ମନେରହିବେ ମହାରଥୀ । ବିଧାୟକ ମହାରଥୀଙ୍କୁ ଝୁରୁଛି ବିଧାନସଭା । ଶୋକ ପ୍ରସ୍ତାବ ବେଳେ ଭାବବିହ୍ୱଳ ବିଧାୟକ,ମନ୍ତ୍ରୀ । ତାଙ୍କ ଠାଣୀ, ଚାହାଣୀ ଓ ମଜାଳିଆ କଥାକୁ ଝୁରୁଛନ୍ତି ସମସ୍ତେ ।
କନକ ବ୍ୟୁରୋ: ମହାରଥୀଙ୍କୁ ଝୁରୁଛି ବିଧାନସଭା । ପ୍ରଦୀପଙ୍କ ପରଲୋକ ପରେ ତାଙ୍କୁ ଖୋଜୁଛି ବିଧାନସଭା । ପିପିଲିରୁ ୭ ଥର ବିଧାୟକ ଭାବେ ଜିତିଥିବା ମହାରଥୀଙ୍କ ସହ ଦୀର୍ଘ ୩୦ ବର୍ଷରୁ ଅଧିକ ଦିନ ହେବ ବିଧାନସଭାର ସମ୍ପର୍କ । ବିଧାନସାଭାରେ ଆତଜାତ, ତାଙ୍କ ଠାଣୀ, ଚାହାଣୀ ଓ ମଜାଳିଆ କଥା ସହ ଗୃହ ଭିତରର ପ୍ରଶ୍ନକୁ ଆଜି ସମସ୍ତେ ଝୁରୁଛନ୍ତି ଆଉ ସବୁ ମନ୍ତ୍ରୀ ବିଧାୟକଙ୍କ ସହ ବି ସମ ପରିମାଣରେ ବିଧାନସଭା ଝୁରୁଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ପ୍ରଦୀପ ମହାରଥୀଙ୍କ ପାଇଁ ଗୃହରେ ଶୋକ ପ୍ରସ୍ତାବ ଆଣିଥିଲେ ଗୃହର ନେତା ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀଙ୍କ ଶୋକ ପ୍ରସ୍ତାବକୁ ସମର୍ଥନ କରିଥିଲେ ବିରୋଧୀ ଦଳ ନେତା । ଆଜି ମହାରଥୀଙ୍କ ଅବର୍ତମାନରେ ମହାରଥୀଙ୍କୁ ଝୁରୁଛି ବିଧାନସଭା । ଗୃହରେ ମହାରଥୀଙ୍କ ସ୍ମୃତି ଚାରଣ ସମୟରେ ଭାବବିହ୍ୱଳ ହୋଇପଡିଥିଲେ ସମସ୍ତ ବିଧାୟକ । ଶୋକ ପ୍ରସ୍ତାବକୁ ସମର୍ଥନ କରି ଦୁଃଖୀତ ଓ ମର୍ମାହତ ବୋଲି ବିବୃତି ରଖିଲେ ବିରୋଧୀ ଦଳ ନେତା ପ୍ରଦୀପ୍ତ ନାଏକ ।
ସେହିପରି ତାଙ୍କର ବିୟୋଗରେ ଗୃହରେ ଭାବବିହ୍ୱଳ ହୋଇପଡିଥିଲେ ବିରୋଧୀ ଦଳ ସଦସ୍ୟ ତାରାପ୍ରସାଦ ବାହିନୀପତି । ବିଜେପି ବିଧାୟକ କୁସୁମ ଟେଟେ କାନ୍ଦି ପକାଇଥିଲେ । ମହାରଥୀଙ୍କ ସ୍ମୃତିଚାରଣ କରି କଂଗ୍ରେସ ବିଧାୟକ ନରସିଂହ ମିଶ୍ର ମହାରଥୀଙ୍କୁ ଜଣେ ସଫଳ ରାଜନେତା ଓ ଜନପ୍ରିୟ ନେତା ଥିଲେ । ମହାରଥୀଙ୍କ ଉଦ୍ଦେଶ୍ୟରେ ଗଭୀର ଶ୍ରଦ୍ଧାଂଜଳି ଜଣାଇ ଆସନ୍ତାକାଲି ସକାଳ ୧୦ଟା ୩୦ ମିନିଟ୍ ପର୍ଯ୍ୟନ୍ତ ଗୃହକୁ ମୁଲତବୀ କରିଛନ୍ତି ବାଚସ୍ପତି । ଗୃହରେ ୧ ମିନିଟ୍ ପାଇଁ ନୀରବ ପ୍ରାର୍ଥନା ପରେ ଆସନ୍ତାକାଲି ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କରାଯାଇଛି । ବରିଷ୍ଠ ବିଜେଡି ନେତା ଅମର ଶତପଥୀ କହିଲେ ମରିନାହିଁ ମହାରଥୀ ,ସରିନାହିଁ ରାଜନୀତି । ସେହିପରି କଂଗ୍ରେସ ବିଧାୟକ ସନ୍ତୋଷ ସାଲୁଜା ସିଂ ମହାରଥୀଙ୍କୁ ମନେ ପକାଇ କହିଥିଲେ ଶହେ ଘୋଡାକୁ ଶହେ ହାତୀ, ଏକା ଲଢିବ ମହାରଥୀ ।