ଏକାମ୍ର ପ୍ରକଳ୍ପକୁ ନେଇ ତେଜୁଛି ରାଜନୀତି । ନିର୍ମାଣ ନାମରେ ପୂର୍ବ ସରକାର ଐତିହ୍ୟକୁ ଧ୍ୱଂସ କରିଥିବା କହିଲେ ବିଧାୟକ ବାବୁ ସିଂ । ପାଲଟା ଜବାବ ଦେଲେ ପୂର୍ବତନ ବିଧାୟକ
କନକ ବ୍ୟୁରୋ : ଏକାମ୍ର ପ୍ରକଳ୍ପର ସମୀକ୍ଷା କଲେ ବିଧାୟକ ବାବୁ ସିଂ । ଲିଙ୍ଗରାଜ ମନ୍ଦିରର ଚର୍ତୂପାଶ୍ୱର୍ ତଥା ପାର୍କିଂ ସ୍ଥଳର ନିର୍ମାଣ କାର୍ଯ୍ୟ କେତେ ଆଗେଇଛି ସେସବୁର ସମୀକ୍ଷା କରିଛନ୍ତି । ୧୫ ଏକର ସ୍ଥାନରେ ତିଆରି କରାଯାଉଥିବା ପାର୍କିିଂସ୍ଥଳ ବୁଲି ଦେଖିବା ସହ କେଉଁ ସ୍ଥାନରେ ଭେଣ୍ଡିଂ ଜୋନ ହେବ ସେନେଇ ଓବିସିସି ଅଧିକାରୀଙ୍କ ଆଲୋଚନା କରିବା ସହ ଏ ସମସ୍ତ କାମର ତଦାରଖ କରିଛନ୍ତି ବିଧାୟକ । ପୂର୍ବତନ ସରକାର ବିକାଶ ନାଁରେ ଅନେକ ଧ୍ୱଂସ କରିଥିବା ବିଜେପି ବିଧାୟକ ଅଭିଯୋଗ କରିଛନ୍ତି । ବର୍ତମାନ ସୁଦ୍ଧା ୪୦ ପ୍ରତିଶତ କାମ ଶେଷ ହୋଇଥିବା ବେଳେ ଖୁବଶୀଘ୍ର କାମ ସରିବ ବୋଲି ବିଧାୟକ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏକାମ୍ର ପ୍ରକଳ୍ପକୁ ନେଇ ରାଜନୀତି ତେଜିଛି, କାମ ବିଳମ୍ବ ହେବାକୁ ନେଇ ଏକାମ୍ର ବିଧାୟକ ବାବୁ ସିଂ ପୂର୍ବ ସରକାରଙ୍କୁ ଦାୟୀ କରିଥିଲେ । ଏହାର ଜବାବ ରଖିଛନ୍ତି ପୂର୍ବତନ ବିଧାୟକ ତଥା ବରିଷ୍ଠ ବିଜେଡି ନେତା ଅଶୋକ ପଣ୍ଡା । ବିଜେଡି ସରକାରରେ ପ୍ରକଳ୍ପ ଠିକ୍ ଠାକ୍ ଚାଲିଥିବା ବେଳେ ସେ ସମୟରେ କିଛି ଲୋକ ଏହାକୁ ବିରୋଧ କରିଥିଲେ ।ପ୍ରକଳ୍ପ ସମୟରେ ସମସ୍ତଙ୍କୁ କ୍ଷତିପୂରଣ ଦିଆଯାଇଛି । ଯଦି ବିଧାୟକ ଅଭିଯୋଗ କରୁଛନ୍ତି ପ୍ରଶାସନ ତାର ଉତର ଦେବ । ସରକାର ଆରୋପ ପ୍ରତ୍ୟାରୋପରୁ ବିରତ ରହି ତୁରନ୍ତ ଲିଙ୍ଗରାଜ ଆଇନକୁ କାର୍ଯ୍ୟକାରୀ କରନ୍ତୁ ବୋଲି ଅଶୋକ ପଣ୍ଡା ଦାବି କରିଛନ୍ତି ।