କନକ ବ୍ୟୁରୋ: ‘ଫୋନି’ ପାଇଁ ସତର୍କ ରହିବାକୁ ସମସ୍ତ ଜିଲ୍ଲାପାଳଙ୍କୁ ଚିଠି ଲେଖିଲେ ଏସଆରସି ବିଷ୍ଣୁପଦ ସେଠୀ । ସଜାଗ ରହିବାକୁ ସମସ୍ତ ଜିଲ୍ଲାର ଜିଲ୍ଲାପାଳଙ୍କୁ ଏସଆରସି ନିର୍ଦ୍ଦେଶ ଦେଇଛନ୍ତି । ତେବେ ପୁରୀର ଦକ୍ଷିଣ ଦିଗରେ, ଗୋପାଳପୁରରୁ ଚାନ୍ଦବାଲି ମଧ୍ୟରେ ବାତ୍ୟା ‘ଫୋନି’ ସ୍ଥଳଭାଗ ଛୁଇଁବ କରିବ ବୋଲି ଭାରତୀୟ ପାଣିପାଗ ବିଭାଗ ଆକଳନ କରିଛି । ମେ ୩ ତାରିଖ ଶୁକ୍ରବାର ଅପରାହ୍ନରେ ବାତ୍ୟା ‘ଫୋନି’ ଲ୍ୟାଣ୍ଡଫଲ କରିପାରେ । ସେହିପରି ଆସନ୍ତା ୧୨ ଘଣ୍ଟା ମଧ୍ୟରେ ଏହା ଭୟଙ୍କର ରୂପ ନେବ ବୋଲି ପାଣିପାଗ ବିଭାଗ ଆକଳନ କରିଛି ।
Kanak News is now on WhatsApp
Join and get latest news updates delivered to you via WhatsApp
ବର୍ତମାନ ଏହି ବାତ୍ୟା ‘ଫୋନି’ ପୁରୀରୁ ୭୦୦ କିଲୋମିଟର ଦୂରରେ ଥିବା ବେଳେ ଆସନ୍ତାକାଲି ସନ୍ଧ୍ୟାରେ ଏହା ‘ଏକ୍ସ୍ସଟ୍ରିମଲି ସିଭିୟର ସାଇକ୍ଲୋନିକ ଷ୍ଟର୍ମ’ ର ରୂପ ନେବ । ଏବଂ ଉତର –ଉତ୍ତର ପୂର୍ବ ଦିଗକୁ ଏହି ବାତ୍ୟା ଗତି କରି ଓଡିଶା ଉପକୂଳକୁ ମୁହାଁଇବ । କିନ୍ତୁ ଚିନ୍ତାର କଥା ହେଉଛି , ଲ୍ୟାଣ୍ଡଫଲ କରିବା ସମୟରେ ପବନର ବେଗ ୧୭୫ରୁ ୧୮୫ କିଲୋମିଟର ପର୍ଯ୍ୟନ୍ତ ହୋଇପାରେ । ଏପରିକି ପବନର ବେଗ ଘଂଟା ପ୍ରତି ୨୦୫ କିଲୋମିଟରକୁ ଅତିକ୍ରମ କରିପାରେ ବୋଲି କୁହାଯାଇଛି ।
ଅନ୍ୟପଟେ ‘ଫୋନି’ ପ୍ରଭାବରେ ଆସନ୍ତା ୨ ତାରିଖରୁ ବର୍ଷାର ପରିମାଣ ଧିରେ ଧିରେ ବୃଦ୍ଧି ପାଇବ । ଏହାସହ ୩ ତାରିଖରେ ସ୍ଥଳଭାଗ ଛୁଇଁଲା ପରେ ଏହାର ପ୍ରଭାବ ବେଶ୍ ପଡ଼ିବ ବୋଲି ପାଣିପାଗ ବିଭାଗ ତରଫରୁ ପୂର୍ବାନୁମାନ କରାଯାଇଛି । ତେଣୁ ରାଜ୍ୟର ୬ଟି ଉପପୂଳ ଜିଲ୍ଲା ଯଥା- ଗଜପତି, ନୟାଗଡ଼, ଖୋର୍ଦ୍ଧା, କଟକ, ଯାଜପୁର, ଢ଼େଙ୍କାନାଳ, କେନ୍ଦୁଝର ଏବଂ ମୟୁରଭଞ୍ଜକୁ ବେଶୀ ପ୍ରଭାବିତ କରିପାରେ ବୋଲି ଆଶଙ୍କା ରହିଛି । ଏହାସହ ଏହି ସବୁ ଜିଲ୍ଲାଗୁଡ଼ିକରେ ପବନର ବେଗ ବଢ଼ିବା ସହ ବର୍ଷାର ପରିମାଣ ମଧ୍ୟ ବେଶ୍ ଅଧିକ ରହିପାରେ ବୋଲି ଆକଳନ କରିଛି ପାଣିପାଗ କେନ୍ଦ୍ର । ତେଣୁ ବିପଦପୂର୍ଣ୍ଣ ସ୍ଥାନରେ ଥିବା ଲୋକଙ୍କୁ ତୁରନ୍ତ ସୁରକ୍ଷିତ ସ୍ଥାନକୁ ସ୍ଥାନାନ୍ତର ପାଇଁ ସଜାଗ ରହିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ରହିଛି ।