କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଚଳିତମାସ ୨୯ ତାରିଖରୁ ୩୧ ତାରିଖ ପର୍ଯ୍ୟନ୍ତ ଇଟାଲି ଗସ୍ତରେ ଯିବା ନେଇ ସୂଚନା ମିଳିଛି । ଏହି କ୍ରମରେ ସୋଂରେ ସେ ୩୦ ଓ ୩୧ ତାରିଖ ଦୁଇଦିନ ଧରି ଅନୁଷ୍ଠିତ ହେବାକୁ ଥିବା ଜି-୨୦ ଶୀଖର ସମ୍ମିଳନୀ ବୈଠକରେ ଭାଗନେବେ । ଇଟାଲି ପରେ ପ୍ରଧାନମନ୍ତ୍ରୀ ମୋଦୀ ୟୁକେ ଗସ୍ତରେ ଯିବେ ଓ ସେଠାରେ ସ୍କଟଲାଣ୍ଡ ଠାରେ ଅନୁଷ୍ଠିତ ହେବାକୁ ଥିବା ଜଳବାୟୁ ସମ୍ମିଳନୀରେ ଭାଗ ନେବେ । ଏହାସହ ପ୍ରଧାନମନ୍ତ୍ରୀ ମୋଦୀ ୟୁକେର ପ୍ରଧାନମନ୍ତ୍ରୀ ବୋରିସ ଜନସନଙ୍କ ସହ ଦ୍ୱିପାକ୍ଷୀକ ଆଲୋଚନା କରିବେ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଅକ୍ଟୋବର ୩୧ ରୁ ନଭେମ୍ବର ୧୨ ତାରିଖ ପର୍ଯ୍ୟନ୍ତ ସ୍କଟଲାଣ୍ଡର ଗ୍ଲାସଗୋ ଠାରେ ବ୍ରିଟେନ ଦ୍ୱାରା ଆୟୋଜିତ ଜଳବାୟୁ ସମ୍ମିଳନୀରେ ପ୍ରଧାନମନ୍ତ୍ରୀ ଅଂଶଗ୍ରହଣ କରିବେ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ନିଶ୍ଚିତ କରାଯାଇଛି ।
ଗୁରୁବାର ଦିନ ନୂଆଦିଲ୍ଲୀରୁ ଡିଜିଟାଲ ଭାବେ ଲଣ୍ଡନରେ ଇଣ୍ଡିଆ ଗ୍ଲୋବାଲ ଫୋରମକୁ ସମ୍ବୋଧିତ କରିବା ସମୟରେ ଶ୍ରୀଙ୍ଗଲ କହିଛନ୍ତି ଯେ “ଆମେ ବୋଧହୁଏ ଏକମାତ୍ର ଜି-୨୦ ଦେଶ ଯେ କି ଏହାର ଏନଡିସି ଲକ୍ଷ୍ୟ ପୂରଣ କରିବାରେ ସମର୍ଥ ହୋଇଛି”
ସେ ଆହୁରି କହିଥିଲେ କି ଏହି ଉଚ୍ଚାଭିଳାଷୀ ଲକ୍ଷ୍ୟ ହାସଲ କରିବାକୁ ବିକାଶଶୀଳ ଦେଶମାନେ ଜଳବାୟୁ ଅର୍ଥ ଓ ସବୁଜ ପ୍ରଜୁକ୍ତିବିଦ୍ୟାର ଆବଶ୍ୟକତା ପଡିବ । ଆମକୁ ପ୍ରତିଶ୍ରୁତିର ଆବଶ୍ୟକତା ରହିଛି ଯାହାକି ପୂର୍ବାନୁମାନ ଯୋଗ୍ୟ ଏବଂ ଅଣ ଆର୍ଥିକ ଭାବେ ଲାଭ କରାଯାଇପାରିବ ।