କନକ ବ୍ୟୁରୋ: ସିନେମାର ଏହି ପୋଷ୍ଟର ବୟାନ କରୁଛି, ପ୍ରତାପ ସାମଲଙ୍କ ସହ ଓଲିଉଡର ଲିଙ୍କ୍ । ପୁଲିସ ହାଉସିଂବୋର୍ଡରେ ଡେପୁଟୀ ମ୍ୟାନେଜର ଭାବେ କାମ କରୁଥିବା ପ୍ରତାପ ସାମଲ, ସିନେମାରେ ଟଙ୍କା ଲଗାଉଥିବା ନେଇ ତଥ୍ୟ ଆଗକୁ ଆସିଛି । ଏହି ଫିଲ୍ମରେ ଆଉ ଜଣଙ୍କ ସହ ପ୍ରଯୋଜକ ଅଛନ୍ତି ପ୍ରତାପ ସାମଲଙ୍କ ପତ୍ନୀ ସସ୍ମିତା ସାମଲ । ତେଣୁ ସନ୍ଦେହ ହେଉଛି, କଳା ଟଙ୍କାକୁ ସିନେମାରେ ଲଗାଉଥିଲେ କୁବେର ସରକାରୀ ବାବୁ ପ୍ରତାପ ସାମଲ ।
Kanak News is now on WhatsApp
Join and get latest news updates delivered to you via WhatsApp
ଓଡିଶା ପୋଲିସ ହାଉସିଂ ଆଣ୍ଡ ୱେଲଫେୟାର କର୍ପୋରେସନର ଡେପୁଟି ମ୍ୟାନେଜର ପ୍ରତାପ ସାମଲଙ୍କ ଫେସବୁକ ପ୍ରୋଫାଇଲ୍ ଦେଖନ୍ତୁ, ନିଜକୁ ଓଡିଆ ଫିଲ୍ମ ପ୍ରଯୋଜକ ଭାବେ ପରିଚୟ ଦେଇଛନ୍ତି । ତଳେ ଲେଖିଛନ୍ତି ତାଙ୍କ ପ୍ରଯୋଜନାରେ ତିଆରେ ହୋଇଛି ବାଜି ଓ ନାରୀ ଆଖିରେ ନିଁଆ ଫିଲ୍ମ । ସେହି ଦୁଇଟି ଫିଲ୍ମରେ ତାଙ୍କ ପତ୍ନୀ ସସ୍ମିତା ସାମଲ ଅନ୍ୟଜଣଙ୍କ ସହ ପ୍ରଯୋଜିକା ଅଛନ୍ତି ।
ଟଙ୍କା ହିଁ ଟଙ୍କା ଉପାର୍ଜନ କରିଥାଏ । ଅସାଧୁ ଉପାୟରେ ସଂପତି ବଢାଇବା ଭିତରେ ଏହା ଠିକ୍ ବୁଝି ପାରିଥିଲେ ପ୍ରତାପ ସାମଲ । ସେଇଥି ପାଇଁ ପତ୍ନୀ ସସ୍ମିତା ସାମଲଙ୍କ ନାଁରେ ଚଳାଇଥିଲେ ଫିଲ୍ମ ବ୍ୟବସାୟ ।
ଓଡିଶା ପୋଲିସ ହାଉସିଂ ଆଣ୍ଡ ୱେଲଫେୟାର କର୍ପୋରେସନର ଡେପୁଟି ମ୍ୟାନେଜର ପ୍ରତାପ ସାମଲ ଜେଲ ଯାଇଛନ୍ତି । ଜାମିନ ନାମଞ୍ଜୁର ହେବାରୁ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ପ୍ରତାପ ନିଜ ଆୟର ୧୦ ଗୁଣା ସଂପତି ଠୁଳ କରିଥିବା ଭିଜିଲାନ୍ସ କହିଛି । ଏବେ ପତ୍ନୀଙ୍କ ଓଲିଉଡ୍ କନେକ୍ସନ ସାମ୍ନାକୁ ଆସିବା ପରେ ସସ୍ମିତା ସାମଲଙ୍କ ନାଁରେ ମଧ୍ୟ ଦୁର୍ନୀତି ମାମଲା ରୁଜୁ କରିଛି ଭିଜିଲାନ୍ସ ।