ଯୋଗୀଙ୍କ ଗଡରେ ପ୍ରିୟଙ୍କାଙ୍କ ରଣହୁଙ୍କାର । ଯୋଗୀ ଓ ମୋଦୀଙ୍କୁ ନେଇ କହିଲେ ଏଭଳି କଥା
କନକ ବ୍ୟୁରୋ : ଉତ୍ତର ପ୍ରଦେଶରେ କଂଗ୍ରେସକୁ ତାର ପୂର୍ବ ସ୍ଥିତି ଫେରାଇ ଆଣିବାକୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ପୁରା ଦମରେ ଲାଗି ପଡିଛନ୍ତି । ଆଜି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଗଡ କୁହାଯାଉଥିବା ଗୋରଖପୁରରେ ଏକ ବିଶାଳ ରାଲି କରି ପ୍ରିୟଙ୍କା ଯୋଗୀ ଓ ମୋଦୀଙ୍କ ଉପରେ ପ୍ରବଳ ବର୍ଷିଛନ୍ତି । ଗୋରଖପୁରରେ ଏକ ପ୍ରତିଜ୍ଞା ରାଲିକୁ ସମ୍ବୋଧିତ କରି ପ୍ରିୟଙ୍କା କହିଛନ୍ତି କି ଯୋଗୀ ଆଦିତ୍ୟନାଥ ଗୋରଖନାଥଙ୍କ ବିଚାରର ବିପରିତ ଦିଗରେ କାମ କରୁଛନ୍ତି । ସେ କହିଥିଲେ କି ବରୋଧୀ କହୁଛନ୍ତି ଯେ କଂଗ୍ରେସ ବିଜେପିର ଅନ୍ୟ ଏକ ଟିମ୍ , ହେଲେ ମୁଁ ମରିଯିବି ପଛେ ବିଜେପି ସହ କେବେ ବି ମେଣ୍ଟ କରିବି ନାହିଁ ବୋଲି ସେ ସ୍ପଷ୍ଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯୋଗୀ ସରକାରଙ୍କୁ ଟାର୍ଗେଟ୍ କରି ପ୍ରିୟଙ୍କା କହିଥିଲେ କି “ମୁଁ ଦୁଇବର୍ଷ ହେବ ୟୁପିର ଅନେକ ସ୍ଥାନ ବୁଲିସାରିଛି । ଏ ହେଉଛି ଆସ୍ଥାର ଦେଶ, ଏଠାରେ ଆମେମାନେ ଧରିତ୍ରୀ , ଧର୍ମ ଓ ନେତାଙ୍କ ଉପରେ ଆସ୍ଥା ରଖିଥାଉ । ହେଲେ ଏଠାରେ ଶାସକଙ୍କ ଉପରେ ଆସ୍ଥା ରଖି ଲୋକମାନେ ଭୁଲ କରିଛନ୍ତି” ।
ଅନ୍ୟପଟେ ପ୍ରିୟଙ୍କା ଗୃହମନ୍ତ୍ରୀ ତଥା ବିଜେପିର ବରିଷ୍ଠ ନେତା ଅମିତ ଶାହାଙ୍କୁ ଟାର୍ଗେଟ କରି କହିଛନ୍ତି “ଶାହା କହୁଛନ୍ତି ଏବେ ୟୁପିରେ ଅପରାଧୀଙ୍କୁ ଖୋଜିବାକୁ ଦୂରବିକ୍ଷଣ ଯନ୍ତ୍ରର ଆବଶ୍ୟକ ପଡୁଛି , ହେଲେ ସେ ଏକଥା ଯେତେବେଳେ କହୁଥିଲେ ସେତେବେଳେ ତାଙ୍କ ପାଖରେ ଅଜୟ ମିଶ୍ରା ଠିଆ ହୋଇଥିଲେ । ଅଜୟ ମିଶ୍ରାଙ୍କ ପ୍ରୁଅ ଗାଡି ଚଢାଇ କୃଷକଙ୍କୁ ହତ୍ୟା କରିବା ବୋଧେ ଶାହାଙ୍କ ଆଖିରେ ଅପରାଧ ନୁହେଁ”
କହିରଖୁ କି ୟୁପି ନିର୍ବାଚନ ପୂର୍ବରୁ କଂଗ୍ରେସ ପ୍ରତିଶୃତି ପତ୍ର ଘୋଷଣା କରିସାରିଛନ୍ତି । ରାଜ୍ୟ ନିର୍ବାଚନରେ ୪୦ ପ୍ରତିଶତ ଟିକେଟ ମହିଳାଙ୍କୁ ଦିଆଯିବା ସହ କଂଗ୍ରେସ କ୍ଷମତାକୁ ଆସିଲେ ମହିଳାଙ୍କୁ ସ୍କୁଟି ଓ ଫୋନ ଦେବାକୁ ଘୋଷଣା କରିଛନ୍ତି । ସବୁଠାରୁ ବଡ କଥା ପ୍ରିୟଙ୍କା ମହିଳାମାନଙ୍କୁ ନେଇ ଯେଉଁ ନାରା ଦେଇଛନ୍ତି (ମେଁ ଲେଡକି ହୁଁ ଲଡଶକ୍ତି ହୁଁ) ଏବେ ୟୁପିରେ ବେସ୍ ଲୋକପ୍ରିୟ ହୋଇଛି । ଏହାର ପ୍ରତିଫଳନ ସ୍ୱରୂପ ଆଜି ଗୋରଖପୁର ଠାରେ ଲକ୍ଷ ଲକ୍ଷ ମହିଳା ରୁଣ୍ଡ ହୋଇଥିବା ଦେଖିବାକୁ ମିଳିଛି ।