କାଳିଆ ଓ ପିଏମ କିଷାନ ଟଙ୍କାକୁ ନେଇ ବଢିଲା କଳି : ଚାଷୀଙ୍କ ପାଇଁ କାହାର ଦରଦ କେତେ, ରାଜ୍ୟ କୃଷି ବିଭାଗ ଉପଦେଷ୍ଟା କହିଲେ, କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ସାମିଲ କରୁ କେନ୍ଦ୍ର
ବିଜେପି ନେତାଙ୍କ ଅଭିଯୋଗ ତାଲିକା ଦେଉନାହାନ୍ତି, ରାଜ୍ୟ ସରକାର
କନକ ବ୍ୟୁରୋ : ଚାଷୀଙ୍କ ଖାତାକୁ ଟଙ୍କା ଯିବା ପରେ ଆରମ୍ଭ ହୋଇଛି ରାଜନୈତିକ ହଟଚମଟ । କୃଷି ବିଭାଗର ଉପଦେଷ୍ଟା କୃତିବାସ ପାତ୍ର କହିଛନ୍ତି ଗତକାଲି ରାଜ୍ୟର ୯୨୦ କୋଟି ଟଙ୍କା ରାଜ୍ୟର ଚାଷୀଙ୍କୁ କାଳିଆ ଯୋଜନା ମାଧ୍ୟମରେ ମିଳିଲା । ଏହି ଟଙ୍କା ଚାଷୀ ମାନଙ୍କ ପାଇଁ ଏକ ବରଦାନ ସଦୃଶ । ତେବେ ଆଜି ଭଳି ଦିନରେ କେନ୍ଦ୍ର ସରକାର ପ୍ରଧାନମନ୍ତ୍ରୀ ଓ କେନ୍ଦ୍ର କୃଷି ମନ୍ତ୍ରୀଙ୍କ ପାଖରେ ଦାବି କରୁଛି କି, ପିଏମ କିଷାନ ଯୋଜନାରେ ଖୁଦ୍ର, ନାମମାତ୍ର ଚାଷୀ ଓ ଭୂମୀହିନ ଚାଷୀଙ୍କୁ ସାମିଲ କରନ୍ତୁ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବିଜେପି ନେତା ପ୍ରଦୀପ ପୁରୋହିତ କହିଛନ୍ତି ପ୍ରଧାନମନ୍ତ୍ରୀ ଦେଶର ସମସ୍ତ ଚାଷୀଙ୍କୁ ୬ହଜାର ଟଙ୍କା ଲେଖାଏଁ ଦେବାକୁ ନିସ୍ପତି ନେଇସାରିଛନ୍ତି । ସେହି କ୍ରମରେ ଗତକାଲି ଅଷ୍ଟମ କିସ୍ତିରେ ଦେଶର ୯କୋଟି ପଚାଶ ଲକ୍ଷ ଚାଷୀଙ୍କୁ ୧୯ହଜାର କୋଟି ଟଙ୍କା ଦେଇଛନ୍ତି । ରାଜ୍ୟ ତାଲିକା ଦେଲେ କେନ୍ଦ୍ର ଫାଇଦା ଦେବାରେ କୌଣସି ଅସୁବିଧା ନାହିଁ ବୋଲି ପ୍ରଧାନମନ୍ତ୍ରୀ କହିଛନ୍ତି । ବିଜୁ ଜନତା ଦଳ ବାରମ୍ବାର ଅଭିଯୋଗ କରୁଛି କି ଭୂମିହିନ ଓ ଭାଗଚାଷୀଙ୍କୁ ଏଥିରେ ସାମିଲ କରାଯାଉ । ଓଡ଼ିଶାରେ କେତେ ଭାଗଚାଷୀ ଓ ଭୂମିହୀନ ଚାଷୀ ଅଛନ୍ତି ରାଜ୍ୟସରକାର ଏଯାବତ ହିସାବ କରିନାହାନ୍ତି ।
ସେପଟେ ବିଜେପି କୃଷକ ମୋର୍ଚ୍ଚାଙ୍କୁ ଅଭିଯୋଗ ପରେ ଜବାବ ରଖିଛି ବିଜେଡ଼ି । ବିଜେଡ଼ି ବିଧାୟକ ଅମର ଶତପଥୀ କହିଛନ୍ତି ଏତେ ସଂଖ୍ୟକ ଲୋକଙ୍କ ତାଲିକା କରିବା ବେଳେ ତ୍ରୁଟି ବିଚ୍ୟୁତି ହୁଏ । ଯାହା କରାଯାଉଛି ତଥ୍ୟ ଅଧାରରେ କରାଯାଉଛି । ସର୍ଭେ ଆଧାରରେ ଯାହା ହେବ କରାଯିବ । ଭୂମିହୀନ ଓ ପ୍ରକୃତ ଚାଷୀଙ୍କୁ ରାଜ୍ୟ ସରକାର ସହାୟତା କରୁଛନ୍ତି ବୋଲି କହିଛନ୍ତି ଅମର ଶତପଥୀ ।