ଗଣପର୍ବ ନୂଆଖାଇ ପାଇଁ ସ୍ଥିର ହେଲା ଲଗ୍ନ ! ଆସନ୍ତା ୧୪ ତାରିଖ ସକାଳ ୮ଟା ୧୦ରୁ ୮ଟା ୪୦ ମଧ୍ୟରେ ଇଷ୍ଟ-ଦେବୀ ସମଲେଶ୍ୱରୀଙ୍କ ନିକଟରେ ଲାଗି ହେବ ନବାନ୍ନ ।
କନକ ବ୍ୟୁରୋ : ପଶ୍ଚିମ ଓଡିଶାର ଗଣପର୍ବ ହେଉଛି ନୂଆଁଖାଇ । ନୂଆଁଖାଇ ଆସିଲେ ଉତ୍ସବମୁଖର ହୋଇପଡିଥାଏ ସମଗ୍ର ପଶ୍ଚିମ ଓଡିଶା । ପଶ୍ଚିମ ଓଡିଶାର ଗଣପର୍ବ ନୂଆଖାଇ ପାଇଁ ଆଜି ଲଗ୍ନ ଧାର୍ଯ୍ୟ ହୋଇଛି । ଆସନ୍ତା ୧୪ ତାରିଖ ତୁଳା ଲଗ୍ନରେ ସକାଳ ୮ଟା ୧୦ରୁ ୮ଟା ୪୦ ମଧ୍ୟରେ ମାଆଙ୍କ ନିକଟରେ ନବାନ୍ନ ଲାଗି ପାଇଁ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଝାଡୁଆପଡା ସ୍ଥିତ ବ୍ରହ୍ମପୁରା ମନ୍ଦିରରେ ମା ସମଲେଶ୍ୱରଙ୍କ ରାଶି ନକ୍ଷତ୍ର ଅନୁସାରେ ନୂଆଖାଇର ଲଗ୍ନ ଧରା ଯାଇଥାଏ । ପଣ୍ଡିତ ମହାସଭାରେ ପଣ୍ଡିତମାନେ ଏହି ଲଗ୍ନ ଧାର୍ଯ୍ୟ କରିଛନ୍ତି । ସମ୍ବଲପୁରର ଅଧିଷ୍ଠାତ୍ରୀ ଦେବୀ ମାଆ ସମଲେଶ୍ୱରୀଙ୍କ ଠାରେ ନବାନ୍ନ ଲାଗି ନେଇ ଆଜି ସମୟ ସ୍ଥିର କରାଯାଇଛି । ପଣ୍ଡିତ ମହାସଭାରେ ଲଗ୍ନ ଧାର୍ଯ୍ୟ ହେବା ପରେ ବ୍ରହ୍ମପୁରା ମନ୍ଦିରର ଜଣେ ପ୍ରତିନିଧି ଲଗ୍ନ ନେଇ ମା ସମଲେଶ୍ୱରୀ ମନ୍ଦିରକୁ ଯିବାର ବିଧି ରହିଛି ।