ଟ୍ୱିଟରରେ ଟ୍ରେଣ୍ଡ ହେଲା #PottersKiDiwali ! ଚାଇନା ଲାଇଟ୍ ଛାଡି ଜାଳନ୍ତୁ ମାଟିଦୀପ , ଆପଣଙ୍କର ଗୋଟିଏ ସହଯୋଗ କାହା ମୁହଁରେ ହସ ଫୁଟାଇପାରେ । 

ଆରମ୍ଭ ହେଲାଣି ଘରସଜ୍ଜା । ରଙ୍ଗବେରଙ୍ଗର ଲିଚୁ ଲାଇଟ୍ । ସ୍ୱାଦିଷ୍ଟ ମିଷ୍ଟାନ୍ନର ତାଲିକା ସବୁ ପ୍ର୍ରସ୍ତୁତ ହେଲାଣି । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅକ୍ଟୋବର ୨୭ ରେ ଭାରତବାସୀ ପାଳନ କରିବେ ଆଲୋକର ପର୍ବ ଦୀପାବଳୀ । ପ୍ରତିଘରେ ଘରସଜ୍ଜାକୁ ନେଇ ଯେତେ ତତ୍ପରତା ବଢିଛି ତା’ଠାରୁ ଅଧିକ ତତ୍ପର ଦେଖାଉଛନ୍ତି କୁମ୍ଭାର । ଦ୍ରୁତଗତିରେ ଚାଲୁଛି ଚକ ଏବଂ ହାତ । ଭଳି ଭଳିକା ଦୀପ … ଛୋଟରୁ ଆରମ୍ଭ କରି ବଡ ପର୍ଯ୍ୟନ୍ତ ବିଭିନ୍ନ ଷ୍ଟାଇଲର ଦୀପ ଗଢୁଛନ୍ତି କୁମ୍ଭାର ପରିବାର । ଏଥିମଧ୍ୟରେ ସୋମବାର ଟ୍ୱିଟରରେ ଏକ ହ୍ୟାସ୍ ଟାଗ୍ ଟ୍ରେଣ୍ଡ ହେବା ନଜର ଆସିଥିଲା #PottersKiDiwali।

Kanak News is now on WhatsApp

Join and get latest news updates delivered to you via WhatsApp

Join Now

Diwali is Approching and we need to ensure every human out there is smiling this Diwali. Please buy stuff from such sellers, they’ll be selling to buy a box of sweets and a new dress for their little girl this Diwali.

Let’s make a #HappyDiwali for Everyone ✨ #PottersKiDiwali 💖 pic.twitter.com/Sp479EVcaz

— Sujay Raj (@Sujay__Raj) October 21, 2019

Dear friends,

Diwali is around. Buy diyas from people who wait for this festival whole year.

Don’t disappoint them. This diwali #GoLocal#PottersKiDiwali pic.twitter.com/HzZoNTXg9D

— Utkarsh Goel (@Baaba_Goel) October 21, 2019

ଆମେ ଦୀପାବଳିକୁ ଅପେକ୍ଷା କରୁ ଆଉ ସେମାନେ ଆମ ପାଇଁ …

ଗତ କିଛି ବର୍ଷ ମଧ୍ୟରେ ଦୀପାବଳୀ ସମୟରେ ପାରମ୍ପରିକ ମାଟିର ଦୀପ ବଦଳରେ ଚାଇନିଜ୍ ବଲବ୍ ପ୍ରତି ଲୋକଙ୍କ ଆଗ୍ରହ ବଢୁଛି । ଅନ୍ୟପଟେ ବର୍ଷେ ଅପେକ୍ଷା କରିବା ପରେ ମଧ୍ୟ ଆମ ଦେଶର କୁମ୍ଭାର ପରିବାର ପ୍ରତିଭା ଥିବା ପରେ ମଧ୍ୟ ରୋଜଗାର ନ ହେବା କାରଣରୁ ଦୟନୀୟ ଅବସ୍ଥାରେ ଜୀବନ ବିତାଉଛନ୍ତିି । କଞ୍ଚାମାଲ୍ ର ଦାମ୍ ତ ବଢିଯାଉଛି କିନ୍ତୁ ଆଖିଦୃଶିଆ ରୋଜଗାର ହୋଇପାରୁନି । ଘୋଡା ୬ ଟଙ୍କାକୁ ଦାନା ୯ ଟଙ୍କା ଭଳି ଏବେ କୁମ୍ଭାର ପରିବାରର ଜୀବନ ହୋଇଯାଇଛି । ଘରେ ଘରେ ମାଟିର ଦୀପ ବଦଳରେ ପ୍ଲାଷ୍ଟିକ , ସୀସା ଏବଂ ଆଲୁମିନିୟମ୍ ର ଦୀପ ବ୍ୟବହାର କରାଯାଉଛି ।

Say no to Chinese diyas #PottersKiDiwali pic.twitter.com/xQEchcfQRw

— Rahul (@Rahul62553082) October 21, 2019

ବର୍ତ୍ତମାନ #PottersKiDiwali ଜରିଆରେ ଲୋକଙ୍କୁ ମାଟିର ଦୀପ କିଣିବା ପାଇଁ କୁହାଯାଉଛି । ସ୍ଥାନୀୟ କୁମ୍ଭାରଙ୍କ ଠାରୁ ଦୀପ କିଣିବା ପାଇଁ ଲୋକଙ୍କୁ ପରାମର୍ଶ ଦେଉଛନ୍ତି ୟୁଜର୍ସ । ଦୀପାବଳୀରେ ଚାଇନା ଲାଇଟ୍ ନ କିଣି ମାଟିରେ ପ୍ରସ୍ତୁତ ଦୀପ କିଣିବାକୁ ୟୁଜର୍ସ ପରାମର୍ଶ ଦେଉଛନ୍ତି । ସାମାନ୍ୟ ମାଟିରେ ପ୍ରସ୍ତୁତ ଦୀପଟିଏ କିଣି ଗ୍ରାହକ ୩ ଜଣଙ୍କୁ ଖୁସି ଦେଇପାରିବା କଥା କହିଛନ୍ତି । ପ୍ରଥମେ ହେଲା ପରିବେଶ,ଦ୍ୱିତୀୟରେ ଗରିବ କୁମ୍ଭାରଙ୍କ ମୁହଁରେ ଖୁସି , ତୃତୀୟରେ ଆତ୍ମତୃପ୍ତି । କେବଳ ନିଜ ପାଇଁ ନୁହଁ ଅତିଥି ମାନଙ୍କୁ ବି ଏହି ଦୀପ ଉପହାରରେ ଦିଅନ୍ତୁ । ଯଥାସମ୍ଭବ ଗରିବ କୁମ୍ଭାରଙ୍କ ଠାରୁ ମୁଲଚାଲ କରନ୍ତୁ ନାହିଁ । ଏହି ଦୀପାବଳୀରେ ପରିବାର , ବନ୍ଧୁବାନ୍ଧବଙ୍କ ସହ ଗରିବ କୁମ୍ଭାରଙ୍କ ମୁହଁରେ ମଧ୍ୟ ହସ ଫୁଟାନ୍ତୁ ।