ନାମାଙ୍କନ ଭରିଲେ ନବରଙ୍ଗପୁର ବିଜେଡି ସାଂସଦ ପ୍ରାର୍ଥୀ ପ୍ରଦୀପ ମାଝୀ । ସେପଟେ ଜୟପୁରରେ ତାରା ବାହିନୀପତି କଲେ ପ୍ରାର୍ଥିପତ୍ର ଦାଖଲ ।
କନକ ବ୍ୟୁରୋ: ନାମାଙ୍କନ ଭରିଲେ ନବରଙ୍ଗପୁର ବିଜେଡି ସାଂସଦ ପ୍ରାର୍ଥୀ ପ୍ରଦୀପ ମାଝୀ । ବିନା ଶୋଭାଯାତ୍ରାରେ ଅଳ୍ପ କିଛି ଜଣ ସମର୍ଥକଙ୍କୁ ସାଙ୍ଗରେ ଧରି ଜିଲ୍ଲାପାଳଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଛନ୍ତି ପ୍ରଦୀପ । ପରବର୍ତ୍ତୀ ସମୟରେ ଦଳୀୟ ବିଧାୟକ ପ୍ରାର୍ଥୀଙ୍କ ଗହଣରେ ଆସି ପୁଣିଥରେ ପ୍ରାର୍ଥୀପତ୍ର ଦାଖଲ କରିବେ ବୋଲି ପ୍ରଦୀପ ମାଝୀ କହିଛନ୍ତି । ନିର୍ବାଚନରେ ବହୁ ଭୋଟରେ ସାଂସଦ ଭାବେ ନିଜେ ବିଜୟୀ ହେବା ସହିତ ସମସ୍ତ ବିଧାୟକ ପ୍ରାର୍ଥୀ ମଧ୍ୟ ବିଜୟୀ ହେବେ ବୋଲି ପ୍ରଦୀପ ଦୃଢୋକ୍ତି ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜୟପୁରରେ ମଧ୍ୟ କଂଗ୍ରେସର ତାରା ପ୍ରସାଦ ବାହିନୀପତି ପୁଣିଥରେ ଗଡ ବଜାୟ ରଖିବାକୁ ଆରମ୍ଭ କରିଦେଇଛନ୍ତି ଜୋରଦାର ପ୍ରୟାସ । ଆଜି ବିଶାଳ ସମାବେଶରେ ଯାଇ ନାମାଙ୍କନ ପତ୍ର ଦାଖଲ କରିଛନ୍ତି ।