ରାଜନୀତିରେ ରାବଣ ପୋଡି । ପତିଆରା ଲଢେଇ ପାଇଁ ଝାରସୁଗୁଡାରେ ବନ୍ଦ ହେଲା କି ରାବଣପୋଡି ?
କନକ ବ୍ୟୁରୋ: ରାବଣ ପୋଡିକୁ ନେଇ ଝାରସୁଗୁଡାରେ ରାଜନୀତି । କୌଣସି ଗୋଷ୍ଠୀକୁ ବି ମିଳିଲାନି ଅନୁମତି । ଏଥର ଦଶହାରରେ ଝାରୁସୁଗୁଡାରେ ରାବଣପୋଡି ବନ୍ଦ ରହିବ । ବିବାଦ ପରେ ଏଭଳି ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ । ଝାରୁସୁଗୁଡା ସହରରେ ଦୁଇଟି ରାବଣପୋଡି ହୋଇଥାଏ । ମନମୋହନ ଏମଇ ସ୍କୁଲ ପଡ଼ିଆରେ ହେଉଥିବା ରାବଣ ପୋଡ଼ି ଭିନ୍ନଭିନ୍ନ କାରଣରୁ ଚର୍ଚ୍ଚାର ଶୀର୍ଷରେ ରହିଛି । ପୂର୍ବରୁ ଏହାକୁ ନେଇ ପୋଷ୍ଟର, ହୋର୍ଡିଂ ୱାରରେ କଥା ସୀମିତ ଥିଲା । ଝାରସୁଗୁଡ଼ା ବିଧାୟିକା ଦୀପାଳି ଦାସ ଓ ବ୍ରଜରାଜନଗର ବିଧାୟିକା ଅଳକା ମହାନ୍ତିଙ୍କ ଫଟୋ ଥିବା ପୋଷ୍ଟର ଓ ହୋର୍ଡିଂ ଡିସପ୍ଲେ କରାଯାଇଥିଲା । ମନମୋହନ ଏମଇସ୍କୁଲ ପଡ଼ିଆରେ ବିଜୟା ଦଶମୀରେ ରାବଣ ପୋଡି କରିବା ପାଇଁ ବିଧାୟିକା ଦୁଇ ଜଣ ଭିନ୍ନ ଭିନ୍ନ ସମୟରେ ଆସିବେ ବୋଲି ପୋଷ୍ଟରରେ ଉଲ୍ଲେଖ ରହିଥିଲା । ସନ୍ଧ୍ୟା ୭ଟା ଓ ସାଢ଼େ ୬ଟାରେ ଦୁଇ ଜଣ ବିଧାୟିକା ଉପସ୍ଥିତ ରହି ରାବଣ ପୋଡି କରିବେ ବୋଲି ଉଲ୍ଲେଖ କରାଯାଇଥିଲା । ଏହାକୁ ନେଇ ବିବାଦ ଦାନା ବାନ୍ଧୁଥିବା ବେଳେ ରାବଣପୋଡି ପାଇଁ ଅନୁମତି ଦେଇନାହିଁ ଝାରସୁଗୁଡା ଜିଲ୍ଲା ପ୍ରଶାସନ । ଆଉ ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ସ୍ଥାନୀୟ ବାସିନ୍ଦା
Kanak News is now on WhatsApp
Join and get latest news updates delivered to you via WhatsApp
ମନମୋହନ ଏମଇସ୍କୁଲ ପଡିଆରେ ପୂର୍ବତନ ବାଚସ୍ପତି କିଶୋର ମହାନ୍ତି ଦୀର୍ଘବର୍ଷରୁ ଦଶହରା ମହୋତ୍ସବ ନାଁରେ ରାବଣପୋଡି କାର୍ଯ୍ୟକ୍ରମ ଆୟୋଜନ କରିଆସୁଥିଲେ । ଏହା କରୋନା ସମୟରେ ବନ୍ଦ ହୋଇଯାଇଥିଲା । କିଶୋର ମହାନ୍ତିଙ୍କର ବି ପରଲୋକ ହୋଇଥିଲା । ଏଣୁ ମାରୱାଡି ଯୁବମଂଚ ଓ ସ୍ପୋର୍ଟସ କ୍ଲବର ମିଳିତ ଆନୁକୂଲ୍ୟରେ ଏକ ନୂତନ ଦଶହରା କମିଟି ଗଠନ କରାଯାଇ ଗତବର୍ଷ ରାବଣପୋଡି କରାଯାଇଥିଲା । ଏବେ ଝାରସୁଗୁଡାରେ ରାବଣପୋଡି ପରେ ବିଜେପି-ବିଜେଡି ଦୋଷ ଲଦାଲଦି ହୋଇଛନ୍ତି ।