ସଂସଦରେ ମହିଳା ସଂରକ୍ଷଣ ବିଲ । ଶ୍ରେୟ ନେବାକୁ ରାଜନୀତି ଜୋରଦାର

କନକ ବ୍ୟୁରୋ : ଲୋକସଭାରେ ଆଗତ ହୋଇଛି ବହୁପ୍ରତିକ୍ଷୀତ ମହିଳା ସଂରକ୍ଷଣ ବିଲ୍ । ବର୍ତମାନ ମାହୋଲ ଯାହା ରହିଛି, ପାର୍ଲାମେଂଟରେ ବିଲ୍ ପାଶ ବି ହୋଇଯିବ । ଆଉ ଏହାହେଲେ ଲୋକସଭା ଓ ରାଜ୍ୟ ବିଧାନସଭା ଗୁଡିକରେ ୩୩ ପ୍ରତିଶତ ମହିଳାଙ୍କୁ ପ୍ରତିନିଧିତ୍ୱ ମିଳିବ । କିନ୍ତୁ ପ୍ରଶ୍ନ ଉଠୁଛି,
-ମହିଳା ସଂରକ୍ଷଣ ବିଲ୍ର ଶ୍ରେୟ କିଏ ନେବ?
-ସଂରକ୍ଷଣ ନେଇ ସରକାରଗୁଡିକ କେତେ ସକ୍ରିୟ ଥିଲେ?
-ବିଲ୍କୁ ସମର୍ଥନ କରୁଥିବା ଦଳ ଗମ୍ଭୀର ଥିଲେ କି?

ଲୋକସଭାରେ ମହିଳା ସଂରକ୍ଷଣ ବିଲ୍ ଆଗତ ହେବ ବୋଲି ସ୍ପଷ୍ଟ ହେବା ପରେ ସୋନିଆ ଗାନ୍ଧିଙ୍କ ପ୍ରତିକ୍ରିୟା ଥିଲା ଏହା ହେଉଛି ଆମର, ଆପଣାର । ଆଉ ଏହାର ଠିକ କିଛି ସମୟ ପରେ ପ୍ରଧାନମନ୍ତ୍ରୀଙ୍କ ବୟାନ ଥିଲା, ମହିଳାଙ୍କୁ ଅଧିକାର ଦେବା ଓ ସେମାନଙ୍କ ଶକ୍ତିକୁ ଉପଯୋଗ କରିବା ଭଳି ପବିତ୍ର କାମ କରିବାକୁ ଇଶ୍ୱର ମୋତେ ପଠାଇଛନ୍ତି, ଆଉ ସରକାର ଏ ନେଇ କାମ କରୁଛନ୍ତି । ଏହାପରେ ବିଲ ଆଗତ ହୋଇଥିଲା

୨୭ ବର୍ଷର ଇତିହାସକୁ ଦେଖିଲେ ମହିଳା ସଂରକ୍ଷଣ ବିଲ୍ ନେଇ ସବୁ ରାଜନୈତିକ ଦଳ ଆଭିମୁଖ୍ୟ ଏକପ୍ରକାର ରହିଛି । ତେଣୁ ଏହାର ଶ୍ରେୟ କାହାକୁ ଯିବ ସେ ନେଇ ଏବେ ଅଙ୍କକଷା ଆରମ୍ଭ ହୋଇଛି । ପ୍ରଶ୍ନ ଏହା ବି ଉଠୁଛି, ମହିଳା କଣ ଏତେ ଶୀଘ୍ର ସଶକ୍ତିକରଣ ହୋଇଯିବେ ।

-୧୯୯୬ ମସିହାରେ ପ୍ରଥମେ ମହିଳା ସଂରକ୍ଷଣ ବିଲକୁ ପାର୍ଲାମେଂଟରେଉପସ୍ଥାପନ କରାଯାଇଥିଲା
-ମିଳିତ ସରକାର ଯୋଗୁଁ ବିଲ୍ ପାଶ ହୋଇପାରିନଥିଲା
– ବାଜପେୟୀ ସରକାର ଅମଳରେ ୧୯୯୮, ୧୯୯୯, ୨୦୦୨ ଓ ୨୦୦୩-୨୦୦୪ରେ ଉଦ୍ୟମ ଫେଲ୍
-୨୦୧୦ରେ ରାଜ୍ୟସଭାରେ ମହିଳା ସଂରକ୍ଷଣ ବିଲ୍ ପାଶ ହୋଇଥିଲା
-ସାମଜାବାଦୀ ପାର୍ଟ. ଆରଜେଡି ବିରୋଧ କରିଥିଲେ, ବିଏସପି କକ୍ଷତ୍ୟାଗ କରିଥିଲା
କିନ୍ତୁ ସମାଜବାଦୀ ପାର୍ଟି ଓ ଆରଜେଡି ୟୁପିଏ ସରକାରର ଅଂଶୀଦାର ଥିଲେ
ଆଉ ଅଂଶୀଦାର ଦଳର ବିରୋଧ ଯୋଗୁଁ ଆଗକୁ ବଢିପାରିନଥିଲେ ତତାକଳୀନ ୟୁପିଏ ସରକାର
ବିଜେଡି ବାରମ୍ବାର ବିଲ ସପକ୍ଷରେ କହିଆସିଥିଲା

-ମହିଳା ସଂରକ୍ଷଣ ବିଲ ନେଇ ସବୁ ରାଜନୈତିକ ଦଳ ତତ୍ପରତା ଦେଖାଇନଥିଲେ କାହିଁକି?
-ପ୍ରଥମ କାର୍ଯ୍ୟକାଳରେ ମୋଦି ସରକାର ଏ ନେଇ କାହିଁକି ଉଦ୍ୟମ କରିନଥିଲେ?
-ସାଧାରଣ ନିର୍ବାଚନ ପୂର୍ବରୁ ବିଜେପିର ଏହି ପ୍ରୟାସ ବିଜେପିକୁ ଫାଇଦା ଦେବ କି?
ମହିଳା ସଂରକ୍ଷଣ ବିଲ୍ ପାସ ହେବାକୁ ଆଉ ବେଶୀ ଦିନ ନୁହେଁ । ଆଉ ଏହାର ଶ୍ରେୟ କିଏ ନେବ ତାର ଉତର ବୋଧେ ଆଗାମୀ ନିର୍ବାଚନରେ ମହିଳା ଭୋଟର ହିଁ ଦେଇପାରିବେ ।