ମୁଖ୍ୟମନ୍ତ୍ରୀଙ୍କ କଳାହାଣ୍ଡି ଗସ୍ତକୁ ନେଇ ତେଜିଲା ରାଜନୀତି: ସଦିହ ରେଣ୍ଡୋ ମାଝୀ ମେଡିକାଲ କଲେଜ ଓ ଲକ୍ଷ୍ମୀବସ୍ ଲୋକାର୍ପିତ କରିବେ ନବୀନ

କନକ ବ୍ୟୁରୋ: କଳାହାଣ୍ଡି ଜିଲ୍ଲାକୁ ଆସନ୍ତା୧,ତାରିଖ ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗସ୍ତ କାର୍ୟ୍ୟକ୍ରମ ରହିଛି। ସେ ଭବାନୀପାଟଣାରେ ହୋଇଥିବା ନବ ନିର୍ମିତ ସହିଦ ରେଣ୍ଡୋ ମାଝୀ ମେଡିକାଲ କଲେଜ ପ୍ର ଉଦଘାଟନ ସହ ଓ ନବ ନିର୍ମିତ ବସଷ୍ଟାଣ୍ଡ, ଲକ୍ଷ୍ମୀ ବସର ଲୋକାର୍ପିତା କାର୍ୟ୍ୟକ୍ରମ କରିବେ । କିନ୍ତୁ ଜିଲ୍ଲା ରେ ବିଭିନ୍ନ ପ୍ରକାର ସମସ୍ୟା ରହିଥିଲେ ବି ଖାଲି ନିର୍ବାଚନ ସମୟରେ ମୁଖ୍ୟମନ୍ତ୍ରୀଙ୍କୁ କଳାହାଣ୍ଡି ଜିଲ୍ଲାର ବିକାଶ କଥା ମନେ ପଡେ ବୋଲି ବିରୋଧୀ ଅଭିଯୋଗ କରିଛନ୍ତି।

ମୁଖ୍ୟମନ୍ତ୍ରୀଙ୍କ କଳାହାଣ୍ଡି ଗସ୍ତ ପୂର୍ବରୁ ତେଜିଲା ରାଜନୀତି । ଶାସକ ଦଳର ନେତା ଓ କର୍ମୀ ନବୀନ ପଟନାୟକଙ୍କ ଗସ୍ତକୁ ନେଇ ବେଶ ଉତ୍ସାହିତ ଅଛନ୍ତି । କାର୍ଯ୍ୟକ୍ରମକୁ ସଫଳ କରିବା ପାଇଁ ପ୍ରସ୍ତୁତି ଚଳାଇଛନ୍ତି । ନଭେମ୍ବର ୧ ତାରିଖରେ ସହିଦ ରେଣ୍ଡୋ ମାଝୀ ମେଡିକାଲ କଲେଜ ଓ ଲକ୍ଷ୍ମୀ ବସ୍କୁ ଲୋକାର୍ପିତ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଲୋକାର୍ପଣ ଉତ୍ସବକୁ ନେଇ ଛାତ୍ରଛାତ୍ରୀ ଓ ଲୋକମାନେ ବେଶ ଖୁସି ଅଛନ୍ତି ।

ସେପଟେ ମୁଖ୍ୟମନ୍ତ୍ରୀଙ୍କ କଳାହାଣ୍ଡି ଗ୍ରସ୍ତକୁ ନେଇ ପ୍ରଶ୍ନ କରିଛନ୍ତି ବିରୋଧୀ । ଜିଲ୍ଲାର ବିକାଶ ପାଇଁ ମୁଖ୍ୟମନ୍ତ୍ରୀ ଦେଉଥିବା ଅନୁଦାନ କେବଳ ରାଜନୈତିକ ଉଦେଶ୍ୟ । ଜିଲ୍ଲାର ଡାକ୍ତର ଓ ଶିକ୍ଷକ ଶିକ୍ଷୟିତ୍ରୀଙ୍କ ପଦବୀ ଖାଲି ପଡିଥିବା ବେଳେ ମେଡିକାଲ କଲେଜ ଉଦଘାଟନ ନବୀନ ସରକାରଙ୍କ ନିର୍ବାଚନୀ ଥୋପ ବୋଲି ଅଭିଯୋଗ କରିଛନ୍ତି ବିରୋଧୀ । ମୁଖ୍ୟମନ୍ତ୍ରୀଙ୍କ ଗସ୍ତ ପାଇଁ ବିଜେଡି ଶିବିର ଚଳଚଂଚଳ ଥିବା ବେଳେ ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ଶାଣିତ ସମାଲୋଚନା କରିଛନ୍ତି ବିରୋଧୀ ।