ତାଲିବାନ ବିରୋଧରେ ସଂଗଠିତ ହେଉଛି ନୂଆ ବିକଳ୍ପ, ଗୋଟିଏ ମଞ୍ଚରେ ସବୁ ଆଫଗାନ ନେତା
କନକ ବ୍ୟୁରୋ : ଆଫଗାନିସ୍ତାନରେ ନୂଆ ତାଲିବାନ ସରକାରକୁ ଖୁବଶୀଘ୍ର ମଜବୁତ ରାଜନୈତିକ ବିପକ୍ଷର ସାମ୍ନା କରିବାକୁ ପଡିବ । ଜାତୀୟ ଗଣମାଧ୍ୟମର ସୂଚନା ମୁତାବକ ଆଫଗାନର ପୂର୍ବତନ ରାଷ୍ଟ୍ରପତି ହମିଦ୍ କରଜାଇ, ଡ.ଅବଦୁଲ୍ଲା, ରେଜିମେଣ୍ଟ ଫୋର୍ସର ନେତା ଅହମ୍ମଦ ମସୁଦ ଓ ପୂର୍ବ ରାଷ୍ଟ୍ରପତି ଓମରୁଲ୍ଲାହା ଏନେଇ ଆଲୋଚନା ଜାରି ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂତ୍ରର ସୂଚନା ମୁତାବକ ଗନି ସରକାର ସମୟରେ ପାଖା ପାଖି ୭୦ ଟି ଦେଶରେ ନିଯୁକ୍ତ ଥିବା ଆଫଗାନି ରାଜଦୂତମାନେ ବି ଏହି ଆଲୋଚନାରେ ସାମିଲ ହୋଇଛନ୍ତି । ଏହି ଆଲୋଚନାରୁ ସ୍ପଷ୍ଟ ହେଉଛି କି ଖୁବଶୀଘ୍ର ଆଫଗାନିସ୍ତାନରେ ତାଲିବାନ ସରକାରକୁ ଏକ ମଜବୁତ ବିପକ୍ଷର ସାମ୍ନା କରିବାକୁ ପଡିପାରେ । ସୂତ୍ର ବି ନିର୍ବାସିତ ସରକାରର ପୁନଃଗଠନ ହୋଇପାରେ ବୋଲି ଆଶା କରିଛି । ଆଲୋଚନାରେ ସାମିଲ ହୋଇଥିବା ଆଫଗାନର ମୁଖ୍ୟମାନେ ଏବେ ଦେଶର ସମସ୍ତ ଅଞ୍ଚଳ ସହିତ ସଂପର୍କରେ ରହିଛି ।
ସୂତ୍ର ସୂଚନା ମୁତାବକ ନା ତାଲିବାନୀମାନେ ଆଫଗାନରେ ବ୍ୟାପକ ସରକାର ଗଠନରେ ସଫଳ ହୋଇଛନ୍ତି ନା ସେଠିକାର ମହିଳାମାନଙ୍କୁ ସେମାନଙ୍କ ଅଧିକାର ଦେବାରେ । ତାଲିବାନ ପୂର୍ବଭଳି ଆଫଗାନରେ ତାର ଏକଛତ୍ରବାଦ ଧର୍ମୀୟ ଶାସନ ନୀତି ଉପରେ ଜୋର ଦେଇଛି । ତେଣୁ ଆଫଗାନର ରାଷ୍ଟ୍ରମୁଖ୍ୟମାନେ ଚିନ୍ତା କରିଛନ୍ତି କି ତାଲିବାନ ସରକାରକୁ ଘଉଡାଇବାକୁ ଶକ୍ତି ଯୋଗାଡ କରିବା ପରିବର୍ତ୍ତେ ତାଲିବାନ ସରକାର ବିରୋଧରେ ଏକ ଶକ୍ତ ବିରୋଧୀଦଳ ଗଠନ କରି ସେମାନଙ୍କ ଏକଛତ୍ରବାଦ ନୀତି ବିରୋଧରେ ପ୍ରଥମେ ଲଢେଇ କରିବାକୁ ହେବ । ଅନ୍ୟପଟେ ଆଫଗାନ ନେତାଙ୍କ ପାଇଁ ଏହା ବି ବହୁ କଷ୍ଟକର ବ୍ୟପାର । କାରଣ ଗୋଟିଏପଟେ ଆଫଗାନବାସୀଙ୍କୁ ତାଲିବାନୀଙ୍କ କବଳରୁ ରକ୍ଷା କରୁଥିବା ଆମେରିକା ସେନା ଏବେ ନିଜ ଦେଶକୁ ପ୍ରତ୍ୟାବର୍ତ୍ତନ କରିଛନ୍ତି ଓ ତାଜାକିସ୍ତାନ ବି ଓମରଲ୍ଲାହା ସାଲେହଙ୍କୁ ସାହାଯ୍ୟ କରୁନାହିଁ ।