କନକ ବ୍ୟୁରୋ: ସଙ୍ଗୀତ ଜଗତ ପାଇଁ ଦୁଃଖଦ ଖବର । ଚଳିତ ବର୍ଷ ପଦ୍ମ ଭୂଷଣ ଭଳି ସମ୍ମାନ ପାଇଥିବା ପ୍ରସିଦ୍ଧ କଣ୍ଠଶିଳ୍ପୀ ବାଣୀ ଜୟରାମଙ୍କ ଦେହାନ୍ତ ହୋଇଛି। ତାଙ୍କ ଚେନ୍ନାଇ ଘରେ ତାଙ୍କର ମୃତଦେହ ମିଳିଥିବା ସୂଚନା ମିଳିଛି। କିନ୍ତୁ ମୃତ୍ୟୁର କାରଣ ଜଣାପଡିନାହିଁ । ବର୍ତ୍ତମାନ, ପୋଲିସ ତାଙ୍କ ମୃତ୍ୟୁର କାରଣ ଖୋଜୁଛି । ମୃତ୍ୟୁ ବେଳକୁ ତାଙ୍କୁ ୭୭ ବର୍ଷ ବୟସ ହୋଇଥିଲା। ତାଙ୍କ ମୃତ୍ୟୁ ଖବର ଆସିବା ମାତ୍ରେ ସଂଗୀତ ଜଗତରେ ଶୋକର ଲହରୀ ଖେଳିଯାଇଛି।
Kanak News is now on WhatsApp
Join and get latest news updates delivered to you via WhatsApp
ତାଙ୍କର ମୃତ୍ୟୁ ଅତି ରହସ୍ୟମୟ ଢଙ୍ଗରେ ହୋଇଥିବା କୁହାଯାଉଛି । ମୃତ୍ୟୁର ସେପରି କୌଣସି କାରଣ ପୂର୍ବରୁ ଜଣାପଡିନଥିଲେ ବି ତାଙ୍କ ବାସଭବନରୁ ମୃତଦେହ ଉଦ୍ଧାର ହୋଇଛି । ଏଯାଏଁ ଏହାର ସଠିକ କାରଣ ଜଣାପଡିନାହିଁ ।
ସଙ୍ଗୀତ ଜଗତରେ ଜଣେ ଅଦ୍ୱିତୀୟ କଣ୍ଠଶିଳ୍ପୀ ବାଣୀ ଜୟାରାମ । ଏଯାଏଁ ସେ ୧୦,୦୦୦ ଗୀତ ରେକର୍ଡ କରିସାରିଥିବାବେଳେ ସଙ୍ଗୀତ ଜଗତରେ ୫୦ ବର୍ଷ ପୂରଣ କରିସାରିଛନ୍ତି । ତାଙ୍କର ଏପରି ବିୟୋଗରେ ସଙ୍ଗୀତ ଜଗତରେ ଶୋକର ଛାୟା ଖେଳିଯାଇଛି ।