କନକ ବ୍ୟୁରୋ: କରୋନା କବଳରେ ସାରା ବିଶ୍ୱ । ଭୟଙ୍କର ରୂପ ନେଇ ବଢି ଚାଲିଥିବା ଏହି ମହାମାରୀ ଭୁତାଣୁ ଏବେ ଓଡିଶାରେ ମଧ୍ୟ ସୃଷ୍ଟି କରିଛନ୍ତି ଆତଙ୍କ । ରାଜ୍ୟରେ ପ୍ରଥମ କରୋନା ରୋଗୀ ଚିହ୍ନଟ ହେବା ପରେ ଏବେ ଚାରିଆଡେ ଖେଳିଯାଇଛି ଭୟର ବାତାବରଣ । ତେବେ ଏଭଳି ପରିସ୍ଥିତିରେ ଏହାର ମୁକାବିଲା ପାଇଁ ଅଂଟା ଭିଡିଛନ୍ତି ରାଜ୍ୟ ସରକାର । ଯୁଦ୍ଧକାଳୀନ ଭିତିରେ କରୋନା ମୁକାବିଲା ପାଇଁ ପ୍ରୟାସ ଜାରି ରଖିଛନ୍ତି ରାଜ୍ୟ ସରକାର । ତେଣୁ କରୋନାକୁ ନେଇ କୌଣସି ଗୁଜବକୁ ବିଶ୍ୱାସ ନକରି କିମ୍ବା ଭୟଭୀତ ନହୋଇ କିଭଳି ଆପଣ ସତର୍କତା ଅବଲମ୍ବନ କରିବେ ସେ ନେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ପରାମର୍ଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆପଣ କରୋନା ପ୍ରଭାବିତ ଅଂଚଳରୁ ଫେରିଛନ୍ତି କିମ୍ବା କୌଣସି ଆକ୍ରାନ୍ତ ବ୍ୟକ୍ତିଙ୍କ ସଂସ୍ପର୍ଶରେ ଆସିଛନ୍ତି, ତେବେ ୧୪ ଦିନ ପର୍ଯ୍ୟନ୍ତ ଗୃହ ପୃଥକୀକରଣରେ ରହିବାକୁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ପରାମର୍ଶ ଦିଆଯାଇଛି । କାରଣ ସଚେତନା ହିଁ ଏହି ଭୟଙ୍କର ଭୁତାଣୁରୁ ରକ୍ଷା ପାଇବାର ଏକମାତ୍ର ମାଧ୍ୟମ ।
• ମୁକ୍ତ ବାୟୁ ଚଳାଚଳ କରୁଥିବା ଏବଂ ଏସି ଲଗାଯାଇନଥିବା କକ୍ଷ ବ୍ୟବହାର କରନ୍ତୁ
• ସନ୍ଦିଗ୍ଧ ସଂକ୍ରମିତ ବ୍ୟକ୍ତି ସ୍ୱତନ୍ତ୍ର ଶୌଚାଳୟ ବ୍ୟବହାର କରିବା ଉଚିତ
• ରୋଗୀର ବାସନ, ବିଛଣାପତ୍ର ଓ ଅନ୍ୟାନ୍ୟ ଜିନିଷ ଅନ୍ୟମାନେ ବ୍ୟବହାର କରିବା ଅନୁଚିତ
• ନିଜର ପରିଚ୍ଛନ୍ନତା ପାଇଁ ଧ୍ୟାନ ଦିଅନ୍ତୁ
• ସଂକ୍ରମିତ ଚାଦର, ଗାମୁଛା ଏବଂ ଅନ୍ୟାନ୍ୟ କପଡାକୁ ଭଲ ଭାବରେ ସାବୁନରେ ସଫାକରି ଖରାରେ ଶୁଖାନ୍ତୁ
• ଭୁତାଣୁ ନାଶକ ଦ୍ୱାରା ଆସବାବ ପତ୍ର, ହାତଧୂଆ ବେସିନ ଏବଂ ଶୌଚାଳୟକୁ ସଫା ରଖନ୍ତୁ
• ଦିନ ବେଳା ଝରକା ଖୋଲା ରଖନ୍ତୁ
• ବାରମ୍ବାର ଭଲଭାବରେ ସାବୁନରେ ହାତ ଧୁଅନ୍ତୁ
• କାଶ ବା ଛିଙ୍କ ସମୟରେ ମୁହଁକୁ କହୁଣୀ ବା ରୁମାଲ ବା ଟିସୁ ପେପର ଦ୍ୱାରା ଘୋଡାଇ ରଖନ୍ତୁ
• ଘରକୁ କୀଟାଣୁ ନାଶକ ଦ୍ରବଣ ଦ୍ୱାରା ସଫା କରନ୍ତୁ
• ସେବା ପ୍ରଦାନକାରୀଙ୍କ ପାଇଁ କକ୍ଷ ସମ୍ମୁଖରେ ସାବୁନ ଓ ପାଣିରେ ହାତ ଧୋଇବାର ବ୍ୟବସ୍ଥା କରାନ୍ତୁ
• ଯଦି ଆପଣ କର୍ମଜୀବୀ ତେବେ ଆପଣ କାମ କରୁଥିବା ପରିବେଶକୁ ପରିସ୍କାର ପରିଚ୍ଛନ୍ନ ରଖନ୍ତୁ
• ହ୍ୟାଣ୍ଡସେକରୁ ଦୂରେଇ ରୁହନ୍ତୁ
• ଅଧିକ ଲୋକଙ୍କ ସଂସ୍ପର୍ଶରେ ଆସନ୍ତୁ ନାହିଁ
ସେହିଭଳି କରୋନା ଭୁତାଣୁ ସଂକ୍ରମଣ ରୋକିବା ପାଇଁ ସ୍ୱଚ୍ଛତା, ସାବଧାନତା ଏବଂ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି । ଜ୍ୱର, କାଶ କିମ୍ବା ଶ୍ୱାସକ୍ରିୟାରେ କଷ୍ଟ ଅନୁଭବ କଲେ ଭୟଭୀତ ନହୋଇ ତୁରନ୍ତ ଡାକ୍ତରଙ୍କ ପରାମର୍ଶ ନେବାକୁ କୁହାଯାଇଛି ।