ବିଶ୍ୱର ସର୍ବବୃହତ ଗଣତନ୍ତ୍ରର ନେତା ନଂ-୨ । ବିବାଦ ଭିତରୁ ରାଜନୈତିକ ଦୁନିଆରେ ଚାଣକ୍ୟ ବୋଲାଉଥିବା ଶାହା, ସାଂସଦରୁ ଗୃହମନ୍ତ୍ରୀ ଏତେ ସହଜ ନଥିଲା ରାଜନୈତିକ ଯାତ୍ରା ।
କନକ ବ୍ୟୁରୋ : କେମିତି ବିଜେପିର ନେତୃତ୍ୱ ନେଲେ ଅମିତ ଶାହା ? କେଉଁ ପରିସ୍ଥିତିରେ ମୋଦିଙ୍କ ଅତି ନିକଟତର ହେଲେ ଶାହା । ଏହାକୁ ନେଇ ଯେତେ କାହାଣୀ, ସେତେ ସଂଘର୍ଷ । ଗୁଜୁରାଟରୁ ଦିଲ୍ଲୀ ପହଂଚିବା ଭିତରେ ଅନେକ ବାଧାବିଘ୍ନର ସାମ୍ନା କରିଛନ୍ତି ଆଜି ଦିନର ଗୃହମନ୍ତ୍ରୀ । ଦିନ ଏମିତି ବି ଥିଲା, ଯେଉଁ ଦିନ ଅମିତ ଶାହାଙ୍କୁ ନିଜ ରାଜ୍ୟରୁ ତଡିପାର ହେବାକୁ ପଡ଼ିଥିଲା ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱର ସବୁଠୁ ବଡ଼ ରାଜନୈତିକ ଦଳର ଅତି ପ୍ରଭାବଶାଳୀ ନେତା ଅମିତ ଶାହାଙ୍କ ଯାତ୍ରା ଏତେ ସହଜ ନଥିଲା । ବିବାଦ ଭିତରୁ ରାଜନୈତିକ ଯାତ୍ରା ଆରମ୍ଭ କରିଥିବା ଅମିତ ଶାହାଙ୍କୁ ଏକଦା ନିଜ ରାଜ୍ୟ ଗୁଜୁରାଟରୁ ତଡ଼ିପାର୍ ହେବାକୁ ପଡ଼ିଥିଲା । ହେଲେ ସବୁ ବିବାଦକୁ ଅତିକ୍ରମ କରି ଆଜି ବିଶ୍ୱର ସର୍ବବୃହତ ଗଣତନ୍ତ୍ରର ନମ୍ବର-ଟୁ ନେତା ହେଉଛନ୍ତି ଅମିତ ଶାହା । ମୋଦି ଓ ଶାହା ଯୋଡ଼ିକୁ ବିଜେପି ସମର୍ଥକ ବାଜପେୟୀ ଏବଂ ଲାଲକୃଷ୍ଣ ଆଡଭାନୀଙ୍କ ଯୋଡ଼ି ସହ ମଧ୍ୟ ତୁଳନା କରନ୍ତି । ଅବଶ୍ୟ ଏହି ତୁଳନା କେତେ ଯୁକ୍ତିଯୁକ୍ତ ତାକୁ ନେଇ ଅନେକ ସମୟରେ ବିବାଦ ହୁଏ ।
କେମିତି ଆରମ୍ଭ ହୋଇଥିଲା ଅମିତ ଶାହାଙ୍କ ଯାତ୍ରା ? କେମିତି ମୋଦିଙ୍କ ଅତି ନିକଟତର ବନିଲେ ଶାହା? ଗୁଜୁରାଟରେ ନରେନ୍ଦ୍ର ମୋଦି ମୁଖ୍ୟମନ୍ତ୍ରୀ ଥିବା ବେଳେ ଏକାଧିକ ପୋଟଫୋଲିଓ ନେଇ ମନ୍ତ୍ରୀ ଥିଲେ ଅମିତ ଶାହା । ୧୯୯୭ ଉପନିର୍ବାଚନକୁ ମିଶାଇ ୨୦୦୭ ଯାଏଁ ଶେରଖେଜ୍ ବିଧାନସଭା ଆସନରୁ କ୍ରମାଗତ ୪ଥର ନିର୍ବାଚିତ ହୋଇଥିଲେ ଅମିତ ଶାହା । ହେଲେ ୨୦୧୨ ନାରନପୁର ଆସନରୁ ନିର୍ବାଚିତ ହେବା ପରେ, ଜାତୀୟ ସ୍ତରରେ ଶାହାଙ୍କ ଗୁରୁତ୍ୱ ବେଶ ବଢ଼ିିଯାଇଥିଲା । ଆଉ ଯେତେବେଳେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ପଦର ଦାୟିତ୍ୱ ମିଳିଥିଲା ଭାରତ ଦେଇଥିଲା ରାଜନୈତିକ ସଂଗଠନର ଏକ ନୂଆ ରଣନୀତି ।
ଗୁଜୁରାଟରୁ ଦିଲ୍ଲୀ, ସବୁଠି ମୋଦିଙ୍କ ପାଖେପାଖେ ଥିବା ଶାହା, ଗାନ୍ଧୀନଗରରୁ ଦିଲ୍ଲୀ ଆସିଲେ । ଏହାରି ଭିତରେ ସାଂସଦ ଏବଂ ସାଂସଦରୁ ଗୃହମନ୍ତ୍ରୀ । ହେଲେ ବିଡ଼ମ୍ବନା ଦେଖନ୍ତୁ, ୨୦୦୨ ଗୁଜୁରାଟ ଦଙ୍ଗା ବେଳେ ବାଜପେୟୀ ନରେନ୍ଦ୍ର ମୋଦିଙ୍କ ଯେଉଁ ରାଜଧର୍ମର ପାଠ ପଢ଼ାଇଥିଲେ, ସେଇ ରାଜଧର୍ମର ପାଠ ଆଜି ଅମିତ ଶାହାଙ୍କୁ ପଢ଼ାଉଛନ୍ତି ବିରୋଧୀ ।