ଗ୍ୟାଙ୍ଗଷ୍ଟର ଧଳସାମନ୍ତ ବ୍ରଦର୍ସଙ୍କ ଘରେ ପୁଣି ପୁଲିସର ଚଢାଉ : ଚୋରା ବନ୍ଧୁକ କାରବାରକୁ ନେଇ ଖୋଳତାଡ । ଦୁଇ ଭାଇଙ୍କୁ ୩ ଦିନିଆ ରିମାଣ୍ଡରେ ନେଲା ପୁଲିସ୍
କନକ ବ୍ୟୁରୋ : ୪ ବର୍ଷର ବ୍ୟବଧାନ ପରେ ପୁଣି ଗ୍ୟାଙ୍ଗଷ୍ଟାର ଡି. ବ୍ରଦର୍ସଙ୍କୁ ନେଇ ରାଜ୍ୟରେ ଚର୍ଚ୍ଚା ଜୋର ଧରିଛି । ଏହି ଗ୍ୟାଙ୍ଗଷ୍ଟାର ଧଳ ବ୍ରଦର୍ସଙ୍କ ଘରୁ ବିପୁଳ ପରିମାଣର ଗୁଳି ଓ ବନ୍ଧୁକ ମିଳିବା ପରେ ପୋଲିସ ଜୋରଦାର ତଦନ୍ତ ଆରମ୍ଭ କରିଛି । ଏନେଇ ଗ୍ୟାଙ୍ଗଷ୍ଟର ଡି-ବ୍ରଦର୍ସଙ୍କୁ ତିନି ଦିିନିଆ ରିମାଣ୍ଡରେ ନେଇ ଆଜିଠୁ ଜେରା କରିବ ପୁଲିସ୍ । ଏନେଇ ଗତକାଲି ଉଭୟଙ୍କୁ କୋର୍ଟରେ ହାଜର କରାଯାଇଥିଲା । ସେପଟେ ଧଳସାମନ୍ତଙ୍କ ଘରେ ପୁଣି ପୁଲିସ୍ ତଲାସି ଆରମ୍ଭ କରିଛି । କମିଶନରେଟ୍ ପୁଲିସର ଏକ ଟିମ୍ କଟକ ସ୍ଥିତ ଧଳସାମନ୍ତ ଭାଇଙ୍କ ଘରେ ଚଢ଼ାଉ ପାଇଁ ପହଂଚିଛି । କିଛି ଦିନ ତଳେ ଡି-ବ୍ରଦର୍ସଙ୍କ ଘରେ ପୁଲିସ୍ ଚଢ଼ାଉ କରିଥିଲା । ଏହି ସମୟରେ ବହୁ ନୂଆ ତଥ୍ୟ ସାମ୍ନାକୁ ଆସିଥିଲା । ଡି-ବ୍ରଦର୍ସଙ୍କ ଘରୁ ବହୁ ପରିମାଣର ମାରଣାସ୍ତ୍ର ଜବତ ହୋଇଥିଲା । ଯାହା ମଧ୍ୟରେ ୧୦ରୁ ଅଧିକ ବନ୍ଧୁକ ସହ ବହୁ ଗୁଳିଗୋଳା ଜବତ କରିଥିଲା ପୁଲିସ୍ । ୧୬ଟି ବନ୍ଧୁକ, ୧୦୯୫ ରାଉଣ୍ଡ ଗୁଳି, ୨୪ ମାଗାଜିନ, ୧୬ଟି ମୋବାଇଲ, ୪ଟି ମୋଟର ସାଇକେଲକୁ ଜବତ ହୋଇଥିଲା । ଦୁଇ ଧଳସାମନ୍ତ ବ୍ରଦର୍ସଙ୍କ ଇଙ୍ଗିତରେ ବେଆଇନ ବନ୍ଧୁକ କାରବାର କରୁଥିବା ୮ଜଣଙ୍କୁ ମଧ୍ୟ ଗିରଫ ହୋଇଥିଲେ । ଏସବୁ ବନ୍ଧୁକ ବିହାରରୁ ଆସୁଥିବାର ଲିଙ୍କ ପୁଲିସ୍ ହାତରେ ଲାଗିଥିଲା । ଏହି ମାମଲାର ଅଧିକ ଖୋଳତାଡ଼ ଜାରି ରହିଛି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି କଟକରେ ଏହି ଦୁଇ ଭାଇ ଦୀର୍ଘ ଦିନ ହେବ ଦାଦା ବଟି, ରାହାଜାନୀ, ଟେଣ୍ଡର ଫିକ୍ସିଂ ଭଳି ଅପରାଧ କରିଚାଲିଥିଲେ । ଏହା ସହ ସେମାନେ ବିଭିନ୍ନ ସମୟରେ ଲୋକଙ୍କ ହତ୍ୟା କରିଥିବା ପ୍ରମାଣ ମିଳିଛି । ଏଭଳି ଏକ ଅପରାଧିକ ଦୁର୍ଗ ପ୍ରସ୍ତୁତ କରି କଟକ ସହରବାସୀଙ୍କ ନିଦ ହଜାଇ ଦେଇଥିଲେ ଏହି ଦୁଇ ଭାଇ । ଏନେଇ ବାରମ୍ବାର ଥାନାରେ ଅଭିଯୋଗ ହେବା ପରେ ପୋଲିସ ଡି ବ୍ରଦର୍ସଙ୍କ ଆଡ୍ଡା ଉପରେ ଚଢାଉ କରି ସେମାନଙ୍କୁ ଗିରଫ୍ କରିଥିଲା ।