ଗାଁକୁ ରାସ୍ତା ନାହିଁ, ପହଞ୍ଚିପାରିଲାନି ଆମ୍ବୁଲାନ୍ସ । ଛଟପଟ ହୋଇ ଅଧ ବାଟରେ ଚାଲିଗଲା ଗର୍ଭବତୀଙ୍କ ଜୀବନ । କନ୍ଧମାଳ ଜିଲ୍ଲା ମ୍ଲାଉଗୁଡାର ଘଟଣା ।
କନକ ବ୍ୟୁରୋ: ଜଙ୍ଗଲି ରାସ୍ତା ନେଲା ଗର୍ଭବତୀଙ୍କ ଜୀବନ । ଗାଁକୁ ରାସ୍ତା ନଥିବାରୁ ଖଟିଆରେ ବୁହା ହୋଇ ୫ କିଲୋମିଟର ବୁହା ହୋଇ ଯିବା ବାଟରେ ପ୍ରସବ ବେଦନାରେ ଛଟପଟ ହୋଇ ଆଖି ବୁଜିଦେଇଛନ୍ତି ଗର୍ଭବତୀ । କନ୍ଧମାଳ ଜିଲ୍ଲା ଗୁଗୁରମହା ପଞ୍ଚାୟତରୁ ଆସିଛି ଏହି ଦୁଃଖଦ ଖବର ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ଶୁକ୍ରବାର ଗୁୁଗୁରମାହ ପଞ୍ଚାୟତର ମ୍ଲାଉଗୁଡା ଗାଁର ମେଚୁ ସୁକାମାଝୀଙ୍କ ସ୍ତ୍ରୀ ସୁମନ୍ତି ସୁକାମାଝିଙ୍କ ଗର୍ଭବେଦନା ହୋଇଥିଲା । ଗାଁକୁ ରାସ୍ତା ନଥିବାରୁ ଆମ୍ବୁଲାନ୍ସ ଆସିପାରିନଥିଲା । କିଛି ଉପାୟ ନପାଇ ପରିବାର ଲୋକେ ଆଶା ଦିଦିଙ୍କ ସହାୟତାରେ ତାଙ୍କୁ ଖଟିଆରେ ୫ କିଲୋମିଟର ଜଙ୍ଗଲିଆ ରାସ୍ତା ପାରି କରାଇଥିଲେ । ଦୀର୍ଘ ୫ କିଲୋମଟିର ଜଙ୍ଗଲି ରାସ୍ତା ପାରି କରିବା ପରେ ଜୁଡାବାଲି ସ୍ୱାସ୍ଥ୍ୟ କେନ୍ଦ୍ରକୁ ଅଣାଯାଇଥିଲା । ସେଠାରୁ ତାଙ୍କୁ ଆମ୍ବୁଲାନ୍ସରେ ବାଲିଗୁଡା ଉପଖଣ୍ଡକୁ ସ୍ଥାନାନ୍ତର କରାଯାଇଥିଲା । କିନ୍ତୁ ମହିଳା ଜଣକ ପ୍ରସବ ବେଦନା ସହିନପାରି ତୁମୁଡିବନ୍ଧ ନିକଟରେ ଆମ୍ବୁଲାନ୍ସ ଭିତରେ ଆଖି ବୁଜି ଦେଇଥିଲେ ।