କନକ ବ୍ୟୁରୋ : ରିଲ୍ ଲାଇଫର ହିରୋ ରିୟଲ ଲାଇଫରେ ଏଭଳି କିଛି କାମ କରନ୍ତି, ଯାହାକି ଆମମାନଙ୍କୁ ପ୍ରେରଣା ଦେଇଥାଏ । ସେହିପରି ଏଭଳି କିଛି କାମ କରି ଏବେ ସାଧାରଣ ଲୋକଙ୍କ ପାଇଁ ଉଦାହରଣ ପାଲଟିଛନ୍ତି ସାଉଥ ହିରୋ ବାହୁବଳୀ ପ୍ରଭାସ ।
Kanak News is now on WhatsApp
Join and get latest news updates delivered to you via WhatsApp
୧,୬୫୦ ଏକର ଜଙ୍ଗଲ ଜମିକୁ କରିବେ ବିକଶିତ
ପ୍ରଭାସ ହାଇଦ୍ରାବାଦର ଆଉଟରିଙ୍ଗ ରୋଡ୍ ନିକଟରେ ଗ୍ରୀନ ଚ୍ୟାଲେଞ୍ଚକୁ ସଫଳ କରିବାକୁ ଲାଗି ପଡିଛନ୍ତି । ଏଠାରେ ସେ ୧,୬୫୦ ଏକର ଜଙ୍ଗଲ ଜମିର ବିକାଶ ପାଇଁ ପଦକ୍ଷେପ ନେଇଛନ୍ତି । ଏଥିପାଇଁ ସେ ଜଙ୍ଗଲ ଅଧିକାରୀଙ୍କୁ ୨ କୋଟି ଟଙ୍କା ପ୍ରଦାନ କରିଛନ୍ତି ।
ପ୍ରଭାସ ଗ୍ରହଣ କରିଥିବା ଏହି ଜମି ସହରଠାରୁ ୨୦ କିଲୋମିଟର ଦୂରରେ ଥିବା ଡୁଣ୍ଡିଗାଲ ନିକଟରେ ରହିଛି । ଅଧିକାରୀଙ୍କ କହିବାନୁଯାୟୀ ଏହି ଜଙ୍ଗଲ ଔଷଧିୟ ଉଦ୍ଭିଦ ପାଇଁ ବେଶ ଜଣାଶୁଣା ।
ଜଙ୍ଗଲ ଜମିରେ ହେବ ଇକୋ-ପାର୍କ
ତେବେ ପ୍ରଭାସ ଗ୍ରହଣ କରିଥିବା ଏହି ଜମି ସହରି ଇକୋ-ପାର୍କ ଭାବେ ବିକଶିତ ହେବ । ଏହାସହ ପ୍ରଭାସଙ୍କ ପିତା ୟୁଭି ସୂର୍ଯ୍ୟ ନାରାୟଣଙ୍କ ସ୍ମୃତିରେ ଏହାର ନାମକରଣ କରାଯିବ ବୋଲି ସୂଚନା ମିଳିଛି । ଏହାର ବିକାଶ ପାଇଁ ପ୍ରଥମ ପର୍ଯ୍ୟାୟରେ ପାର୍କ ଗେଟ୍, ପାଚେରୀ, ଟ୍ରାକ ଓ ଭ୍ୟୁ-ପଏଣ୍ଟ ନିର୍ମାଣ କରାଯିବ ।
ରିଲ୍ ପରେ ଏବେ ରିୟଲ ଲାଇଫ
ପ୍ରଭାସଙ୍କ ଏଭଳି କାର୍ଯ୍ୟ ପାଇଁ ତାଙ୍କୁ ଚାରି ଆଡୁ ଶୁଭେଚ୍ଛାର ସୁଅ ଛୁଟୁଛି । ପ୍ରଭାସଙ୍କ ବାହୁବଳୀ ଫିଲ୍ମରେ ଜଙ୍ଗଲର ପ୍ରାକୃତିକ ଦୃଶ୍ୟ ଓ ମୂଲ୍ୟବାନ ଗଛ ଲତାକୁ ସ୍ଥାନିତ କରାଯାଇଥିଲା । ଯାହାକୁ ଏବେ ନିଜେ ପ୍ରଭାସ ରିୟଲ ଲାଇଫରେ ବଞ୍ଚାଇବାକୁ ଯାଉଛନ୍ତି । ତେବେ ପ୍ରଭାସଙ୍କ ଏଭଳି କାମ ସାଧାରଣ ଲୋକଙ୍କ ସ୍ୱାସ୍ଥ୍୍ୟ ସହିତ ଜଡିତ ।