ଜନ୍ମଭୂମିରେ ପହଞ୍ଚି ଗାଁ ମାଟିକୁ ମୁଣ୍ଡିଆ ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ । କହିଲେ, ଏଇଠୁ ରାଷ୍ଟ୍ରପତି ଭବନ ପର୍ଯ୍ୟନ୍ତ ପହଞ୍ଚି ପାରିଛି ।
କନକ ବ୍ୟୁରୋ : ରାଷ୍ଟ୍ରପତି ରାମନାଥ କୋବିନ୍ଦ ଉତ୍ତରପ୍ରଦେଶ ଗସ୍ତରେ ଯାଇଛନ୍ତି । ଆଉ ନିଜର ଏହି ଗସ୍ତରେ ନିଜ ପୈତୃକ ଗାଁ ବା ଜନ୍ମସ୍ଥାନରେ ପହଞ୍ଚିଛନ୍ତି ରାଷ୍ଟ୍ରପତି । କିନ୍ତୁ ରାଷ୍ଟ୍ରପତି ନିଜ ଗାଁରେ ପହଞ୍ଚିବା ବେଳେ ଯେଉଁ ଦୃଶ୍ୟ ଦେଖିବାକୁ ମିଳିଛି ତାହା ଆପଣଙ୍କୁ ମଧ୍ୟ କିଛି ମାତ୍ରାରେ ଭାବବିହ୍ୱଳ କରିବ । ଜନ୍ମସ୍ଥାନ ପ୍ରତି ରାଷ୍ଟ୍ରପତିଙ୍କର ଥିବା ଭଲପାଇବାକୁ ଆଜି ପୂରା ଦେଶ ଦେଖିଛି । ଉତ୍ତରପ୍ରଦେଶର ପରୋଁଖ ଗାଁରେ ଆଜି ରାଷ୍ଟ୍ରପତି ପହଞ୍ଚିବା ବେଳେ ଏକ ନିଆରା ଦୃଶ୍ୟ ଦେଖିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରପତି ନିଜ ଗାଁରେ ହେଲିକପ୍ଟରରେ ପହଞ୍ଚିଥିଲେ । କିନ୍ତୁ ହେଲିକପ୍ଟରରୁ ଓହ୍ଲାଇ ଗାଁରେ ପାଦ ଦେବା ମାତ୍ରେ ଗାଁ ମାଟିକୁ ମୁଣ୍ଡିଆ ମାରିବାକୁ ଭୁଲିନଥିଲେ ରାଷ୍ଟ୍ରପତି । ଗାଁ ମାଟିକୁ ମୁଣ୍ଡରେ ମାରି ନିଜର ଯାତ୍ରା ଆରମ୍ଭ କରିଥିଲେ ରାଷ୍ଟ୍ରପତି । ଏହି ଅବସରରେ ରାଷ୍ଟ୍ରପତି କହିଛନ୍ତି, ମୁଁ ଯେଉଁଠି ବି ରୁହେ, ଗାଁ ପ୍ରତି ଥିବା ଭଲପାଇବା ସବୁବେଳେ ମୋ ହୃଦୟରେ ରହିଛି । ମୋ ପାଇଁ ପରୋଁଖ କେବଳ ଗୋଟିଏ ଗାଁ ନୁହେଁ ବରଂ ଏହା ମୋ ମାତୃଭୂମି । ଯେଉଁଠି ଦେଶସେବା ପାଇଁ ମୋତେ ପ୍ରେରଣା ମିଳିଛି । ମାତୃଭୂମିରୁ ମିଳିଥିବା ଏହି ପ୍ରେରଣା ମୋତେ ହାଇକୋର୍ଟରୁ ସୁପ୍ରିମକୋର୍ଟ, ସୁପ୍ରିମକୋର୍ଟରୁ ରାଜ୍ୟସଭା, ରାଜ୍ୟସଭାରୁ ରାଜଭବନ, ରାଜଭବନରୁ ରାଷ୍ଟ୍ରପତି ଭବନ ପର୍ଯ୍ୟନ୍ତ ପହଞ୍ଚାଇଛି ।
In a rare emotional gesture, after landing at the helipad near his village, Paraunkh of Kanpur Dehat district of Uttar Pradesh, President Ram Nath Kovind bowed and touched the soil to pay obeisance to the land of his birth. pic.twitter.com/zx6OhUchSu
— President of India (@rashtrapatibhvn) June 27, 2021
ଗାଁର ଜଣେ ସାଧାରଣ ବ୍ୟକ୍ତିକୁ ଦେଶର ସର୍ବୋଚ୍ଚ ପଦରେ ବସିବା ସହ ଦାୟିତ୍ୱ ନିର୍ବାହ କରିବାର ସୌଭାଗ୍ୟ ମିଳିବ ତାହାର କେବେ କଳ୍ପନା ମଧ୍ୟ କରିନଥିଲି । କିନ୍ତୁ ଆମର ଗଣତାନ୍ତ୍ରିକ ବ୍ୟବସ୍ଥା ପାଇଁ ଏହା ସମ୍ଭବପର ହୋଇପାରିଛି । ଗତ ୨୫ ତାରିଖରେ ରାଷ୍ଟ୍ରପତି ସ୍ପେଶାଲ ଟ୍ରେନ ଜରିଆରେ ଦିଲ୍ଲୀରୁ କାନପୁର ପହଞ୍ଚିଛନ୍ତି । ଆଉ ଏଠାରେ ବିଭିନ୍ନ କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେବେ । ଆଜି ନିଜ ଗାଁ ଅଭିମୁଖେ ଯାଇଥିଲେ ରାଷ୍ଟ୍ରପତି । ଯେଉଁଠି ଏଭଳି ଏକ ଦୃଶ୍ୟକୁ କଏଦ କରିଥିଲା କ୍ୟାମେରା ।