ଦୁନିଆର ପ୍ରଭାବଶାଳୀ ନେତାଙ୍କ ମଧ୍ୟରେ ସ୍ଥାନ ପାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲଗାତାର ୪ର୍ଥ ପାଇଁ ତାଲିକାରେ ସ୍ଥାନ ପାଇଲେ ମୋଦି
କନକ ବ୍ୟୁରୋ : ଦୁନିଆ ପ୍ରଭାବଶାଳୀ ନେତାଙ୍କ ମଧ୍ୟରେ ସ୍ଥାନ ପାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଭିନେତା ଆୟୁଷ୍ମାନ ଖୁରାନା । ଆଉ ଏହି ତାଲିକାରେ ସାମିଲ ହୋଇଛନ୍ତି ଶାହୀନବାଗ ଆନ୍ଦୋଳନର ଚେହେରା ବନିଥିବା ବିଲକିସ ବାନୋ । ଟାଇମ ମାଗାଜିନ ଦ୍ୱାରା ପ୍ରକାଶିତ ତାଲିକାରେ ପ୍ରଧାନମନ୍ତ୍ରୀ ମୋଦିଙ୍କୁ ସ୍ଥାନ ମିଳିଛି । ଜଣେ ମାତ୍ର ଭାରତୀୟ ରାଜନେତା ଭାବେ ମୋଦିଙ୍କ ନାଁ ଏହି ତାଲିକାରେ ସ୍ଥାନ ପାଇଛି । ୨୦୧୪ରୁ ମୋଦୀ ପ୍ରଧାନମନ୍ତ୍ରୀ ହେବା ପରେ ଚତୁର୍ଥ ଥର ପାଇଁ ଏହି ତାଲିକାରେ ସ୍ଥାନ ପାଇଛନ୍ତି ପ୍ରଧାନମନ୍ତ୍ରୀ ମୋଦୀ ।
Kanak News is now on WhatsApp
Join and get latest news updates delivered to you via WhatsApp
ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା, ଆମେରିକୀୟ ନେତା କମଲା ହ୍ୟାରିସ, ଜୋ ବିଡେନ, ବ୍ରିଟେନ ରାଜନେତା ଏଞ୍ଜେଲା ମର୍କେଲ, ନେନସି ପୋଲଂସୀ ପରି ଅନେକ ବଡ ନେତାଙ୍କ ନାଁ ରହିଛି ଏହି ତାଲିକାରେ । ସେହିପରି ବଡ ସଫଳତା ହାସଲ କରିଛନ୍ତି ଅଭିନେତା ଆୟୁଷ୍ମାନ ଖୁରାନା । ଜଣେ ମାତ୍ର ଭାରତୀୟ ଅଭିନେତା ଭାବେ କଳାକାର କ୍ୟାଟେଗୋରୀରେ ସେ ସ୍ଥାନ ପାଇଛନ୍ତି । ଟାଇମ ମାଗାଜିନର ୧୦୦ଜଣ ପ୍ରଭାବଶାଳୀ ବ୍ୟକ୍ତିଙ୍କ ମଧ୍ୟରେ ଆୟୁଷ୍ମାନ ଖୁରାନା ମଧ୍ୟ ନିଜ ନାଁକୁ ସାମିଲ କରାଇଛନ୍ତି । ଏନେଇ ଆୟୁଷ୍ମାନ ନିଜେ ମଧ୍ୟ ନିଜ ଇନଷ୍ଟାଗ୍ରାମରେ ଫଟୋ ପୋଷ୍ଟ କରି ସୂଚନା ଦେଇଛନ୍ତି । ଆୟୁଷ୍ମାନ ଜଣେ ମାତ୍ର ଅଭିନେତା ଯିଏ ଚଳିତବର୍ଷ ଏହି ସଫଳତା ନିଜ ନାଁରେ କରିଛନ୍ତି । ସେପଟେ ଶାହୀନ ବାଗ ଆନ୍ଦୋଳନର ଚେହେରା ବନିଥିବା ବିଲକିସ ବାନୋ ବି ସାମିଲ ହୋଇଛନ୍ତି ।