କଂଗ୍ରେସ ନେତୃତ୍ୱକୁ ନେଇ ପ୍ରଶାନ୍ତ କିଶୋରଙ୍କ ଟୁଇଟ୍ । କହିଲେ, ବିରୋଧୀ ଦଳର ନେତୃତ୍ୱ ନେବା କଂଗ୍ରେସର ଈଶ୍ୱରୀୟ ଅଧିକାର ନୁହେଁ।
କନକ ବ୍ୟୁରୋ: ଦେଶର ରାଜନୀତିରେ ବିରୋଧୀଙ୍କ ନେତୃତ୍ୱକୁ ନେଇ ଲଗାତାର ପ୍ରଶ୍ନ ଉଠିବାରେ ଲାଗିଛି । ଏହି ରାଜନୈତିକ ଯୁଦ୍ଧରେ କଂଗ୍ରେସ ନିଜକୁ ସବୁଠାରୁ ବଡ ଦଳ କହି ନେତୃତ୍ୱ ନେବାର ଦାବି କରୁଥିବାବେଳେ ଟିଏମସି ବା ତୃଣମୂଳ କଂଗ୍ରେସ କିନ୍ତୁ ଏହାକୁ ମାନିବାକୁ ନାରାଜ । ବର୍ତ୍ତମାନ ଏହି ଘଟଣାରେ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋରଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି। ପ୍ରଶାନ୍ତ ଆଜି ବିରୋଧୀ ଦଳର ନେତୃତ୍ୱକୁ ନେଇ କଂଗ୍ରେସ କରୁଥିବା ଦାବିକୁ କଡା ଟାର୍ଗେଟ କରିଛନ୍ତି । କଂଗ୍ରେସ ନେତୃତ୍ୱ ଉପରେ ସିଧାସଳଖ ଆକ୍ରମଣ କରି ପ୍ରଶାନ୍ତ କିଶୋର କହିଛନ୍ତି ଯେ ଗତ ୧୦ ବର୍ଷ ମଧ୍ୟରେ କଂଗ୍ରେସ ୯୦% ନିର୍ବାଚନରେ ହାରିଛି। ଏଭଳି ପରିସ୍ଥିତିରେ ବିରୋଧୀଙ୍କ ନେତୃତ୍ୱ କଂଗ୍ରେସର ଈଶ୍ୱରୀୟ ଅଧିକାର ହୋଇପାରିବ ନାହିଁ।
Kanak News is now on WhatsApp
Join and get latest news updates delivered to you via WhatsApp
ପ୍ରଶାନ୍ତ କିଶୋର ଟ୍ୱିଟ୍ କରି କହିଛନ୍ତି ଯେ ଏକ ଦୃଢ ବିରୋଧୀ ଦଳ ପାଇଁ କଂଗ୍ରେସ ଯେଉଁ ବିଚାରର ପ୍ରତିନିଧିତ୍ବ କରୁଛି ତାହା ଗୁରୁତ୍ୱପୂର୍ଣ୍ଣ | କିନ୍ତୁ ବିରୋଧୀ ଦଳର ନେତୃତ୍ୱ ନେବା କଂଗ୍ରେସର ଈଶ୍ୱରୀୟ ଅଧିକାର ନୁହେଁ। ଗତ ଦଶ ବର୍ଷ ମଧ୍ୟରେ ଦଳ ୯୦% ନିର୍ବାଚନରେ ହାରିଯାଇଛି ।
The IDEA and SPACE that #Congress represents is vital for a strong opposition. But Congress’ leadership is not the DIVINE RIGHT of an individual especially, when the party has lost more than 90% elections in last 10 years.
Let opposition leadership be decided Democratically.
— Prashant Kishor (@PrashantKishor) December 2, 2021