କନକ ବ୍ୟୁରୋ: ଆଇପିଏସ୍ ଅଧିକାରୀଙ୍କ ବିରୋଧରେ ନିର୍ବାଚନ କମିସନଙ୍କ କାର୍ଯ୍ୟାନୁଷ୍ଠାନକୁ ନେଇ ତେଜିଲା ରାଜନୀତି । ଆଇପିଏସ୍ ଅଧିକାରୀ ଧୀରେନ୍ଦ୍ର ଶମ୍ଭାଜୀ କୁଟ୍ଟେଙ୍କୁ ସସ୍ପେଣ୍ଡ କରାଯିବା ପରେ ମୁହାଁମୁହିଁ ହୋଇଛନ୍ତି ବିଜେଡି ଓ ବିଜେପି ନେତା । ଇସିଆଇ ଏକ ପାଖିଆ ହୋଇ କାର୍ଯ୍ୟାନୁଷ୍ଠାନ ନେଇଥିବା ବିଜେଡି ଅଭିଯୋଗ କରିଛି । ଆଉ ଏହାକୁ ଦୁର୍ଭାଗ୍ୟଜନକ ବୋଲି କହିଛନ୍ତି ଭିକେ ପାଣ୍ଡିଆନ୍ । ସେପଟେ ବିଜେପି କହିଛି, କ୍ଷମତାର ଅପ ବ୍ୟବହାର କଲେ କାହାରିକୁ ଛଡ଼ାଯିବ ନାହିଁ ବୋଲି କହିଛନ୍ତି ବିଜେପି ନେତା ଭର୍ତୃହରି ମହତାବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଠିକ୍ ନିର୍ବାଚନୀ ପରିବେଶ ସରଗରମ ଥିବା ବେଳେ ଦୁଇ ବରିଷ୍ଠ ଆଇପିଏସ୍ ଧୀରେନ୍ଦ୍ର ଶମ୍ଭାଜୀ କୁଟ୍ଟେ ଏବଂ ଆଶିଷ ସିଂଙ୍କ ବିରୋଧରେ, ନିର୍ବାଚନ କମିଶନ ନେଇଥିବା କାର୍ଯ୍ୟାନୁଷ୍ଠାନକୁ ନେଇ ବୟାନବାଜି ତେଜିବାରେ ଲାଗିଛି । ଡି.ଏସ୍ କୁଟ୍ଟେଙ୍କୁ ଚାକିରିରୁ ସସପେଣ୍ଡ କରିବା ଘଟଣାରେ ବିଜେଡି ନେତା ଭି.କେ ପାଣ୍ଡିଆନ୍ କହିଛନ୍ତି -ଏହା ଏକ ଦୁର୍ଭାଗ୍ୟଜନକ କଥା, ସେ ଜଣେ ସଚ୍ଚୋଟ ଅଧିକାରୀ । ଜୀବନକୁ ବାଜି ଲଗାଇ ସେ ନକ୍ସଲଙ୍କ ସହ ଲଢିଛନ୍ତି । ରାଜନୈତିକ ଉଦ୍ଦେଶ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ସେପଟେ ବିଜେପି ନେତା ଭର୍ତୃହରି ମହତାବ ସାମ୍ବାଦିକ ସମ୍ମିଳୀ କରି କହିଛନ୍ତି- ନିର୍ବାଚନ କମିଶନ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ପ୍ରକ୍ରିୟା ଆରମ୍ଭ କରିଛନ୍ତି । ସେହିପରି ସରକାରୀ ଅଧିକାରୀ ଭାବେ କ୍ଷମତାର ଦୁର୍ବ୍ୟବହାର କଲେ କାହାରିକୁ ଛାଡ଼ିବେ ନାହିଁ ବୋଲି ଚେତାବନୀ ଦେଇଛନ୍ତି ।
ବୟାନବାଜି ଏତିକିରେ ସରିନଥିଲା, ବିଜେଡିର ଏକ ୪ ଜଣିଆ ସଦସ୍ୟ ଦଳ ସାମ୍ବାଦିକ ସମ୍ମିଳନୀ କରିବା ସହ ଏହି ପ୍ରସଙ୍ଗରେ ପ୍ରତିକ୍ର୍ରିୟା ରଖିଥିଲେ । ଓଡିଶାରେ ବିଜେପିର ସାହାସ ନାହିଁ ବିଜେଡି ସହ ଲଢିବାକୁ ସେଥିପାଇଁ ଅଫିସରଙ୍କ ପଛରେ ପଡିଛି ବୋଲି ବିଜେଡି ଅଭିଯୋଗ କରିଛି । ସେପେଟ ବିଜେପିର ପୂର୍ବତନ ରାଜ୍ୟ ସଭାପତି-ସମୀର ମହାନ୍ତି ବିଜେଡିକୁ କଟାକ୍ଷ କରିଛନ୍ତି ।
ସେପଟେ ବିଶେଷଜ୍ଞଙ୍କ ମତରେ ନିର୍ବାଚନ କମିଶନଙ୍କ କାର୍ଯ୍ୟାନୁଷ୍ଠାନ ଏକ ସ୍ୱାଭାବିକ ପ୍ରକ୍ରିୟା । ନିର୍ବାଚନ ପରିଚଳନା କ୍ଷେତ୍ରରେ ଅଯଥା ହସ୍ତକ୍ଷେପ କାରଣ ଦର୍ଶାଇ ବରିଷ୍ଠ ଆଇପିଏସ ଧୀରେନ୍ଦ୍ର ଶମ୍ଭାଜୀ କୁଟ୍ଟେଙ୍କୁ ନିର୍ବାଚନ କମିଶନ ଚାକିରିରୁ ସସପେଣ୍ଡ କରିଥିଲେ । ସେହିଭଳି ବରିଷ୍ଠ ଆଇପିଏସ ଆଶିଷ ସିଂଙ୍କ ସ୍ୱାସ୍ଥ୍ୟ ଯାଂଚ ପାଇଁ ନିର୍ଦ୍ଦେଶ ଦେଇଥିଲେ ନିର୍ବାଚନ କମିଶନ । ଏହାଛଡା ପ୍ରଶାନ୍ତ ଜଗଦେବଙ୍କ ଇଭିଏମ ଭଙ୍ଗାରୁଜା ଅଭିଯୋଗର ତଦନ୍ତ ପାଇଁ ବି ନିର୍ଦ୍ଦେଶ ଦେଇଥିଲେ ।