ବାତ୍ୟା ରୂପ ନେଇପାରେ ସମ୍ଭାବ୍ୟ ଲଘୁଚାପ: ଓଡିଶାକୁ ନାହିଁ ଭୟ ।
କନକ ବ୍ୟୁରୋ: ଆସନ୍ତା ୯ ତାରିଖ ଦକ୍ଷିଣ -ପୂର୍ବ ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ସମ୍ଭାବ୍ୟ ଲଘୁଚାପ ବାତ୍ୟାର ରୂପ ନେଇପାରେ । ଲଘୁଚାପ ସୃଷ୍ଟି ପରେ ଏହା ଶକ୍ତିଶାଳୀ ହୋଇ ୧୦ ତାରିଖ ରାତି କିମ୍ବା ୧୧ ତାରିଖ ଦିନରେ ବାତ୍ୟାରେ ପରିଣତ ହେବ । ପ୍ରତିବର୍ଷ ଏହି ମାସରେ ବାତ୍ୟା କିମ୍ବା ଲଘୁଚାପ ହେଉଥିବାବେଳେ ବର୍ତ୍ତମାନ ସମୁଦ୍ରର ତାପମାତ୍ରା ମଧ୍ୟ ଅଧିକ ରହିଛି । ତେଣୁ ଲଘୁଚାପ ବାତ୍ୟା ରୂପ ନେବାର ଆଶଙ୍କା ରହିଛି ବୋଲି ପାଣିପାଗ ବିଭାଗର ମଡେଲ ସୂଚନା ଦେଉଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଏହି ଲଘୁଚାପ ବାତ୍ୟାରେ ପରିଣତ ହୁଏ ତେବେ ଓଡିଶା ଉପରେ ଏହାର ସିଧାସଳଖ ପ୍ରଭାବ ରହିବ ନାହିଁ ବୋଲି ପ୍ରାଥମିକ ଆକଳନ କରାଯାଇଛି । ବାତ୍ୟା ହେଲେ ଏହା ତାମିଲନାଡୁରେ ସ୍ଥଳଭାଗ ଛୁଇଁ ଓ ଶ୍ରୀଲଙ୍କା ଆଡକୁ ମୁହାଁଇବ ବୋଲି ଭାରତୀୟ ପାଣିପାଗ ମଡେଲରୁ ଜଣାପଡିଛି ।