କନକ ବ୍ୟୁରୋ : ବଲିଉଡର ଚର୍ଚ୍ଚିତ ଅଭିନେତ୍ରୀ ପ୍ରିୟଙ୍କା ଚୋପ୍ରାଙ୍କ ସଫଳତା ପଛରେ କଳା ଯାଦୁ, ତନ୍ତ୍ର ବିଦ୍ୟା ଥିବା ନେଇ ବହୁବାର ଅଭିଯୋଗ ହୋଇଛି । ଶଇତାନୀ ପୂଜାର୍ଚ୍ଚନା ବଳରେ ପ୍ରିୟଙ୍କା ବହୁ ସଫଳତା ପାଇଥିବା ନେଇ ଅନେକ ଥର ଦାବି ମଧ୍ୟ ଉଠିଛି । ଆଉ ପ୍ରଥମ ଥର ଏଭଳି ମନ୍ତବ୍ୟ ଉପରେ ବୟାନ ରଖିଛନ୍ତି ଖୋଦ୍ ପ୍ରିୟଙ୍କା ଚୋପ୍ରା । ଚଳିତ ମାସରେ ବିଦେଶରୁ ମୁମ୍ବାଇ ଫେରିଥିବା ପ୍ରିୟଙ୍କା ଚୋପ୍ରା ୟୁଟ୍ୟୁବର ରଣବୀର ଆହ୍ଲାବଡିଆଙ୍କ ସହ କରିଥିବା ଏକ ପୋଡକାଷ୍ଟ ତଥା ଆଲୋଚନାରେ ଏହାର ଖୁଲାସା କରିଛନ୍ତି ପ୍ରିୟଙ୍କା ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ ସଫଳତା ପଛରେ କଳା ଯାଦୁଥିବା ନେଇ ରଣବୀରଙ୍କ ପ୍ରଶ୍ନ ଶୁଣି ପ୍ରିୟଙ୍କା ହସି ହସି କହିଥିଲେ ଏହା ଭୟଙ୍କର । ଭଗବାନ ଶିବ ମୋ ଉପରେ କ୍ଷୋଭ ପ୍ରକାଶ କରୁଥିବେ ବୋଲି ମଜାକରେ କହିଛନ୍ତି ପ୍ରିୟଙ୍କା । ଏବଂ ତାଙ୍କ ସଫଳତା ପଛରେ ଥିବା କାହାଣୀ ବର୍ଣ୍ଣନା କରିଛନ୍ତି । ପ୍ରିୟଙ୍କା କହିଛନ୍ତି, ମିସ୍ ୱାଲର୍ଡ ଜିତିବା ପରେ ତାଙ୍କ ଜୀବନ ପରିବର୍ତନ ହୋଇଯାଇଥିଲା । କିନ୍ତୁ ତାହା ପୂର୍ବରୁ ଫିଲ୍ମ ଇଣ୍ଡଷ୍ଟ୍ରୀରେ ପ୍ରବେଶ ପାଇଁ ତାଙ୍କୁ ବହୁତ କଷ୍ଟ କରିବାକୁ ପଡିଥିଲା । ହେଲେ ଏହି ଟାଇଟଲ ଜିତିବା ପରେ ଲୋକମାନେ ତାଙ୍କୁ ଅଧିକରୁ ଅଧିକ ଜାଣିବାକୁ ଚାହିଁଥିଲେ । ଏବଂ ଫିଲ୍ମ ତାଙ୍କ ପାଖକୁ ଆସିଥିଲା ବୋଲି କହିଛନ୍ତି ପ୍ରିୟଙ୍କା ।