ତାଲାବନ୍ଦ ସମୟରେ ଆପଣ ନେଉଛନ୍ତି ସ୍ୱଚ୍ଛ ବାୟୁ । କରୋନା କଟକଣା କମାଇ ଦେଇଛି ବାୟୂ ପ୍ରଦୂଷଣର ମାତ୍ରା । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡର ସୂଚନା, ଭୁବନେଶ୍ୱର ଓ ବ୍ରହ୍ମପୁରରେ କମିଛି ୬୦ ପ୍ରତିଶତ ପ୍ରଦୂଷଣ ।
କନକ ବ୍ୟୁରୋ: କରୋନା କଟକଣା ଯୋଗୁଁ ରାଜ୍ୟରେ ବାୟୁ ପ୍ରଦୂଷଣ ମାତ୍ରା କମିଛି । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ଏହି ସୂଚନା ଦେଇଛି । ରାଜ୍ୟର ୧୪ଟି ସହରରେ ବାୟୁ ପ୍ରଦୂଷଣ ମାତ୍ରା କମିଛି । ବାୟୁ ପ୍ରଦୂଷଣର ସୂଚକାଙ୍କ ଅନୁସାରେ ଭୁବନେଶ୍ୱର ଓ ବ୍ରହ୍ମପୁରରେ ପ୍ରଦୂଷଣର ମାତ୍ରା ୬୦ ପ୍ରତିଶତ କମିଛି । କରୋନା ସଂକ୍ରମଣ କମାଇବାକୁ ସାରା ଦେଶରେ ତାଲାବନ୍ଦ ଚାଲିଥିବା ବେଳେ ଗାଡି ମୋଟର ଚଳାଚଳ ଉପରେ କଟକଣା ଲାଗିଛି । ଯାହାର ଫଳ ସ୍ୱରୂପ ଲୋକେ ପୂର୍ବ ଅପେକ୍ଷା ଅଧିକ ସ୍ୱଚ୍ଛ ବାୟୁ ନେଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା ଯେବେଠାରୁ ସାରା ଦେଶରେ ଲକଡାଉନ୍ ଆରମ୍ଭ ହେଲା ତାହାର କିଛି ଦିନ ପରେ ବାୟୁ ପ୍ରଦୂଷଣ ମାତ୍ରା କମିବାରେ ଲାଗିଛି । ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ କୁହାଯାଇଛି କି ରାଜ୍ୟର ୧୪ଟି ସହର ଯଥା ଭୁବନେଶ୍ୱର ଏବଂ ବ୍ରହ୍ମପୁରରେ ସର୍ବାଧିକ ୬୦ ପ୍ରତିଶତ ପ୍ରଦୂଷଣମାତ୍ରା ହ୍ରାସ ପାଇଛି । ଝାରସୁଗୁଡ଼ାରେ ୫୩, ଅନୁଗୁଳ ଏବଂ ତାଳଚେର ଭଳି ସହରମାନଙ୍କରେ ୩୦ରୁ ୩୭ ପ୍ରତିଶତ ପ୍ରଦୂଷଣମାତ୍ରା କମିଛି । କାରଣ ଭୂବନେଶ୍ୱରର ପୂର୍ବରୁ ଯେଉଁଠି ପ୍ରଦୂଷଣମାତ୍ରା ୧୦୨ ରହିଥିଲା ତାଲାବନ୍ଦ ପରେ ତାହା ଏବେ ୪୧ ରହିଛି । ବାୟୂ ସୂଚକାଙ୍କରେ ରାଜ୍ୟର ୧୪ଟି ସହରର ବାୟୂ ଗୁଣବତ୍ତା ଭଲ ଏବଂ ସନ୍ତୋଷଜନକ ପରିମାକରେ ରହିଛି ।