କନକ ବ୍ୟୁରୋ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତିନିଦିନିଆ ଆମେରିକା ଗସ୍ତରେ ଅଛନ୍ତି । ଏହି ଅବସରରେ ଆଜି ପ୍ରଧାନମନ୍ତ୍ରୀ ମିଳିତ ଜାତିସଂଘରେ ଉଦବୋଧନ ଦେଇଛନ୍ତି । ନଜର ପକାନ୍ତୁ, ନିଜ ଅଭିଭାଷଣରେ କଣ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।
Kanak News is now on WhatsApp
Join and get latest news updates delivered to you via WhatsApp
ମିଳିତ ଜାତିସଂଘରେ ଅଭିଭାଷଣ ରଖି ପ୍ରଧାନମନ୍ତ୍ରୀ କହିଛନ୍ତି, ଗତ ଦେଢ ବର୍ଷ ହେଲା ପୂରା ବିଶ ମହାମାରୀ ସହ ଲଢୁଛି । ଗତ ଶହେ ବର୍ଷ ଭିତରେ ଆସିଥିବା ମହାମାରୀ ଭିତରେ କୋଭିଡ୍ ହେଉଛି ସବୁଠୁ ଅଧିକ ସଂକ୍ରାମକ । ଏହି ମହାମାରୀରେ ପ୍ରାଣ ହରାଇଥିବା ପ୍ରତିଟି ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ ମୋଦୀ ଶ୍ରଦ୍ଧାଞ୍ଜଳି ଦେଇଛନ୍ତି । ଏଥିସହିତ ସେ ଏପରି ଏକ ଦେଶକୁ ପ୍ରତିନିଧିତ୍ୱ କରୁଛନ୍ତି, ଯାହା ହେଉଛି ଗଣତନ୍ତ୍ରର ଜନନୀ । ଗଣତନ୍ତ୍ର ହେଉଛି ଆମ ହଜାରେ ବର୍ଷର ମହାନ ପରମ୍ପରା । ଗତ ଅଗଷ୍ଟ ୧୫ ତାରିଖରେ ଭାରତ ନିଜର ସ୍ୱାଧୀନତା ଦିବସ ପାଳନ କରିବା ସହିତ ନିଜର ୭୫ ତମ ସ୍ୱାଧୀନତା ଦିବସ ପାଳନ କରିଛି ।
#ମୋଦୀଙ୍କ_ଉଦବୋଧନ… #ବିଶ୍ୱ_ଶୁଣୁଛି
ମିଳିତ ଜାତିସଂଘରେ ପ୍ରଧାନମନ୍ତ୍ରୀ ମୋଦୀଙ୍କ ଉଦବୋଧନ
ସବୁଠୁ ବଡ ମହାମାରୀ ସହ ଲଢୁଛି ବିଶ୍ୱ: ମୋଦୀ
ମୁଁ ଏମିତି ଦେଶରୁ ଆସିଛି, ଯାହା ଗଣତନ୍ତ୍ରର ଜନନୀ: ମୋଦୀ
‘ବିବିଧତା ଆମ ଲୋକତନ୍ତ୍ରର ସ୍ୱତନ୍ତ୍ରତା’@narendramodi #UNGA76 #KanakNews pic.twitter.com/W76kl2V2Ri— Kanak News (@kanak_news) September 25, 2021
ଏଥିସହିତ ମୋଦୀ ଆହୁରି ମଧ୍ୟ କହିଛନ୍ତି ଯେ, ଲମ୍ବା ସମୟ ଧରି ସେ ଗୁଜରାଟର ମୁଖ୍ୟମନ୍ତ୍ରୀ ରହିଥିଲେ, ଗତ ୭ ବର୍ଷ ହେଲା ସେ ପ୍ରଧାନମନ୍ତ୍ରୀ ଭାବେ ଦେଶର ସେବା କରି ଆସୁଛନ୍ତି । ଏହାକୁ ମିଶାଇ ସେ ମୋଟ ୨୦ ବର୍ଷ ହେଲା ଦେଶର ସେବା କରିଆସୁଛନ୍ତି ବୋଲି କହିଛନ୍ତି । ଅନ୍ୟପଟେ ମିଳିତ ଜାତିସଂଘରେ ନିଜର ଅଭିଭାଷଣ ରଖି ମୋଦୀ କହିଛନ୍ତି, ସେବା ହିଁ ପରମ ଧର୍ମ । ଭାରତରେ ଏବେ ଟିକାକରଣ ଜୋରସୋରରେ ଜାରି ରହିଛି । ଭାରତ ଦୁନିଆର ପ୍ରଥମ ଡିଏନଏ ଟିକା ନିର୍ମାଣ କରିଛି ବୋଲି ମୋଦୀ କହିଛନ୍ତି ।
#WATCH | PM Modi says at UNGA,”…Countries with regressive thinking that are using terrorism as a political tool need to understand that terrorism is an equally big threat for them. It has to be ensured that Afghanistan isn’t used to spread terrorism or launch terror attacks…” pic.twitter.com/YCr85QGMby
— ANI (@ANI) September 25, 2021
ଅନ୍ୟପଟେ ମୋଦୀ ତାଙ୍କ ଅଭିଭାଷଣରେ ପାକିସ୍ତାନକୁ ପରୋକ୍ଷରେ ଟାର୍ଗେଟ କରିଛନ୍ତି । ଯେଉଁ ଦେଶମାନେ ଆତଙ୍କବାଦକୁ ଏବେ ବ୍ୟବହାର କରୁଛନ୍ତି , ଭବିଷ୍ୟତରେ ସେହି ଆତଙ୍କବାଦ ହିଁ ତାଙ୍କ ପାଇଁ ବିପଦର କାରଣ ହେବ ବୋଲି ମୋଦୀ କହିଛନ୍ତି । ତା ସହିତ ତାଲିବାନ ପ୍ରସଙ୍ଗରେ ମଧ୍ୟ ମୁହଁ ଖୋଲିଛନ୍ତି ପ୍ରଧାନମନ୍ତ୍ରୀ । ତାଲିବାନ ଏହା ସ୍ପଷ୍ଟ କରିବା ଉଚିତ୍ ଯେ, ଆଫଗାନିସ୍ତାନର ମାଟି ଆତଙ୍କବାଦ ପାଇଁ ବ୍ୟବହାର ହେବନି ବୋଲି ମୋଦୀ ଆଜି ମିଳିତ ଜାତିସଂଘରେ କହିଛନ୍ତି ।