ପ୍ରଥମ ପର୍ଯ୍ୟାୟ ଟିକାକରଣ ପାଇଁ ଭାରତର ବିଶାଳ ପ୍ରସ୍ତୁତି : ଗାଭି ଭାକ୍ସି ଆଲାଏନ୍ସର ଆକଳନ, ଖର୍ଚ୍ଚ ହେବ ପ୍ରାୟ ୧୩ ହଜାର କୋଟି
୩୦ କୋଟି ଲୋକଙ୍କୁ ୬ ରୁ ୮ ମାସ ମଧ୍ୟରେ ଦିଆଯିବ ଟିକା
କନକ ବ୍ୟୁରୋ : ଭାରତରେ ଟିକାକରଣ ପାଇଁ ବିଶାଳ ପ୍ରସ୍ତୁତି । ଦେଶରେ ପ୍ରଥମ ପର୍ଯ୍ୟାୟ ଟିକାକରଣ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ସରକାର । ଏଥିପାଇଁ ୧୩ ହଜାର କୋଟି ଟଙ୍କା ଖର୍ଚ୍ଚ ହେବ ବୋଲି ଆକଳନ କରିଛି ଗାଭି ଭାକି୍ସ ଆଲାଏନ୍ସ । ଆମେରିକା ପରେ ଭାରତରେ ସବୁଠାରୁ ଅଧିକ ସଂକ୍ରମଣ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଦେଶର ୩୦ କୋଟି ଲୋକଙ୍କୁ ପ୍ରଥମ ପର୍ଯ୍ୟାୟରେ ଟିକାକରଣ କରାଯିବ । ୬ରୁ ୮ ମାସ ମଧ୍ୟରେ ପ୍ରଥମ ପର୍ଯ୍ୟାୟ ଟିକାକରଣ ସରିବ । ଦେଶରେ ୪ ପ୍ରକାର ଟିକା ବ୍ୟବହାର ହୋଇପାରେ । ଅକ୍ସଫୋର୍ଡ ଆଷ୍ଟ୍ରାଜେନିକା, ଋଷିଆର ସ୍ପୁଟନିକ-ଭି, ଜାଇଡସ କାଡିଲାର ଜାଇକୋଭ-ଡି ଓ ଭାରତ-ବାୟୋଟେକର କୋଭାକ୍ସିନ ଟିକା ବ୍ୟବହାର ହୋଇପାରେ ।