ମମିତାଙ୍କ ମୃତ୍ୟୁ ଘଟଣା ନେଇ ପ୍ରମିଳା ମଲ୍ଲିକଙ୍କ ପ୍ରତିକ୍ରିୟା : ସବୁ କ୍ଷେତ୍ରରେ ସିବିଆଇ ତଦନ୍ତ ଠିକ୍ ନୁହେଁ; ମନ୍ତ୍ରୀ ଇସ୍ତଫା ଦେଲେ କ’ଣ ନ୍ୟାୟ ମିଳିଯିବ ?
କନକ ବ୍ୟୁରୋ : ମମିତାଙ୍କ ମୃତ୍ୟୁ ଘଟଣା ନେଇ ପ୍ରମିଳା ମଲ୍ଲିକଙ୍କ ପ୍ରତିକ୍ରିୟା । ସବୁ କ୍ଷେତ୍ରରେ ସିବିଆଇ କଣ ଠିକ୍ ତଦନ୍ତ କରିଛି ? ପୋଲିସରେ ଭଲ ଅଧିକାରୀ ଅଛନ୍ତି, ସେମାନେ ତଦନ୍ତ କରିବେ । ମୁଖ୍ୟମନ୍ତ୍ରୀଙ୍କ ପାଖରୁ ଦୋଷୀ କେବେ ଖସି ଯିବନି । କେନ୍ଦ୍ରରେ ତାଙ୍କର ସରକାର ଅଛନ୍ତି ବୋଲି ସିବିଆଇ କଥା କହୁଛନ୍ତି । ବିରୋଧୀ ଯାହା ଦାବି କରିବେ ସରକାର କ’ଣ ସେୟା କରିବେ ? ମନ୍ତ୍ରୀ ଇସ୍ତଫା ଦେଲେ କ’ଣ ନ୍ୟାୟ ମିଳିବ ? ପ୍ରାଇଭେଟ୍ ସ୍କୁଲକୁ ସରକାର ଅନୁକମ୍ପା ଦିଅନ୍ତି । ନିରପେକ୍ଷ ତଦନ୍ତ ଚାଲିଛି, ଯିଏ ଦୋଷୀ ସେ ଦଣ୍ଡ ପାଇବ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, କଂଗ୍ରେସ ନେତା ନରସିଂହ ମିଶ୍ର ମମିତାଙ୍କ ପରିବାର ଲୋକଙ୍କୁ ଭେଟିବା ସହ ଏହି ମାମଲାର ଏସଆଇଟି ତଦନ୍ତ ଦାବି କରିଛନ୍ତି । ଏହା ସହ ସେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟସଂକର ମିଶ୍ରଙ୍କ ଇସ୍ତଫା ଦାବି କରିଛନ୍ତି । ମମିତା ମୃତ୍ୟୁ ମାମଲାରେ ମୁଖ୍ୟମନ୍ତ୍ରୀ ମୁହଁ ଖୋଲନ୍ତୁ ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି କି, ଯଦି ଗୃହ ରାଷ୍ଟ୍ରମନ୍ତ୍ରୀ ପରେ ନିର୍ଦ୍ଦୋଶ ସାବ୍ୟସ୍ତ ହୁଅନ୍ତି ତେବେ ପୁଣି ମନ୍ତ୍ରୀ ପଦକୁ ଫେରି ପାରିବେ । କିନ୍ତୁ ବର୍ତ୍ତମାନ ମନ୍ତ୍ରୀ ଦିବ୍ୟସଂକର ମିଶ୍ର ଇସ୍ତଫା ଦିଅନ୍ତୁ । ସେପଟେ କଂଗ୍ରେସ ନେତା ସନ୍ତୋଷ ସିଂ ସାଲୁଜା କହିଛନ୍ତି, ଯେଉଁ ପର୍ଯ୍ୟନ୍ତ ଦିବ୍ୟସଂକର ମିଶ୍ର ମନ୍ତ୍ରୀ ପଦରେ ଅଛନ୍ତି, ସେପର୍ଯ୍ୟନ୍ତ ତଦନ୍ତ ବାଟବଣା ହେବ । ତେଣୁ ମନ୍ତ୍ରୀ ପଦରୁ ଇସ୍ତଫା ଦିଅନ୍ତୁ ଦିବ୍ୟସଂକର ।