ଆଗାମୀ ନିର୍ବାଚନ ଲଢ଼ିବେନି ଖଣିମନ୍ତ୍ରୀ ବିଭୂତି ଜେନା; ରାଜନୀତିରେ ଯୁବକଙ୍କ ପାଇଁ ଛାଡ଼ିବେ ବାଟ

କନକ ବ୍ୟୁରୋ : ନିର୍ବାଚନ ଲଢ଼ିବେନି ଖଣିମନ୍ତ୍ରୀ ବିଭୂତି ଜେନା । କହିଲେ, ରାଜନୀତିରେ ଯୁବପିଢ଼ି ଆସିବା ଆବଶ୍ୟକ । ତେବେ ରାଜନୀତି ଛାଡ଼ିବେ ନାହିଁ ବୋଲି ସ୍ପଷ୍ଟ କରିଛନ୍ତି । କିନ୍ତୁ ଆଗାମୀ ନିର୍ବାଚନ ଲଢ଼ିବାକୁ ଇଚ୍ଛା ନଥିବା କହିଛନ୍ତି । ଏହାସହ ଦଳ ଯାହା ଦାୟିତ୍ୱ ଦେବ ସୂଚାରୁ ରୂପେ ତୁଲାଇବେ । ଯେଉଁ ରାଜନୀତିରେ ଜନତାଙ୍କ କଲ୍ୟାଣ ହେବ ସେ ରାଜନୀତି ଛାଡ଼ିବେ ନାହିଁ ବୋଲି କହିଛନ୍ତି । ୧ବର୍ଷ ପରେ ୬୦ ବର୍ଷ ହେବ, ରାଜନୀତିରେ ଯୁବକମାନେ ଆଗକୁ ଆସିବା ଦରକାର ତାଙ୍କ ପାଇଁ ବାଟ ଖୋଲିବା ଆବଶ୍ୟକ । ଆଗାମୀ ନିର୍ବାଚନରେ ମୋର ଲଢ଼ିବାକୁ ଇଚ୍ଛା ନାହିଁ । ଦଳ ଯାହା ଦାୟିତ୍ୱ ଦେବ ତୁଲାଇବେ ଏବଂ ଦଳ ତାଙ୍କର ପରିଚୟ । ଯୁବକମାନେ ଆଗକୁ ଆସନ୍ତୁ ଏହା ତାଙ୍କର ଆନ୍ତରିକ ଇଚ୍ଛା ବୋଲି କହିଛନ୍ତି ଖଣିମନ୍ତ୍ରୀ ବିଭୂତି ଜେନା ।