ଶିବନ୍ ତୁମକୁ ଶହେ ସଲାମ୍ , କର୍ମ ହିଁ ତୁମକୁ କରିଛି ମହାନ୍ : ନିଷ୍ଠାପରତାର ନିଚ୍ଛକ ପରିଚୟ ‘ଡି.ଶିବନ୍’ , ୩୦ ବର୍ଷ ଚାକିରୀରେ ପ୍ରତିଦିନ ୧୫ କି.ମି. ପାହାଡ଼ ଚଢି ଦୁର୍ଗମ ଅଂଚଳବାସୀଙ୍କୁ ଖୁସିର ସନ୍ଦେଶ ଦେଉଥିବା ମଣିଷଟିଏ ।
ଆଜିର ସମୟରେ ଟିକେ ସୁଖସୁବିଧାରୁ ବଂଚିତ ହେଲେ କର୍ମଚାରୀ କାମକୁ ନେଇ ଅସନ୍ତୋଷ ପ୍ରକାଶ କରନ୍ତି । ଧର୍ଯ୍ୟହରା ହୋଇ ଅବସାଦକୁ ଚାଲିଯାନ୍ତି । କିନ୍ତୁ କର୍ମକୁ ଭଗବାନ ଭାବି ଏବେବି କିଛି ଲୋକ କାମ କରି ଆସୁଛନ୍ତି । ଆଜି ଆମେ ଆପଣଙ୍କୁ ଏହିଭଳି ଜଣେ ବ୍ୟକ୍ତିଙ୍କ କଥା କହିବାକୁ ଯାଉଛୁ । ଡ଼ାକବିଭାଗରେ ଦୀର୍ଘ ୩୦ ବର୍ଷ କାଳ ଚାକିରୀ କରି ଦୁର୍ଗମ ଅଞ୍ଚଳକୁ ଚିଠି ପହଁଚାନ୍ତି ତାମିଲନାଡୁର ପୋଷ୍ଟମ୍ୟାନ୍ ଡି.ଶିବନ୍ । ପ୍ରତିଦିନ ୧୫ କି.ମି. ରାସ୍ତା ପାଦରେ ଚାଲି ଘଞ୍ଚ ଜଙ୍ଗଲ ଦେଇ ହିଂସ୍ରଜନ୍ତୁଙ୍କୁ ସାମ୍ନା କରି ସେ ଲୋକଙ୍କ ପାଖକୁ ଚିଠି ପହଁଚାନ୍ତି । କୁନ୍ନୁର୍ ନାମକ ଏକ ଦୁର୍ଗମ ଅଂଚଳରେ ଶିବନଙ୍କୁ ଲୋକମାନେ ଖୁବ୍ ଭଲପା’ନ୍ତି । ଲୋକଙ୍କ ସୁବିଧା ପାଇଁ ସେ ଝରଣା,ସୁରଙ୍ଗ,ଜନ୍ତୁଜୁନ୍ତା ଏଭଳି ଅନେକ ସମସ୍ୟା ଦେଇ ଦୀର୍ଘ ୩୦ ବର୍ଷ କାଳ କୌଣସି ଅସନ୍ତୋଷ ପ୍ରକାଶ ନକରି କାମ କରିଛନ୍ତି । ତେବେ ନିକଟରେ ଏହି ପୋଷ୍ଟମ୍ୟାନ୍ ଚାକିରୀରୁ ଅବସର ନେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Postman D. Sivan walked 15 kms everyday through thick forests to deliver mail in inaccessible areas in Coonoor.Chased by wild elephants,bears, gaurs,crossing slippery streams&waterfalls he did his duty with utmost dedication for 30 years till he retired last week-Dinamalar,Hindu pic.twitter.com/YY1fIoB2jj
— Supriya Sahu IAS (@supriyasahuias) July 8, 2020
ଆଇଏଏସ୍ ଅଧିକାରୀ ସୁପ୍ରିୟା ସାହୁ ନିଜ ଟ୍ୱିଟରରେ ଏହି ପୋଷ୍ଟମ୍ୟାନଙ୍କ ବିଷୟରେ ଲେଖି ଲୋକଙ୍କୁ ତାଙ୍କ କାମ ପ୍ରତି ଥିବା ନିଷ୍ଠାପରତାକୁ ବ୍ୟାଖ୍ୟା କରିଛନ୍ତି । ସୋସିଆଲ୍ ମିଡ଼ିଆରେ ଲୋକମାନେ ଶିବନଙ୍କ କାମକୁ ଖୁବ୍ ପ୍ରଶଂସା କରୁଛନ୍ତି । ୩୦ ବର୍ଷ କାଳ କୁନ୍ନୁରର ଖାଲ-ଖମ୍ମା ନୀଳଗିରି ପାହାଡ଼ ଡ଼େଇଁ ଗାଁ ଭିତରକୁ ଯାଇ ଲୋକଙ୍କୁ ପରିଜନଙ୍କ ସନ୍ଦେଶ ଦେଉଥିବା ଏହି ବ୍ୟକ୍ତି ଏବେ ସୋସିଆଲ୍ ମିଡ଼ିଆରେ “ସଚ୍ଚା ଯୋଦ୍ଧା” ର ପରିଚୟ ପାଇଛନ୍ତି । କିଛି ଲୋକ ତ ତାଙ୍କୁ ପୁରଷ୍କାର ଦେବା ପାଇଁ ସରକାରଙ୍କୁ ଗୁହାରୀ ଲଗାଇଛନ୍ତି ।
