ସେସୁ ଓ ସରକାରଙ୍କୁ ଖୋଲା ଚ୍ୟାଲେଞ୍ଜ ଦେଲେ ବିରୋଧୀ । କଂଗ୍ରେସ କହିଲା, ବିଦ୍ୟୁତ କାଟିଲେ ବରଦାସ୍ତ କରିବୁନି । ଲାଇନ କାଟିବାକୁ ଗାଁ ଭିତରେ ପୂରାଇ ଦେବୁନି ।
କନକ ବ୍ୟୁରୋ : ସେସୁ ଓ ସରକାରଙ୍କୁ ଖୋଲା ଚ୍ୟାଲେଞ୍ଜ । ଲାଇନ୍ କାଟିଲେ ହେବ ଆନ୍ଦୋଳନ । ଏମିିତି କି ଲାଇନ୍ କାଟିବାକୁ ଆସୁଥିବା କର୍ମଚାରୀଙ୍କୁ ଗାଁକୁ ପଶିବାକୁ ଦିଆଯିବ ନାହିଁ ବୋଲି ଚେତାବନୀ ଦେଇଛି କଂଗ୍ରେସ । ଏପଟେ ସେସୁର ବିଜୁଳି କାଟ୍ ନିଷ୍ପତିକୁ ଜିଜିଆ କର ସହ ତୁଳନା କରାଯାଇଛି । ବିଜୁଳି ବିଲକୁ ନେଇ ଚାଲିଥିବା ଏହି ବିବାଦ, ସେତେବେଳେ ତୀବ୍ର ହୋଇଥିଲା ଯେତେବେଳେ ସେସୁର ସିଇଓ ଆସି ଡେଡଲାଇନ୍ ଘୋଷଣା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବକେୟା ଥିବା ବିଜୁଳି ବିଲ୍ ନଦେଲେ ସେସୁ ଲାଇନ୍ କାଟିବା ପାଇଁ ସମୟୀ ସୀମା ଧାର୍ଯ୍ୟ କରିଥିବା ବେଳେ ଏହାକୁ ନେଇ ଆରମ୍ଭ ହୋଇଛି ରାଜନୀତି । ଉଭୟ କଂଗ୍ରେସ ଓ ବିଜେପି, ସେସୁ ଏବଂ ରାଜ୍ୟ ସରକାରଙ୍କୁ ଶୁଣାଇଛନ୍ତି ଚରମବାଣୀ । କଂଗ୍ରେସ ବିଧାୟକ କହିଛନ୍ତି- ପିଲାଙ୍କ ମୁଣ୍ଡ ଉପରେ ପରୀକ୍ଷା, ଆଉ ଏତିକି ବେଳେ ଲାଇନ୍ କାଟିଲେ, ବିଦ୍ୟୁତ୍ କର୍ମଚାରୀଙ୍କୁ ଗାଁକୁ ପୂରାଇ ଦିଆଯିବ ନାହିଁ । ଏମିତି ଆନ୍ଦୋଳନର ବି ଚେତାବନୀ ଦେଇଛନ୍ତି ସୁର ରାଉତରାୟ । ଏପଟେ ବିଜେପି କହିଛି- ରାଜ୍ୟ ସରକାର ଜିଜିଆ କର ଆଦାୟ ନୀତି ଆପଣାଇଛନ୍ତି ।
ବିଜୁଳି ବିଲକୁ ନେଇ ଚାଲିଥିବା ଏହି ବିବାଦ, ସେତେବେଳେ ତୀବ୍ର ହୋଇଥିଲା ଯେତେବେଳେ ସେସୁର ସିଇଓ ଆସି ଡେଡଲାଇନ୍ ଘୋଷଣା କରିଥିଲେ । ଜାନୁଆରୀ ୧୬ ସୁଦ୍ଧା ବକେୟା ବିଲ ପୈଠ ନକଲେ ବିଦ୍ୟୁତ କାଟି ଦିଆଯିବ ବୋଲି ସ୍ପଷ୍ଟ କରିଥିଲେ ଅରୁଣ । ତେବେ ଗ୍ରାହକଙ୍କ ସୁବିଧାକୁ ଦୃଷ୍ଟିରେ ରଖି, ୨୫ ହଜାର ଟଙ୍କାରୁ କମ ବକେୟା ଥିବା ଉପଭୋକ୍ତାଙ୍କ ପାଇଁ ୪ଟି କିସ୍ତି ମାଧ୍ୟମରେ ୩୦ ପ୍ରତିଶତ ବିଲ୍ ପଇଠ କରିବା ପାଇଁ ସେସୁ ପକ୍ଷରୁ କୁହାଯାଇଛି । ଯାହା ଦ୍ୱାରା ଏହି ଗ୍ରାହକମାନଙ୍କର ବିଦ୍ୟୁତ କଟିବ ନାହିଁ । ସେହିପରି ୫୦ ହଜାର ଟଙ୍କାରୁ ଅଧିକ ବିଲ ବକେୟା ରଖିଥିବା ଉପଭୋକ୍ତା ବିଲର ୩୦ ପ୍ରତିଶତ ଦେଇ ୬ଟି କିସ୍ତିରେ ବିଲ ପଇଠ କରିପାରିବେ ।
୮ଲକ୍ଷ ୩୬ ହଜାର ଘରୋଇ ଉପଭୋକ୍ତା ଏବଂ ୯ ହଜାର ବ୍ୟବସାୟୀ ଏବଂ ଦୋକାନ ଘରକୁ ନୋଟିସ କରାଯାଇଛି । ୧ହଜାର ୯୭୧ କୋଟି ଟଙ୍କାର ବିଜୁଳି ବିଲ୍ ବକେୟା ଥିବା କାରଣରୁ ଏଭଳି ଏକ କଡା ନିଷ୍ପତି କରାଯାଇଛି । ଏହି ନିଷ୍ପତି ଅନୁସାରେ ପଦକ୍ଷେପ ନେଲେ ୧୧ହଜାର ୩୯୭ ଗାଁରେ କଟିବ ବିଜୁଳି । ତେବେ ଏସବୁ ଭିତରେ ବିଦ୍ୟୁତ ବିଲ ବକେୟା ରଖିଥିବା ୭ଲକ୍ଷ ଉପଭୋକ୍ତାଙ୍କ ମଧ୍ୟରୁ ୧ ଲକ୍ଷ ୧୦ ହଜାର ଛୋଟ ଛୋଟ ଉପଭୋକ୍ତା ୨୧ କୋଟି ଟଙ୍କା ବିଦ୍ୟୁତ ବିଲ୍ ଦେଇଛନ୍ତି ।