ପୁଣି ଚର୍ଚ୍ଚାରେ ଶ୍ରୀମୟୀଙ୍କ ପୋଷ୍ଟ: କହିଲେ... 'ଧନ୍ୟରେ ଆମ ବିଜୁପ୍ରେମୀ, ହେଇଗଲ ସବୁ ଭଣ୍ଡ ଅନୁଗାମୀ'

ଅନ୍ୟ ମୁଣ୍ଡରେ ଅଠା ବୋଳ
ଏହା ହେଉଛି ତାମିଲ୍ ଖେଳ 

ଅନାମ ବାବୁଙ୍କ ମୁହଁରେ କୁହାଇ 
ପୁରୁଖାଙ୍କୁ ଦେଉଛି ସେ ଫସାଇ 

ଆରମ୍ଭ ହେଲାଣି ପଲିଟିକାଲ ଇଭେଣ୍ଟ 
ଖୋଜା ଚାଲିଛି ବିଶ୍ୱସ୍ତ ଏଜେଣ୍ଟ 

ଧମକ ଦେଲେଣି ପାଲତୁ ବାବୁ
ମୁଣ୍ଡପୋତି ସହୁଛନ୍ତି ବରିଷ୍ଠ ସବୁ

ଧନ୍ୟରେ ଆମ ବିଜୁପ୍ରେମୀ 
ହେଇଗଲ ସବୁ ଭଣ୍ଡ ଅନୁଗାମୀ

ପୁଣିଥରେ ବିଜେଡି ନେତାଙ୍କୁ ତେରେଛା ତୀର ମାରିଛନ୍ତି ଶ୍ରୀମୟୀ ମିଶ୍ର । କବିତା କବିତାରେ ପୁଣିଥରେ ବିଜେଡି ନେତାଙ୍କୁ ଘାଇଲା କରିଛନ୍ତି । ଶ୍ରୀମୟୀଙ୍କର ଏହି ଫେସବୁକ୍ ପୋଷ୍ଟରେ ୧୦ ଲାଇନର ଏ କବିତା କାହା ପାଇଁ ଲେଖାହେଇଛି, ଆଉ କାହାକୁ ଇଙ୍ଗିତ କରି ଲେଖାଯାଇଛି, ତା ତ ଆପେ ଆପେ ଜଣାପଡ଼ୁଛି । ହେଲେ ଶ୍ରୀମୟୀଙ୍କ ଏହି ପୋଷ୍ଟ କିନ୍ତୁ ରାଜନୈତିକ ମହଲରେ ହଟଚମଟ ସୃଷ୍ଟି କରିଛି ।

ଏହା ପୂର୍ବରୁ ଶ୍ରୀମୟୀଙ୍କ ଅନେକ ପୋଷ୍ଟ ଭାଇରାଲ୍ ହୋଇଛି । ପ୍ରଥମ ଧୃତରାଷ୍ଟ୍ର ଆଉ ଭଣ୍ଡ ସନ୍ନ୍ୟାସୀ ପୋଷ୍ଟ  ଆଉ ତା ପରେ ପରେ ନୂଆପଡ଼ା ପରାଜୟ ପଛର କାରଣକୁ ନେଇ ବିଜେଡିକୁ ସବୁବେଳେ ସିଧା ନିଶାନା କରିଛନ୍ତି ଶ୍ରୀମୟୀ । ଆଉ ତାଙ୍କର ଏହି ନୂଆ ପୋଷ୍ଟ ପୁଣିଥରେ ରାଜନୈତିକ ମହଲରେ ଚର୍ଚ୍ଚା ସୃଷ୍ଟି କରିଛି ।

ଆହୁରି ପଢ଼ନ୍ତୁ : ମମତାଙ୍କ ଭବିଷ୍ୟବାଣୀ : ୨୦୨୯ କେନ୍ଦ୍ରରେ ବିଜେପି କ୍ଷମତାରୁ ହଟିଯିବ

ଶ୍ରୀମୟୀଙ୍କୁ ଯେବେଠୁ ଦଳ ବିଦା କରିଛି, ସେବେଠୁ ତାଙ୍କର ଗୋଟିଏ ପରେ ଗୋଟିଏ ସୋସିଆଲ୍ ମିଡିଆରେ ଚର୍ଚ୍ଚା ସୃଷ୍ଟି କରିଛି । ବିଜେଡି ନେତାଙ୍କୁ ଟାର୍ଗେଟ୍ କରିବା ସହ ଶ୍ରୀମୟୀ ଲଗାତାର ତାମିଲ ବାବୁ କଥା ଉଠେଇ ପରୋକ୍ଷରେ ପାଣ୍ଡିଆନଙ୍କୁ ଟାର୍ଗେଟ୍ କରୁଛନ୍ତି ।