କନକ ବ୍ୟୁରୋ: ସପ୍ତାହେ ତଳେ ବିଜେଡିକୁ ବାଏ ବାଏ କରିଥିବା ନେତା ଏବେ ବିଜେପି ଶିବିରରେ । ୨୦୧୯ ପରେ ୨୪ରେ ବି ମିଳିଲା ନାହିଁ ଟିକେଟ୍ । ପୁରଣ ହେଲା ନାହିଁ ଆଶା । ତେଣୁ ବିଜେଡିରୁ ଇସ୍ତଫା ଦେଇଥିବା ପଶ୍ଚିମ ଓଡିଶାର ଜଣାଶୁଣା ଚେହେରା ପୂର୍ବତନ ସାଂସଦ ପ୍ରଭାସ ସିଂ ଆଜି ଦିଲ୍ଲୀରେ ବିଜେପିରେ ସାମିଲ ହୋଇଛନ୍ତି । ପଦ୍ମ ଧରିବା ପରେ ବିଜୁ ଜନତା ଦଳ ବିରୋଧରେ ଅସନ୍ତୋଷ ଝାଡିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମ ଓଡିଶାର ଜଣାଶୁଣା ଚେହେରା ତଥା ବରଗଡର ପୂର୍ବତନ ସାଂସଦ ପ୍ରଭାସ କୁମାର ସିଂହ, ବିଜେପିରେ ଯୋଗ ଦେଇଛନ୍ତି । ଦିଲ୍ଲୀ ସ୍ଥିତ ବିଜେପି କାର୍ଯ୍ୟାଳୟରେ ଆୟୋଜିତ ମିଶ୍ରଣ କାର୍ଯ୍ୟକ୍ରମରେ ସେ ଦଳରେ ସାମିଲ ହୋଇଛନ୍ତି । ବିଜେପିରେ ଯୋଗ ଦେବା ପରେ ପ୍ରଭାସ ବିଜେଡି ଉପରେ ଅସନ୍ତୋଷ ଝାଡିବା ସହ ଓଡିଶାରେ ଡବଲ ଇଞ୍ଜିନ ସରକାର ଆବଶ୍ୟକ ବୋଲି କହିଛନ୍ତି ।
୨୦୧୪ରେ ବିଜେଡି ଟିକେଟରେ ବରଗଡ ଆସନରୁ ଲୋକସଭାକୁ ନିର୍ବାଚିତ ହୋଇଥିଲେ ପ୍ରଭାସ । ୨୦୧୯ କିନ୍ତୁ ଦଳ ତାଙ୍କ ବଳଦରେ ପ୍ରସନ୍ନ ଆଚାର୍ଯ୍ୟଙ୍କ ଉପରେ ଭରଷା କରିଥିଲା । ଶେଷରେ ବରଗଡରୁ ପରିଣୀତା ମିଶ୍ରଙ୍କୁ ବିଜେଡି ସାଂସଦ ପ୍ରାର୍ଥୀ କରିବା ପରେ, ସପ୍ତାହକ ତଳେ ପ୍ରଭାସ ଦଳରୁୁ ଇସ୍ତଫା ଦେଇଥିଲେ ।
ନିକଟରେ ବିଜେଡି ଛାଡିଥିବା ପୂର୍ବତନ ମହିଳା କମିଶନ ଅଧ୍ୟକ୍ଷା ଜ୍ୟୋତି ପାଣିଗ୍ରାହୀ ମଧ୍ୟ ବିଜେପିରେ ସାମିଲ ହୋଇଛନ୍ତି । ଜ୍ୟୋତି ପାଣିଗ୍ରାହୀଙ୍କ ସହ ବଲାଙ୍ଗୀରର ବରିଷ୍ଠ ଆଇନଜୀବୀ ସରୋଜ ପାଣିଗ୍ରାହୀ ମଧ୍ୟ ବିଜେଡିରେ ସାମିଲ ହୋଇଛନ୍ତି । ଏଥିସହ ସହ ବିଜେଡି ଛାଡି ନୂଆପଡ଼ାର ବହୁ ଯୁବ ନେତା ରାଜ୍ୟ ବିଜେପି କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ଦଳରେ ସାମିଲ ହୋଇଛନ୍ତି । .. ସେହିପରି ପୁରୀ ବିଜେପି ସାଂସଦ ପ୍ରାର୍ଥୀ ସମ୍ବିତ ପାତ୍ର ଏବଂ ଜୟନ୍ତ ଷଡଙ୍ଗୀଙ୍କ ଉପସ୍ଥିତିରେ ଆଇନଜୀବୀ ପ୍ରସନ୍ନ ମିଶ୍ର ଓ ତାଙ୍କ ସମର୍ଥକ ପଦ୍ମ ଧରିଛନ୍ତି ।
ଅନ୍ୟମାନଙ୍କ ଭଳି ବିଜେପି ପ୍ରତି ଆକୃଷ୍ଠ ହୋଇ ଦଳରେ ମିଶିଛନ୍ତି ଭୁବନେଶ୍ୱରରେ କାରରେ ଖାଦ୍ୟ ପରସି ଚର୍ଚ୍ଚାରେ ଥିବା ଦୁଇ ଯା’ ନେହା ପାଣିଗ୍ରାହୀ ଓ ରଶ୍ମିତା ଦାଶ । ରାଜ୍ୟ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ବିଧିବଦ୍ଧ ଭାବେ ଦଳରେ ମିଶିଛନ୍ତି । ଏହି ଦୁଇ ଯା’ ସୋସିଆଲ ମିଡିଆରେ ବେଶ୍ ସକ୍ରିୟ ।
ନିର୍ବାଚନ ସମୟରେ ଦଳରେ ନେତା ଗୋଟିଏ ଦଳ ଛାଡି ଆଉ ଗୋଟିଏ ଦଳରେ ମିଶିବା, କିଛି ନୂଆ କଥା ନୁହେଁ । କିନ୍ତୁ ଯେଉଁମାନେ ମିଶୁଛନ୍ତି, ସେମାନେ ଦଳ ପାଇଁ କେତେ ଲାଭ ଦେବେ ତା ଉପରେ ନଜର ରହିବ ।