ବିଶ୍ୱର ସବୁଠୁ ନିଆରା ଜେଲ୍…କଏଦୀଙ୍କୁ ଦିଆଯାଏ ଫାଇଭ୍ ଷ୍ଟାର ହୋଟେଲ ଭଳି ରୁମ୍, ରହିଛି ଜିମ୍, ସ୍ପା ଭଳି ବିଳାଶପୂର୍ଣ୍ଣ ସୁବିଧା ।
କନକ ବ୍ୟୁରୋ : ଜେଲ୍…ଯେଉଁମାନେ କିଛି ଅପରାଧଜନିତ କାର୍ଯ୍ୟ କରନ୍ତି, ସେମାନଙ୍କୁ କୋର୍ଟଙ୍କ ନିର୍ଦ୍ଦେଶ ପରେ ଜେଲ୍ ଭିତରେ ରଖାଯାଇଥାଏ । ଜେଲ୍ ଭିତରକୁ ନଯାଇଥିଲେ ମଧ୍ୟ, ବିଭିନ୍ନ ଫିଲ୍ମରେ ଜେଲ ଭିତରର କାଳ୍ପନିକ ଦୃଶ୍ୟ ହୁଏତ ଆପଣ କେବେ ନା କେବେ ନିଶ୍ଚୟ ଦେଖିଥିବେ । ଏହି ଜେଲର ନାଁ ଶୁଣିବା ମାତ୍ରେ, ଅନ୍ଧାର ବନ୍ଦ କୋଠରୀ, ବଡ ବଡ କାନ୍ଥ, ଖରାପ ଖାଦ୍ୟ ଭଳି ଜିନିଷ ଆପଣଙ୍କ ଆଖି ଆଗରେ ଆସିଯାଇଥାଏ ।
Kanak News is now on WhatsApp
Join and get latest news updates delivered to you via WhatsApp
କିନ୍ତୁ ଆଜି ଆମେ ଆପଣଙ୍କୁ ଏମିତି କିଛି ଜେଲ୍ କଥା କହିବୁ, ଯେଉଁଠି କଏଦୀମାନଙ୍କୁ ମିଳିଥାଏ ବିଳାଶପୂର୍ଣ୍ଣ ସୁବିଧା । ଏପରିକି ଏହି ଜେଲ୍ ତୁଳନାରେ ହୁଏତ ଫାଇଭ୍ ଷ୍ଟାର ହୋଟେଲ ମଧ୍ୟ ପଛରେ ପଡିଯିବ । ପ୍ରଥମେ ସେମିତି କିଛି ଜେଲର ଫଟୋ ଦେଖିନିଅନ୍ତୁ ।
ଜର୍ମାନୀରେ ଥିବା ଏହି ଜେଲରେ ରହୁଥିବା କଏଦୀମାନଙ୍କୁ, ବ୍ୟକ୍ତିଗତ ରୁମ୍, ବେଡ୍, ବାଥରୁମର ସୁବିଧା ଦିଆଯାଇଥାଏ । ଏପରିକି ଏହି ଜେଲରେ ବନ୍ଦୀମାନଙ୍କୁ ଲଣ୍ଡ୍ରି ମେସିନ୍ ଏବଂ କନଫରେନ୍ସ ରୁମ ଭଳି ସୁବିଧା ମଧ୍ୟ ଯୋଗାଇ ଦିଆଯାଏ ।
