କନକ ବ୍ୟୁରୋ : ଉତ୍ତର ପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ବିଜେପି କଂଗ୍ରେସ ଓ ସମାଜବାଦୀ ପାର୍ଟିକୁ ଗୋଟିଏ ପରେ ଗୋଟିଏ ଝଟକା ଦେବାରେ ଲାଗିଛି । କିଛିଦିନ ତଳେ ବିଜେପିର କିଛି ମନ୍ତ୍ରୀ ଓ ବିଧାୟକ ଦଳଛାଡି ସମାଜବାଦୀ ପାର୍ଟିରେ ଯୋଗ ଦେବା ପରେ ଏବେ ସମାଜବାଦୀ ପାର୍ଟିର କିଛି ନେତା ଓ କଂଗ୍ରେସର କିଛି ନେତା ବି କ୍ରମାଗତଭାବେ ବିଜେପିରେ ଯୋଗ ଦେଉଥିବା ଦେଖିବାକୁ ମିଳିଛି । ଏହି କ୍ରମରେ କଂଗ୍ରେସର ପୋଷ୍ଟର ଗାର୍ଲ ତଥା ପ୍ରିୟଙ୍କାଙ୍କ ‘ଲେଡକି ହୁ, ଲଡ ସକ୍ତି ହୁଁ” ଅଭିଯାନର ପୋଷ୍ଟର ଗାର୍ଲ ପ୍ରିୟଙ୍କା ମୌର୍ଯ୍ୟ ଆଜି ବିଜେପିରେ ଯୋଗ ଦେଇ କଂଗ୍ରେସକୁ ଅଡୁଆରେ ପକାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂ ଯାଦବଙ୍କ ସଡୁ କୁହାଯାଉଥିବା ପ୍ରମୋଦ ଗୁପ୍ତା ବି ବିଜେପିରେ ଯୋଗ ଦେଇ ସପା ପାଇଁ ଅଡୁଆ ତିଆରି କରିଛନ୍ତି । କହିରଖୁ କି ବିଜେପି ଅଖିଳେଶଙ୍କ ପରିବାର ଭାଙ୍ଗିବାକୁ ଚେଷ୍ଟା ଚଳାଇଛି । ଗତକାଲି ମୁଲାୟମଙ୍କ ବୋହୂ ଅପର୍ଣ୍ଣା ଯାଦବ ବିଜେପିରେ ଯୋଗ ଦେଇଥିବା ବେଳେ ଆଜି ପ୍ରମୋଦ ଗୁପ୍ତାଙ୍କୁ ବିଜେପି ଜଏନ କରାଇଛି ।
Former SP MLA Pramod Gupta and former Congress leader Priyanka Maurya join BJP, ahead of UP Assembly polls pic.twitter.com/5QVLBYeLGr
— ANI UP/Uttarakhand (@ANINewsUP) January 20, 2022
କହିରଖୁ କି ନିର୍ବାଚନ ପୂର୍ବରୁ ବିଜେପି ଓ ସମାଜବାଦୀ ପାର୍ଟି ମଧ୍ୟରେ ସାପ ଶିଡିର ଖେଳ ଦେଖଇବାକୁ ମିଳଛି । ଯୋଗୀଙ୍କ କ୍ୟାବିନେଟରେ ମନ୍ତ୍ରୀଥିବା ସ୍ୱାମୀ ପ୍ରସାଦ ମୌର୍ଯ୍ୟଙ୍କୁ ଅଖିଳେଶ ଦଳରେ ସାମିଲ କରି ବିଜେପିକୁ ଯେଉଁ ଝଟକା ଦେବାକୁ ଚେଷ୍ଟା କରିଥିଲେ ତାହାର ପରିଣାମ ସ୍ୱରୂପ ବିଜେପି ଅଖିଳେଶଙ୍କ ପରିବାରରୁ ୨ ଜଣଙ୍କୁ ଦଳରେ ସାମିଲ କରି ପ୍ରତିଶୋଧ ନେଇଛି ।