ମିଳିତ ଜାତିସଂଘର ସାଧାରଣ ସଭାର ସଭାପତି ଡେନିସ୍ ଫ୍ରାନ୍ସିସ୍ ଭାରତର କୂଟନୈତିକ ଦକ୍ଷତାକୁ ଭୂରି ଭୂରି ପ୍ରଶଂସା କରିଛନ୍ତି
ମିଳିତ ଜାତିସଂଘର ସାଧାରଣ ସଭାର ୭୮ ତମ ଅଧିବେଶନର ସଭାପତି ଡେନିସ୍ ଫ୍ରାନାନ୍ସିସ୍ ନ୍ୟୁଜ୍ ଏଜେନ୍ସି ପିଟିଆଇ ସହିତ ଏକ ସ୍ୱତନ୍ତ୍ର ବାର୍ତ୍ତାଳାପରେ ଭାରତକୁ ପ୍ରଶଂସା କରି କହିଛନ୍ତି ଯେ, ବିଶ୍ୱର ସର୍ବବୃହତ ଗଣତନ୍ତ୍ର ଭାବରେ ଯେଉଁଠାରେ ବହୁ ବର୍ଷ ଧରି ବିବିଧତା ମଧ୍ୟରେ ଏକତା ବଜାୟ ରହିଛି । ଭାରତ ସାର୍ବଭୌମତାର ସିଦ୍ଧାନ୍ତ ସହ ସହଜରେ ଯୋଗଦାନ କରିପାରେ । ଯେଉଁ ନୀତି ରାଜ୍ୟଗୁଡ଼ିକର ସାର୍ବଭୌମତ୍ୱ ସମାନତା ପାଇଁ ମିଳିତ ଜାତିସଂଘର ମୂଳଦୁଆ ଅଟେ ।
Kanak News is now on WhatsApp
Join and get latest news updates delivered to you via WhatsApp
ମିଳିତ ଜାତିସଂଘର ସାଧାରଣ ସଭାର ୭୮ ତମ ଅଧିବେଶନର ସଭାପତି ଡେନିସ୍ ଫ୍ରାନ୍ସିସ୍ ନ୍ୟୁଜ୍ ଏଜେନ୍ସି ପିଟିଆଇ ସହିତ ଏକ ସ୍ୱତନ୍ତ୍ର ବାର୍ତ୍ତାଳାପରେ ଭାରତକୁ ପ୍ରଶଂସା କରିବାବେଳେ କହିଛନ୍ତି ଯେ ଭାରତ ବିଶ୍ୱ ସ୍ତରରେ ଏବଂ ମିଳିତ ଜାତିସଂଘରେ ଏକ ପ୍ରମୁଖ ଖେଳାଳି ହୋଇସାରିଛି । ଫ୍ରାନ୍ସିସ୍ କହିଛନ୍ତି ଯେ ଏହି ଅନିଶ୍ଚିତତା ଏବଂ ବୃଦ୍ଧି ପାଉଥିବା ଭୌଗୋଳିକ ତିକ୍ତତା, ଦ୍ୱନ୍ଦ୍ୱ ଏବଂ ଜଳବାୟୁ ପରିବର୍ତ୍ତନ ବିଶ୍ୱ ସମୁଦାୟ ପାଇଁ ଏକ ବିପଦ ହୋଇ ରହିଛି ।‘ମୁଁ ଏହି ଚ୍ୟାଲେଞ୍ଜିଂ ସମୟରେ ଭାରତ ଆଡକୁ ଅନେଇଛି ’ ଫ୍ରାନ୍ସିସ୍ କହିଛନ୍ତି ଯେ ଯେଉଁ କ୍ଷେତ୍ରରେ ଭାରତ ନିଶ୍ଚିତ ଭାବରେ ପ୍ରକୃତ ନେତୃତ୍ୱ ପ୍ରଦର୍ଶନ କରିଛି ତାହା ହେଉଛି ଜାତିସଂଘର ନିୟମିତ ବଜେଟରେ ଭାରତ ଯଥେଷ୍ଟ ଅବଦାନ ରଖିଛି ଏବଂ ଜାତିସଂଘର ଶାନ୍ତି ରକ୍ଷା କାର୍ଯ୍ୟରେ କ୍ରମାଗତ ଭାବରେ ସୈନ୍ୟନ୍ୟବାହିନୀର ପ୍ରମୁଖ ଯୋଗଦାନକାରୀ ଭାବରେ ସ୍ଥାନ ପାଇଛି। ସେ କହିଛନ୍ତି ଯେ ଏହା ଏକ ଆହ୍ବାନପୂର୍ଣ୍ଣ ସମୟ । ସାଧାରଣ ସଭାର ସଭାପତି ଭାବେ ମୁଁ ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ଥିବା ବିଶ୍ୱାସ ଅଭାବକୁ ଦୂର କରିବା ପାଇଁ ଆମର ପ୍ରୟାସରେ ନେତୃତ୍ୱ ପାଇଁ ଭାରତକୁ ଚାହିଁବି । ସେ ଆଶା ପ୍ରକଟ କରିଛନ୍ତି ଯେ ମିଳିତ ଜାତିସଂଘର ଜଣେ ପ୍ରମୁଖ ସଦସ୍ୟ ଭାବରେ ଭାରତ ଅନ୍ୟ ସଦସ୍ୟ ରାଷ୍ଟ୍ରମାନଙ୍କୁ ମଧ୍ୟ ଏହା କରିବାକୁ ଉତ୍ସାହିତ କରୁଥିବାରୁ ଏହାର ଅର୍ଥପୂର୍ଣ୍ଣ ଭୂମିକା ଗ୍ରହଣ କରିବ ।
ମୁଁ ଭାରତର ଯୁବକ, ନାଗରିକ ସମାଜ ସଂଗଠନ ଏବଂ ଥିଙ୍କ ଟ୍ୟାଙ୍କ ସହିତ ମଧ୍ୟ ଯୋଗାଯୋଗ କରିବି । ଫ୍ରାନ୍ସିସ୍ ଭାରତ ଗସ୍ତରେ ଆସିଛନ୍ତି ଫ୍ରାନ୍ସିସ୍ ଜାନୁଆରୀ ୨୨ ରୁ ୨୬ ପର୍ଯ୍ୟନ୍ତ ଭାରତ ଗସ୍ତରେ ଆସିଛନ୍ତି ଏବଂ ଭାରତ ସରକାରଙ୍କ ନେତୃତ୍ୱ ଏବଂ ପ୍ରତିନିଧୀଙ୍କ ସହ ଦ୍ୱିପାକ୍ଷିକ ଆଲୋଚନା କରିବେ । ଏଥିସହ, ଫ୍ରାନ୍ସିସ୍ ନାଗରିକ ସମାଜ ଏବଂ ପ୍ରମୁଖ ଥିଙ୍କ ଟ୍ୟାଙ୍କ ସହିତ ବାର୍ତ୍ତାଳାପ କରିବେ । ବିଭିନ୍ନ କ୍ଷେତ୍ରକୁ ପରିଦର୍ଶନ କରିବେ ଏବଂ ସ୍ଥିରତା ସମ୍ବନ୍ଧୀୟ ଇଭେଣ୍ଟରେ ଅଂଶଗ୍ରହଣ କରିବେ । ଏହା ବ୍ୟତୀତ ଫ୍ରାନ୍ସିସ୍ ଅତିଥି ଭାବରେ ଭାରତର ଗଣତନ୍ତ୍ର ଦିବସ ପରେଡରେ ଅଂଶଗ୍ରହଣ କରିବେ ।