୍ରଶ୍ନ କରିଛନ୍ତି ପ୍ରିୟଙ୍କା । ସେ କହିଛନ୍ତି ନେହେରୁ ଓ ଇନ୍ଦିରାଙ୍କ କାମ ନେଇ ହିସାବ ମାଗୁଥିବା ନେତା ୫ ବର୍ଷରେ କଣ କରିଛନ୍ତି ତାହ ହିସାବ ଦିଅନ୍ତୁ । ଗତକାଲି ୟୁପିର ଗାଜିଆବାଦରେ ରୋଡ ଶୋ କରିଥିଲେ । ଆଉ କହିଥିଲେ, ବାରାଣାସୀରେ ପ୍ରଧାନମନ୍ତ୍ରୀ କେବଳ ରୋଡ ଶୋ କରୁଛନ୍ତି ଓ ଲୋକଙ୍କ ସମସ୍ୟା ଶୁଣୁନାହାନ୍ତି । ସେ କେବଳ ଭାଷଣ ଦେବାକୁ ଆସୁଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାପାନ ଗଲେ, ପାକିସ୍ତାନ ଗଲେ, ପୁରା ଦୁନିଆ ବୁଲିଲେ କିନ୍ତୁ ଆପଣ ଦେଖିଛନ୍ତି ସେ କେବେ ବାରାଣାସୀ ଲୋକଙ୍କ ସହ କାନ୍ଧଙ୍କୁ କାନ୍ଧ ମିଳେଇବାର । ବାରଣାସୀ ଗସ୍ତବେଳେ ଲୋକେ ତାଙ୍କୁ ଏଭଳି କହିଥିବା କହିଛନ୍ତି ପ୍ରିୟଙ୍କା ଗାନ୍ଧୀ । ଗତ କିଛି ଦିନ ହେଲା ୟୁପିରେ ପ୍ରଚାର ବେଳେ ମୋଦିଙ୍କୁ ଆକ୍ରମଣ କରୁଛନ୍ତି ପ୍ରିୟଙ୍କା ଗାନ୍ଧୀ । ପ୍ରିୟଙ୍କାଙ୍କୁ ପୂର୍ବ ୟୁପିର ଦାୟିତ୍ୱ ଦିଆଯାଇଛି । ଆଉ ସେ ଏଥିପାଇଁ ଜୋରସୋରରେ ପ୍ରଚାର ଚଳାଇଛନ୍ତି ।