କନକ ବ୍ୟୁରୋ : ଉତ୍ତରାଖଣ୍ଡ ପରେ ଏବେ କର୍ଣ୍ଣାଟକରେ ବଦଳି ପାରେ କ୍ୟାବିନେଟ୍ । ୟେଦୁୟେରପ୍ପା ମନ୍ତ୍ରୀମଣ୍ଡଳ ଅଦଳ ବଦଳ ହୋଇପାରେ ବୋଲି ଅନୁମାନ କରାଯାଇଛି । ଏନେଇ କର୍ଣ୍ଣାଟକ ମୁଖ୍ୟମନ୍ତ୍ରୀ ୟେଦୁୟେରପ୍ପାଙ୍କୁ ଦିଲ୍ଲୀରୁ ଡାକରା ଆସିଛି । ଆଜି ସନ୍ଧ୍ୟା ୫ ଟା ସୁଦ୍ଧା ୟେଦୁୟେରପ୍ପା ଦିଲ୍ଲୀ ପହଂଚିବେ । ଏହାପରେ ସେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡାଙ୍କୁ ଭେଟିବାର କାର୍ଯ୍ୟକ୍ରମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଦିନ କର୍ଣ୍ଣାଟକ ମୁଖ୍ୟମନ୍ତ୍ରୀ ୟେଦୁୟେରପ୍ପା କହିଥିଲେ କି ଏବେ ତାଙ୍କ ମନ୍ତ୍ରୀମଣ୍ଡଳ ଅଦଳ ବଦଳ ହେବାର କିଛି ପ୍ରସ୍ତାବ ନାହିଁ । ଏହି ବାବଦରେ କିଛି ନିଷ୍ପତ୍ତି ନେବାକୁ ସେ ଦଳର କେନ୍ଦ୍ରୀୟ ନେତାଙ୍କ ସହ ଆଲୋଚନା କରିବାକୁ ଦିଲ୍ଲୀ ଯାଉଛନ୍ତି ଓ ରାଜ୍ୟର ବିଭିନ୍ନ ମୁଦ୍ଦା ଉପରେ ସେଠାରେ ଆଲୋଚନା ହେବ ବୋଲି ସେ କହିଛନ୍ତି ।
ମନ୍ତ୍ରୀମଣ୍ଡଳ ପୁର୍ନଗଠନ ନେଇ ପଚରା ଯାଇଥିବା ପ୍ରଶ୍ନର ଉତ୍ତର ଦେଇ ସେ କହିଥିଲେ କି ‘ମୋ ଲକ୍ଷ୍ୟରେ ସେମିତି କିଛି ପ୍ରସ୍ତାବ ନାହିଁ, ଦିଲ୍ଲୀରେ ଆଲୋଚନା ପରେ ସ୍ପଷ୍ଟ ହେବ’ । ଅନ୍ୟପଟେ ବିଜେପି ରାଜ୍ୟ ଅଧ୍ୟକ୍ଷ ନଳୀନ କୁମାର କଟିଲ କହିଛନ୍ତି କି ଏହା ମୁଖ୍ୟମନ୍ତ୍ରୀଙ୍କ ବିବେକ ଉପରେ ନିର୍ଭର କରେ ।
ଅନ୍ୟପଟେ ଆକଳନ କରାଯାଇଛି କି ପ୍ରଧାନମନ୍ତ୍ରୀ କିମ୍ବା ବିଭାଗୀୟ ମନ୍ତ୍ରୀଙ୍କ ସହିତ ପ୍ରସ୍ତାବିତ ବୈଠକରେ ୟେଦୁରୂପା କାବେରୀ ନଦୀ ଉପରେ ମେକେଦାତୁ ପରିଯୋଜନାକୁ କେନ୍ଦ୍ର ସରକାର ମଞ୍ଜୁରୀ ପ୍ରଦାନ କରନ୍ତୁ ବୋଲି ଦାବି କରିପାରନ୍ତି । କହିରଖୁ କି ପଡୋଶୀ ରାଜ୍ୟ ତାମିଲନାଡୁ ଏହି ଯୋଜନାକୁ ବିରୋଧ କରୁଛି । ୟେଦୁୟେରପ୍ପା ଶନିବାର ଦିନ ପୁଣି କର୍ଣ୍ଣାଟକ ଫେରିବେ ବୋଲି କହିଛନ୍ତି ।