ଏହି ଜେଲଟି ଅଷ୍ଟ୍ରିଆର ପାର୍ବତ୍ୟ ଅଞ୍ଚଳ ଲିଓବେନରେ ଅବସ୍ଥିତ । ଏକ ଫାଇଭ ଷ୍ଟାର ହୋଟେଲରେ ଆପଣଙ୍କୁ ଯେଉଁଭଳି ସୁବିଧା ମିଳିଥାଏ, ଏହି ଜେଲରେ ମଧ୍ୟ କଏଦୀମାନଙ୍କୁ ସେହି ସୁବିଧା ଦିଆଯାଇଥାଏ । ଏପରିକି କଏଦୀମାନେ ଏଠାରେ ଜିମ୍, ସ୍ପା ଭଳି ବିଳାଶପୂର୍ଣ୍ଣ ସୁବିଧା ପାଇଥାନ୍ତି । ଏହାଛଡା ବନ୍ଦୀମାନେ ଏଠାରେ ଇନଡୋର ଗେମ୍ ମଧ୍ୟ ଖେଳିବାର ସୁବିଧା ପାଆନ୍ତି ।
କଏଦୀମାନଙ୍କୁ ସୁଧାରିବା ପାଇଁ ସ୍କଟଲ୍ୟାଣ୍ଡର ଏହି ଏଚଏମପି ଜେଲରେ ରହୁଥିବା ସବୁ ବନ୍ଦୀମାନଙ୍କୁ ସମସ୍ତ ସୁବିଧା ସୁଯୋଗ ଯୋଗାଇଦିଆଯାଏ । ଏପରିକି ଏଠାରେ କଏଦୀମାନଙ୍କୁ ୪୦ ସପ୍ତାହ ପର୍ଯ୍ୟନ୍ତ ଉତ୍ପାଦନ କୌଶଳତା ଉପରେ ଟ୍ରେନିଂ ମଧ୍ୟ ଦିଆଯାଏ । ଯେପରିକି ସେମାନେ ଜେଲରୁ ବାହାରିବା ପରେ ଭଲ କାମ ଏବଂ ଆରାମଦାୟକ ଜୀବନ ଜିଇଁପାରିବେ ।
ସ୍ୱିଜରଲ୍ୟାଣ୍ଡରେ ଅବସ୍ଥିତ ଚ୍ୟାମ୍ପ-ଡଲନ୍ ନାମକ ଏହି ଜେଲ ଦିନେ ବହୁ ସଂଖ୍ୟକ କଏଦୀଙ୍କ ପାଇଁ ବଦନାମ ଥିଲା । କିନ୍ତୁ ଆଜି ଏଠାରେ କଏଦୀମାନଙ୍କୁ ହୋଟେଲ ଭଳି ସୁବିଧା ଦିଆଯାଉଛି । ହୋଟେଲ ଭଳି ରୁମ୍, ଶୋଇବା ପାଇଁ ଭଲ ଆରାମଦାୟକ ଗଦି ମଧ୍ୟ କଏଦୀମାନଙ୍କୁ ଯୋଗାଇ ଦିଆଯାଏ ।
ନ୍ୟୁଜିଲାଣ୍ଡରେ ଅବସ୍ଥିତ ଏହି କାରାଗାରରେ କଏଦୀମାନଙ୍କୁ ସମସ୍ତ ସୁବିଧା ସହ ସେମାନଙ୍କୁ ଚାଷ, ଲାଇଟ୍ ଇଞ୍ଜିନିୟରିଂ, ରୋଷେଇ ଭଳି କାର୍ଯ୍ୟରେ ଦକ୍ଷ କରିବା ପାଇଁ ଏହି ଜେଲରେ ଟ୍ରେନିଂ ମଧ୍ୟ ଦିଆଯାଏ ।
ତେବେ ଜେଲ୍ ଗୁଡିକରେ ଏଭଳି ସୁବିଧା କରାଇବାର ଉଦ୍ଦେଶ୍ୟ ହେଉଛି, କଏଦୀମାନଙ୍କୁ ସୁଧାରିବା । ଯେପରିକି ସେମାନେ ଜେଲରୁ ବାହାରିବା ପରେ ଆଉ ଅପରାଧ ଦୁନିଆରେ ପାଦ ନଦେଇ, ଭଲ ମଣିଷ ହେବାକୁ ଚେଷ୍ଟା କରିବେ ।