ବହୁ ଚର୍ଚ୍ଚିତ ସିନେମା ‘ବାହୁବଳୀ’ର ସଫଳତା ପରେ ଚଳିତ ବର୍ଷ ୧୫ ଅଗଷ୍ଟ ଅବସରରେ ପ୍ରଭାସଙ୍କ ଅଭିନୀତ ଆଉ ଏକ ସିନେମା ସାହୋ ରିଲିଜ ହେବାକୁ ଯାଉଛି । ଆକ୍ସନରେ ଭରପୁର ଏହି ସିନେମାଟିକୁ ଦେଖିବା ପାଇଁ ପ୍ରଭାସଙ୍କ ଫ୍ୟାନମାନେ ଚାତକ ପରି ଚାହିଁବସିଛନ୍ତି । ଇତି ମଧ୍ୟରେ ସୋସିଆଲସ ମିଡିଆରେ ସାଉଥ ସୁପରଷ୍ଟାର ପ୍ରଭାସଙ୍କର ଏକ ଭିଡିଓ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଯେଉଁଥିରେ ପ୍ରଭାସଙ୍କର ଜଣେ ଫ୍ୟାନ ତାଙ୍କୁ ଦେଖି ଏତେ ମାତ୍ରାରେ ଖୁସି ହୋଇଯାଇଥିଲେ କି, ଖୁସି ଖୁସିରେ ସେ ପ୍ରଭାସଙ୍କ ଗାଲରେ ଏକ ଚାପୁଡା ଲଗାଇ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ତେବେ ପ୍ରଭାସ ତାଙ୍କର ଆଗାମୀ ସିନେମା ସାହୋର ସୁଟିଂ ପାଇଁ ଲସ୍ ଏଜେଲସ୍ ଯିବା ବେଳେ ଘଟଣାଟି ଘଟିଥିବା ଜଣାପଡିଛି । ସୋସିଆଲ ମିଡିଆରେ ଭାଇରାଲ ହୋଇଥିବା ପ୍ରଭାସଙ୍କର ଏହି ଭିଡିଓରେ ଦେଖିବାକୁ ମିଳିଛି କି, ପ୍ରଭାସଙ୍କୁ ହଠାତ୍ ଅତି ନିକଟରେ ଦେଖି ଜଣେ ଫ୍ୟାନ ଅତ୍ୟନ୍ତ ଉତ୍ସାହିତ ହୋଇପଡିଥିଲେ । ସେ ତାଙ୍କ ସହ ଏକ ଫଟୋ ଉଠାଇବାକୁ ଅନୁରୋଧ କରିଥିଲେ । ଏହାପରେ ପ୍ରଭାସ ମଧ୍ୟ ତାଙ୍କ କଥାରୁ ଟାଳିପାରିନଥିଲେ ଏବଂ ଫଟୋ ଉଠାଇବାକୁ ପୋଜ୍ ଦେଇ ଦେଇଥିଲେ ।
କିନ୍ତୁ ଫଟୋ ଉଠାଇ ସାରିବା ପରେ ଫ୍ୟାନ ଜଣଙ୍କର ମନ ଭରିନଥିଲା ଆଉ ସେ ପ୍ରଭାସଙ୍କୁ ଛୁଇଁବାକୁ ଚେଷ୍ଟା କରିଥିଲେ । ହେଲେ ତାଙ୍କ ହାତ ପ୍ରଭାସଙ୍କ ଗାଲରେ ଟିକେ ଜୋରରେ ଲାଗିଯାଇଥିଲା ।