କନକ ବ୍ୟୁରୋ : ସାରା ବିଶ୍ୱ ପାଇଁ କର୍ଳଟ ରୋଗ ଏବେ ଚିନ୍ତାର କାରଣ ପାଲଟିଛି । କର୍କଟ ରୋଗରେ ପୀଡିତ ଲୋକଙ୍କ ମୃତ୍ୟୁହାର ମଧ୍ୟ ବଢିବାରେ ଲାଗିଛି । ବିଶେଷଜ୍ଞଙ୍କ ମତ କର୍କଟ ରୋଗର ବିଳମ୍ବିତ ଚିକିତ୍ସା ପାଇଁ ମୃତ୍ୟୁହାର କମିବାରେ ଲାଗିଛି । ଦେଶର ସର୍ବାଧିକ କର୍ଳଟ ରୋଗୀଙ୍କର ଚିକିତ୍ସା ଶେଷ ପର୍ଯ୍ୟାୟରେ ହେଉଛି । ଏହି ସମୟରେ ରୋଗୀର ଚିକିତ୍ସା କରିବା ଓ ତାଙ୍କୁ ବଞ୍ଚାଇ ରଖିବା ବଡ କଷ୍ଟକର ।

Advertisment

ଭାରତରେ ମଧ୍ୟ କର୍ଳଟ ରୋଗ ମାନବସମାଜ ପାଇଁ ଏକ ଅଭିଶାପ ପାଲଟିଯାଇଛି । ଏନେଇ ପବଇ ସ୍ଥିତ ଆଇଆଇଟି ବମ୍ବେ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ରାଷ୍ଟ୍ରପତି ଦୌପଦୀ ମୁର୍ମୁ ଗୁରୁବାର ଦିନ କର୍ଳଟ ରୋଗର ଚିକିତ୍ସା ପାଇଁ ସ୍ୱଦେଶୀ ଜ୍ଞାନକୌଶଳରେ ପ୍ରସ୍ତୁତ ହୋଇଥିବା ସିଏଆର ଟି-ସେଲ ଥେରାପିର ଲଂଚ କରିଛନ୍ତି । ଆଇଆଇଟି ବମ୍ବେ ଓ ଟାଟା ମେମୋରିଆଲ ସେଣ୍ଟର ଦ୍ୱାରା ବିକଶିତ ଏହି ଜିନ୍ ଆଧାରିତ ଥେରାପି ବିଭିନ୍ନ ପ୍ରକାର କର୍ଳଟ ରୋଗକୁ ଠିକ୍ କରିବାରେ ସହାୟତା କରିବ ।

ଦ ଲାନସେଟ ହେଲ୍ଥ ସାଉଥ-ଇଷ୍ଟ ଏଶିଆ ଜର୍ନଲରେ ପ୍ରକାଶିତ ଏକ ଅଧ୍ୟୟନ ରିପୋର୍ଟ ମୁତାବକ ଭାରତରେ ୨୦୧୯ ମସିହାରେ ୧୨ ଲକ୍ଷ କର୍କଟ ରୋଗୀ ଚିହ୍ନଟ ହୋଇଥିଲେ । ସେମାନଙ୍କ ମଧ୍ୟରୁ ୯.୩ ଲକ୍ଷ ରୋଗୀଙ୍କର ମୃତ୍ୟୁ ହୋଇଥିଲା । ଏଶିଆ ମହାଦେଶରେ କର୍କଟ ରୋଗ କ୍ଷେତ୍ରରେ ଭାରତ ଦ୍ୱିତୀୟ ସ୍ଥାନରେ ରହିଛି । ସ୍ୱାସ୍ଥ୍ୟ ବିଶେଷଜ୍ଞଙ୍କ ମତ ହେଉଛି ସିଏଆର ଟି-ସେଲ ଥେରାପି କର୍କଟ ରୋଗ ଚିକିତ୍ସାରେ ସହାୟକ ହୋଇପାରେ ।